Sopelako Udala - Lan-sustraitzeagatik baimena eskatu ahal izateko kasuak zabaldu egin dira
Zu hemen zaude: Hasiera ENPLEGU ETA SUSTAPEN EKONOMIKOA Lan-sustraitzeagatik baimena eskatu ahal izateko kasuak zabaldu egin dira

cabecera empleo y promocioneconomica

Lan-sustraitzeagatik baimena eskatu ahal izateko kasuak zabaldu egin dira

Auzitegi Gorenaren epai baten ondoren (Auzitegi Gorenaren martxoaren 25eko STS 452/2021 epaia), zabaldu egin dira lan-sustraitzeagatik baimena eskatzeko kasuak. Orain, bizileku- eta lan-baimen baten titular ere izan daitezke, lanean errotuta daudelako:

1.- Gutxienez 6 hilabetez modu erregularrean (kontratuarekin) lan egin duten eta, edozein arrazoirengatik, bizileku-baimena galdu duten pertsona guztiak.

2.- Asilo-eskatzaileek, asilo-eskaera ezetsi ondoren, lan egiteko aukera ematen dien behin-behineko baimena (txartel gorria) galtzen zuten eta, ondorioz, lana ere galtzen zuten.

3.- Edozein arrazoirengatik bizileku-baimena berritu ezin izan duen edo galdu duen edozein pertsona, betiere baldintzak betetzen baditu.

Hala, honako hauek dira bizileku- eta lan-baimena eskatzeko baldintza berriak, lanean errotuta egoteagatik:


1.- Espainian 2 urtez jarraian egon izana egiaztatzea.
2.- Espainian eta jatorrizko herrialdean edo azken 5 urteetan bizi izan den herrialdeetan zigor-aurrekaririk ez izatea.
3. - Gutxienez 6 hilabeteko lan-harremanak daudela frogatzea. Lan-harreman hori frogatzeko, nahikoa izango da dokumentu hauetakoren bat aurkeztea:
a) Lan-bizitza
b) Lan Ikuskaritzaren administrazio-ebazpena
c) Ebazpen judiziala

Laguntza eta informazioa
Udalak, berriki, Harrerarako Zuzeneko Arreta Zerbitzua jarri du martxan Sopela Diversa programaren barruan. Bizileku- eta lan-baimena eskatzeko izapideekin laguntza jasotzeko, lan-sustraitzeagatik, aldez aurretik hitzordua eskatu behar da harrera-zerbitzuarekin, telefonoz deituta 94 406 55 00 - Ext. 110

SOPELA DIVERSA programa

Programak gai hauei buruzko informazio eta laguntza pertsonalizatua eskaintzen du:

- Lehen harrera: orientazioa eta informazioa Sopelako udalerrian lehen aldiz erroldatzen diren migratu guztiei, itzulitako etorkinak barne.

- Atzerritartasuna eta nazionalitatea: bizileku- eta lan-baimenei, baimen-berritzeei, erregimen komunitarioari, bizilekuagatiko Espainiako nazionalitateari buruzko aurretiazko informazioa.

- Eskubideak kulturarteko ikuspegiarekin eskuratzea: zailtasunak osasun-, gizarte-, etxebizitza-, enplegu-, justizia- eta hezkuntza-zerbitzuak eskuratzeko.

Arreta puntua: Enplegu eta Ekonomi Sustapen Arloko erabilera anitzeko gela. Sabino Arana kalea, 2 - 1. solairua (pilotalekua). Arreta jasotzeko, ezinbestekoa da aurrez telefonoz hitzordua izatea, 94 406 55 00 - Ext. 110.

 

 

 

Enplegu eta Sustapen Ekonomikoaren Azken Albisteak

article thumbnail Lehiaketak Itsasoa eta Irristaketa industriaren merkaturatzea eta garapena sustatzea eta kalitate handiagoa eta jasangarriagoak diren produktu eta prozesuak proiektatzea du helburu. Izena emateko epea irekita egongo da 2022ko otsailaren 28ra arte.   Orekan Sakonduz / BEAZ Bizkaiko Itsasoa eta Irristaketaren lantaldeak, Deustu, Mondragon eta EHU Unibertsitateen laguntzarekin, Bizkaiko Itsasoa eta...
article thumbnail Sopeloztarrek otsailaren 28ra arte izango dute Udalak urtarrilaren 17an Sopelako merkataritza, ostalaritza eta zerbitzuen sektorean erosketak sustatzeko abian jarri zituen 6.425 bonuetako bat erosteko aukera. Tokiko kontsumoa dinamizatzeko “AKTIBATE KLIK SOPELA 2021” bonu kanpaina bere azken txanpan dago. Sopeloztarrek otsailaren 28ra arte izango dute Udalak urtarrilaren 17an Sopelako...
article thumbnailLankidetza hau 2019an hasi zen bi udaletako hainbat arloren artean, eta proiektu erreferente bihurtu da Bizkaian, eta sektore horri balioa eman nahi dio merkatuaren eta haren jarraibide berrien aurrean. Amaia Agirre Getxoko alkateak eta Josu Landaluze Sopelako alkateak lankidetza-protokoloa berritu dute gaur, surfaren eta beste irristatze-kirol batzuen industriaren garapena eta hazkundea...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia