Sopelako Udala - Sopelako Udalak merkataritza suspertzeko "Gastro-Bonuak" eta "Bono-denda" kanpainak abiarazi ditu
Zu hemen zaude: Hasiera ENPLEGU ETA SUSTAPEN EKONOMIKOA Sopelako Udalak merkataritza suspertzeko "Gastro-Bonuak" eta "Bono-denda" kanpainak abiarazi ditu

cabecera empleo y promocioneconomica

Sopelako Udalak merkataritza suspertzeko "Gastro-Bonuak" eta "Bono-denda" kanpainak abiarazi ditu

•    Bi kanpainen helburua udalerriko merkataritza- eta ostalaritza-sektorean erosketak sustatzea da.


Sopelako Udaleko Enplegu eta Ekonomi Sustapen Sailak “Sopela On egin! Gastro-Bonuak 2022” eta “Bono-Denda Sopela 2022” bonu kanpainak jarri ditu martxan udalerrian kontsumoa sustatzeko hekburuarekin.

Bi kanpaina horien xedea udalerriko merkataritza- eta ostalaritza-sektorean erosketak sustatzea da, udalerriko kontsumitzaileei eta bisitariei erosketetan aurrezpen handia eginez.

Josu Landaluze Sopelako alkateak nabarmendu duenez, “egungo egoera arintzeko diseinatutako estrategia bat da, udalerriko pultsu ekonomiko eta sozialari eusteko eta kontsumitzaileari mesede egiteko”.

Enplegu eta Ekonomia Sustapen Saileko zinegotzi Teresa Fernandezek, bere aldetik, herriko denda txikiei eta ostalaritzari “laguntza berezia” emateko beharra nabarmendu du. "Sopela bizia behar dugu eta horretarako herriko denda txikietan kontsumoa sustatu behar da", adierazi du.

Gastro-Bonuak

“SopelaOn egin! Gastro-Bonuak 2022” kanpainari dagokionez, Udalak 4.700 bonu jarriko ditu zirkulazioan ekainaren erdialdetik 2022ko uztailaren 17ra arte edo agortu arte. Atxikitako establezimenduetan deskontu-bonutzat hartuko diren bonuak, 5 €-koak, 10 €-ko gutxieneko erosketaren gainean, eta 10 €-koak, 20 €-ko gutxieneko erosketaren gainean, izango dira.

Pertsona bakoitzak 30 € batu ahal izango ditu gehienez deskontu-bonuekin, eta hainbat ostalaritza-establezimendutan edo establezimendu bakar batean erabili ahal izango dira. Erosketa bakarra edo zenbait erosketa egin ahal izango dira.

Udalak 47.000 € bideratuko ditu guztira, kontsumitzaileek jasoko dituzten deskontuak ordaintzeko.

“SopelaOn egin! Gastro-Bonuak 2022” abian jarri da Sopelako ostalaritza-sektoreari laguntzeko eta pandemiak sortutako zailtasunei pixkanaka gaina hartzen ari den sektore baten kontsumoa sustatzeko. "Egoera honetan hautsitako platerak ordaindu dituztenak dira, eta gure babes osoa behar dute", adierazi du zinegotzi sozialistak.

Bono-Denda

Bestalde, Sopelako “Bono-Denda Sopela 2022” kanpaina 2022ko ekainaren 15etik uztailaren 31ra arte edo agortu arte egingo da, 4.100 bonu eta 41.000 euroko inbertsioarekin.

Denda-bonuaren abantailez gozatu nahi duten kontsumitzaileek deskontu-bonu horiek atxikitako merkataritza-establezimenduetan bakarrik trukatu beharko dituzte. Horretarako, gutxienez 20 euroko erosketa egin beharko dute, eta 10 euroko deskontua aplikatuko zaie. Kontsumitzaile bakoitzak 3 bonu izango ditu guztira, eta saltoki bakar batean eta aldi berean, une desberdinetan edo saltoki desberdinetan kontsumitu ahal izango ditu. Baldintza bakarra bonu bakoitzaren deskontua gutxienez 20 euroko erosketari aplikatzea da.

HOMA HEMEN GASTRO-BONO KANPAINARA ATXKITAKO ESTABLEZIMENDUEN ZERRENDA.

BIDEOA

 

Enplegu eta Sustapen Ekonomikoaren Azken Albisteak

article thumbnailEskabideak aurkezteko epea uztailaren 15ean hasiko da eta irailaren 30era arte egongo da zabalik, egun hori barne. Laguntza hauen helburua enpresa-proiektu berrien sorrera sustatzea da, egoitza fiskala, soziala eta lantokia Sopelan duten enpresa sortu berrien jarduera abian jartzeko behar den inbertsioa diruz lagunduz. Sopelako Udalak 2022ko urteko deialdi publikoa gaitu du “Sope-lan”...
article thumbnail Sopelako Udaleko Enplegu eta Ekonomia Sustapen Sailak luzatu egin du udalerriko ostalaritza-sektorean kontsumoa sustatzeko abian jarritako “Sopela On egin! Gastro-Bonuak 2022” kanpainaren baitan bonuak erosteko epea. Interesa duten guztiek uztailaren 31ra arte eskuratu ahal izango dituzte bonuak.Kanpainari atxikitako establezimenduak hauek dira: Sopelako Batzokia, Burguer Vasca Sopela, Ertza...
article thumbnailEkainaren 24an SOPELA NETWORKING zerbitzuari ekingo zaio berriro, kontaktuak egiteko eta negozioa sortzeko aukera gisa sortutako gosari-topaketak.Planteatutako helburua esperientziak, kezkak, ikuspuntuak, negozio-aukerak eta markaren ikusgarritasuna partekatzea da. Ideiak eta iritziak trukatzea eta kontaktuak, sareak egitea. Izan ere, hemen dago gure negozioa, Sopelan.Laburbilduz:• Sopelan sinergia...
article thumbnail•    Bi kanpainen helburua udalerriko merkataritza- eta ostalaritza-sektorean erosketak sustatzea da.Sopelako Udaleko Enplegu eta Ekonomi Sustapen Sailak “Sopela On egin! Gastro-Bonuak 2022” eta “Bono-Denda Sopela 2022” bonu kanpainak jarri ditu martxan udalerrian kontsumoa sustatzeko hekburuarekin. Bi kanpaina horien xedea udalerriko merkataritza- eta ostalaritza-sektorean erosketak sustatzea da,...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia