Sopelako Udala - Sopelak Surf Business Meeting ekimenaren V. edizioa hartuko du urriaren 7tik 9ra
Zu hemen zaude: Hasiera ENPLEGU ETA SUSTAPEN EKONOMIKOA Sopelak Surf Business Meeting ekimenaren V. edizioa hartuko du urriaren 7tik 9ra

cabecera empleo y promocioneconomica

Sopelak Surf Business Meeting ekimenaren V. edizioa hartuko du urriaren 7tik 9ra

  • Sare sozialetan saltzea, Covid osteko kontsumo-joerak edo gero eta gehiago eskatzen den naturako turismoa eta surfeko glamping-a izango dira, protagonista propioekin, bertatik bertara ezagutuko diren gai eta kasu arrakastatsuetako batzuk.
  • "Surf Business Meeting aukera paregabea da ekintzaileentzat eta sektoreko enpresentzat, ezagutza handitzeko eta beren proiektuak garatzeko harreman interesgarriak ezartzeko", adierazi du Teresa Fernandez Sopelako Udaleko Enplegu eta Ekonomi Sustapeneko zinegotziak.


Bosgarren urtez, Sopelako Udalak, Enplegu eta Ekonomi Sustapen Sailaren bitartez, Surf Business Meeting ekimena jarri du abian, surfaren eta irristatze-kirolen sektoreko tokiko profesionalak eta pertsona ekintzaileak inspiratzeko eta laguntzeko.

Surf Business Meeting ekitaldiak surfaren industriarentzat gaurkotasuna eta interesa duten ekimenak eta gaiak programatu nahi ditu, jardunbide egokien trukea eta erakusketa sustatuz, erreferentziazko profesionalen arteko ponentzien eta topaketen bidez.

Programazioa

Urriaren 7an, osteguna, Bizkaiko surfaren, itsasoaren eta irristatzearen sektoreko enpresa eta enpresa txiki eta ertainei zuzendutako masterclass profesionala ospatuko da Getxon.

Urriaren 8an, ostiralean, Kurtzio Aretoak Europako industria eta Pierre Rollet eta Lucia Villegas bezalako punta-puntako surflarien hitzaldi dinamiko, ireki eta praktikoak hartuko ditu.

Larunbatean, hilak 9, irristatze kirolen arloan emakumeen lidergoa sustatzeko eguna izango da. Horrela, Roll it Girls taldeak Surf Business Meeting egutegiarekin eta proposamenarekin bat egingo du.

Sare sozialetan saltzea, Covid osteko kontsumo-joerak edo gero eta gehiago eskatzen den naturako turismoa eta surfeko glamping-a izango dira, protagonista propioekin, bertatik bertara ezagutuko diren gai eta kasu arrakastatsuetako batzuk. Etorkizuneko erronkei nola aurre egin, surfaren industrian ekarpenak egiteko eta hazteko enpresa txiki eta ertainen eskura dauden tresnak, baliabideak eta konponbideak ezagutzea eta berritzailea eta jasangarria izatea, landuko diren beste gaietako batzuk izango dira.

Programatutako jarduera guztietan parte hartzeko izena aldez aurretik eman beharko da surfbusinessmeeting.pro.

Sendotzea

"Surf Business Meeting aukera paregabea da ekintzaileentzat eta sektoreko enpresentzat, ezagutza handitzeko eta beren proiektuak garatzeko harreman interesgarriak ezartzeko", adierazi du Teresa Fernandez Sopelako Udaleko Enplegu eta Ekonomi Sustapeneko zinegotziak. "Era berean, ezagutza-trukea eta surfaren sektoreko eragileak taldekatzea bilatzen du, baita industriaren balio-kate osoa ere: ekoizleak, ondasunen eta zerbitzuen hornitzaileak, banatzaileak, ezagutza- eta prestakuntza-eragileak, etab. Horiekin lankidetza-espazio egonkor bat sortzea bilatzen du, balio partekatua sortzeko helburuarekin. Azken finean, topaketa honen helburua Surf Industria indartzea da, Sopela nazioartean erreferente bihurtuz ", nabarmendu du zinegotziak.

Enplegu eta Sustapen Ekonomikoaren Azken Albisteak

article thumbnail Lehiaketak Itsasoa eta Irristaketa industriaren merkaturatzea eta garapena sustatzea eta kalitate handiagoa eta jasangarriagoak diren produktu eta prozesuak proiektatzea du helburu. Izena emateko epea irekita egongo da 2022ko otsailaren 28ra arte.   Orekan Sakonduz / BEAZ Bizkaiko Itsasoa eta Irristaketaren lantaldeak, Deustu, Mondragon eta EHU Unibertsitateen laguntzarekin, Bizkaiko Itsasoa eta...
article thumbnail Sopeloztarrek otsailaren 28ra arte izango dute Udalak urtarrilaren 17an Sopelako merkataritza, ostalaritza eta zerbitzuen sektorean erosketak sustatzeko abian jarri zituen 6.425 bonuetako bat erosteko aukera. Tokiko kontsumoa dinamizatzeko “AKTIBATE KLIK SOPELA 2021” bonu kanpaina bere azken txanpan dago. Sopeloztarrek otsailaren 28ra arte izango dute Udalak urtarrilaren 17an Sopelako...
article thumbnailLankidetza hau 2019an hasi zen bi udaletako hainbat arloren artean, eta proiektu erreferente bihurtu da Bizkaian, eta sektore horri balioa eman nahi dio merkatuaren eta haren jarraibide berrien aurrean. Amaia Agirre Getxoko alkateak eta Josu Landaluze Sopelako alkateak lankidetza-protokoloa berritu dute gaur, surfaren eta beste irristatze-kirol batzuen industriaren garapena eta hazkundea...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia