Sopelako Udala - Getxok eta Sopelak surfaren industria eta beste irristatze-kirol batzuk sustatzeko lankidetza-protokoloa berritu dute
Zu hemen zaude: Hasiera ENPLEGU ETA SUSTAPEN EKONOMIKOA Getxok eta Sopelak surfaren industria eta beste irristatze-kirol batzuk sustatzeko lankidetza-protokoloa berritu dute

cabecera empleo y promocioneconomica

Getxok eta Sopelak surfaren industria eta beste irristatze-kirol batzuk sustatzeko lankidetza-protokoloa berritu dute

  • Lankidetza hau 2019an hasi zen bi udaletako hainbat arloren artean, eta proiektu erreferente bihurtu da Bizkaian, eta sektore horri balioa eman nahi dio merkatuaren eta haren jarraibide berrien aurrean.


Amaia Agirre Getxoko alkateak eta Josu Landaluze Sopelako alkateak lankidetza-protokoloa berritu dute gaur, surfaren eta beste irristatze-kirol batzuen industriaren garapena eta hazkundea sustatzeko. Lankidetza hori 2019an hasi zen bi udaletako hainbat arloren artean, eta proiektu erreferente bihurtu da Bizkaian, eta sektore horri balioa eman nahi dio merkatuaren eta haren jarraibide berrien aurrean.

Getxok eta Sopelak Bizkaiko surfaren jarduera ekonomikoaren erdia, gutxi gorabehera, hartzen dute; gainera, puntako nazioarteko ekimenak, askotariko olatuak eta itsas hautsiak daude, eta erreferentziako profesional bikainak eta surf-eskolak dituzte. 31 enpresa hartzen dituzte, 110 langile dituzte, eta 7,8 milioi euro sortzen dituzte urtean. “Datu horiek lankidetza-hitzarmen honen osasun onari buruz hitz egiten dute, eta Sopela eta Getxo bezalako udalerrien artean elkarrekin lan egiteak dituen onurak egiaztatzen dituzte, ekonomia dinamizatzeko, turismoa erakartzeko eta enplegua sortzeko duen gaitasunagatik nabarmentzen den sektorea bultzatzeko, Amaia Agirre Getxoko alkateak aipatu duenez.

Sopelako alkateak, Josu Landaluzek, bere aldetik, adierazi du: “Sopelako Udaletik irmoki uste dugu lankidetza-protokolo hau funtsezkoa dela Surf, Itsaso eta beste irristatze-kirol batzuen industriaren garapena eta hazkundea sustatzeko eta bultzatzeko, bi udalerrientzat funtsezko sektore estrategikoa baita. Potentzial handiko proiektua da, eta ekintzailetza babestea, start-up berriak sortzea, dauden enpresak bultzatzea eta enpresak gure lurraldera erakartzea jasotzen ditu. Protokolo hori berritzeak balio partekatuko lankidetza-espazio egonkor bat indartzea dakar. Azken finean, helburua Sopelan eta Getxon surfaren, itsasoaren eta beste irristatze-kirol batzuen industria indartzea da, nazioartean erreferente bihur daitezen".

Hitzarmena indarrean egon den bi urteetan prestakuntza espezializatuko 8 ekintza baino gehiago antolatu dira (jardunaldiak, masterclass, webinars, networking, ikastaroak); hondartzetako esku-hartzea koordinatu da; kudeaketa-esperientziak trukatu dituzte erreferentziazko udalerriekin, hala nola Biarritzekin; Turismo topaketetan parte hartu dute Alemanian eta Belgikan; elkarrekin zenbait ekitaldi antolatu dituzte Punta Galea Challenge edo Surf Business Meeting besteak beste; eta nazioarteko enpresa-topaketetan parte hartu dute, beste ekintza batzuen artean. “Nire nahia, eta Getxoko Udalarena, elkarlanean eta sinergiak sortzen jarraitzea da, tokiko garapenaren eta pertsonen ongizatearen mesedetan ditugun baliabideak modu eraginkor eta efizienteagoan aprobetxatzeko”, azpimarratu du Agirrek.
 
Ekintzailetzaren arloan, 30 enpresa baino gehiagorekin, 3 unibertsitateekin eta beste eragile sektorial batzuekin lan egin da eta 5 enpresa berri sortzen lagundu da. Gainera, dagoeneko 17 proiektu ari dira lanean, elkarlanean, Getxo Itsas Hub itsas ekintzailetzako zentroan.


 

Enplegu eta Sustapen Ekonomikoaren Azken Albisteak

article thumbnailEskabideak aurkezteko epea uztailaren 15ean hasiko da eta irailaren 30era arte egongo da zabalik, egun hori barne. Laguntza hauen helburua enpresa-proiektu berrien sorrera sustatzea da, egoitza fiskala, soziala eta lantokia Sopelan duten enpresa sortu berrien jarduera abian jartzeko behar den inbertsioa diruz lagunduz. Sopelako Udalak 2022ko urteko deialdi publikoa gaitu du “Sope-lan”...
article thumbnail Sopelako Udaleko Enplegu eta Ekonomia Sustapen Sailak luzatu egin du udalerriko ostalaritza-sektorean kontsumoa sustatzeko abian jarritako “Sopela On egin! Gastro-Bonuak 2022” kanpainaren baitan bonuak erosteko epea. Interesa duten guztiek uztailaren 31ra arte eskuratu ahal izango dituzte bonuak.Kanpainari atxikitako establezimenduak hauek dira: Sopelako Batzokia, Burguer Vasca Sopela, Ertza...
article thumbnailEkainaren 24an SOPELA NETWORKING zerbitzuari ekingo zaio berriro, kontaktuak egiteko eta negozioa sortzeko aukera gisa sortutako gosari-topaketak.Planteatutako helburua esperientziak, kezkak, ikuspuntuak, negozio-aukerak eta markaren ikusgarritasuna partekatzea da. Ideiak eta iritziak trukatzea eta kontaktuak, sareak egitea. Izan ere, hemen dago gure negozioa, Sopelan.Laburbilduz:• Sopelan sinergia...
article thumbnail•    Bi kanpainen helburua udalerriko merkataritza- eta ostalaritza-sektorean erosketak sustatzea da.Sopelako Udaleko Enplegu eta Ekonomi Sustapen Sailak “Sopela On egin! Gastro-Bonuak 2022” eta “Bono-Denda Sopela 2022” bonu kanpainak jarri ditu martxan udalerrian kontsumoa sustatzeko hekburuarekin. Bi kanpaina horien xedea udalerriko merkataritza- eta ostalaritza-sektorean erosketak sustatzea da,...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia