Sopelako Udala - Zabalik Getxo Itsas Huben espazioak eskatzeko epea
Zu hemen zaude: Hasiera ENPLEGU ETA SUSTAPEN EKONOMIKOA Zabalik Getxo Itsas Huben espazioak eskatzeko epea

cabecera empleo y promocioneconomica

Zabalik Getxo Itsas Huben espazioak eskatzeko epea

 

2019. urtearen amaieran, Sopela eta Getxoko Udalek jarduketa protokoloa sinatu zuten udalerri bietan surfaren eta beste irristatze-kirol batzuen industriaren sektorearen garapena eta hazkundea sustatu eta bultzatzeko. Getxok eta Sopelak Bizkaiko surfaren jarduera ekonomikoaren erdia, gutxi gorabehera, hartzen dute; gainera, puntako nazioarteko ekimenak, askotariko olatuak eta itsas hautsiak daude, eta erreferentziako profesional bikainak eta surf-eskolak dituzte. Azken urteotan, udalerri biak modu aktiboan ari dira lanean surfaren sektoreko erakundeekin, surfaren enpresa-sarearen lehiakortasuna hobetzeko ekimen eta jarduerak diseinatuz, garatuz eta martxan jarriz, baita horien inguruko komunikazioa landuz ere.

Protokolo horren barruan, Getxok kirol-portuan dagoen "Getxo Itsas Hub" itsas kiroletako ekintzailetza-zentro berrian udal-espazioak okupatzeko eskaera egiteko epea ireki du. Enpresa-zentro eta berrikuntza-polo hau Legealdiko Planaren proiektu estrategikoa da eta horren helburua da udalerrian enplegua eta inbertsioa sortzea, erakartzea eta atxikitzea.

Getxo Itsas Hub" 230 m2-ko lokal batean dago. Instalazio horiek 18 lanpostu eta erabilera anitzeko aretoak eta bilera-gelak hartuko dituzte. Aretoek, malgutasunez, ekitaldi txikiak, bilerak eta elkarlaneko lanak ere hartu ahal izango dituzte. Okupazioaren prezioa hilean 75 eurokoa izango da lanpostu bakoitzeko + BEZ.

Deialdi honetan parte hartu ahal izango dute Getxoko pertsona fisikoek eta erakundeek, edo udalerrian lan egiten dutenek, baldin eta jarduera garatzeko lan-eremu bat behar badute, betiere ekonomia-sustapenarekin zerikusia badute. Proiektuen eta talde sustatzailearen kalitatea, Getxon eta Bizkaian egoitza izatea, berrikuntza eta proiektuak sektore nautikoarekin lotuta egotea baloratuko dira.

Gehienez 2 lanpostu ezarri dira enpresa-proiektu bakoitzeko, eta lokalen erabilera urtebetekoa izango da, beste urtebete batez luzatzeko aukera izanik.

Eskaeraren aurkezpena

  • Otsailaren 12tik martxoaren 15era
  • Eskaerak Administrazio Elektronikoaren Bulegoa-AEBren bidez egingo dira: http://www.getxo.eus , nire kudeaketak etxetik  -> Nire erregistro telematikoa -> Eskaera egin -> Ohar-eredua “Getxo Itsas Hub 2021 eskaera”.

Informazio gehiago:  E-mail hau spam roboten kontra babestuta dago. JavaScript aktibatuta izatea behar duzu hau ikusteko. eta www.getxo.eus/getxolan

 

 

Enplegu eta Sustapen Ekonomikoaren Azken Albisteak

article thumbnail Guztira, 6.425 bonu jarri dira zirkulazioan, eta 18 urtetik gorako pertsonek erosi ahal izango dituzte 2022ko otsailaren 28ra arte (edo agortu arte). Sopelako Udalak "Aktibate Klik Sopela 2021" bonu kanpaina jarri zuen martxan pasadan  abenduaren 17an. Kanpaina hau 2022ko otsailaren 28ra arte egongo da abian.47 establezimendu atxiki dira kanpainara: ile-apaindegiak eta estetika-zentroak,...
article thumbnailLankidetza hau 2019an hasi zen bi udaletako hainbat arloren artean, eta proiektu erreferente bihurtu da Bizkaian, eta sektore horri balioa eman nahi dio merkatuaren eta haren jarraibide berrien aurrean. Amaia Agirre Getxoko alkateak eta Josu Landaluze Sopelako alkateak lankidetza-protokoloa berritu dute gaur, surfaren eta beste irristatze-kirol batzuen industriaren garapena eta hazkundea...
article thumbnailEnplegu eta Ekonomia Sustapen Saileko prestakuntza-gelan, Sopela Networking ekimenaren esparruan antolatutako 4 gosari-topaketen hirugarren gosaria egingo da azaroaren 12an. Sopela Networking Mª Teresa Fernández zinegotziak zuzentzen duen Sopelako Udaleko Enplegu eta Ekonomia Sustapen Sailak abiarazitako dinamizazio-programa da.Topaketa 07:30etik 09:30etara egingo da eta bertaratzen direnentzat...
article thumbnailSopela Networking ekimenaren esparruan antolatutako 4 gosari-topaketetako lehena ospatuko da  bihar, urriak 15, Mª Teresa Fernández zinegotziak zuzentzen duen Sopelako Udaleko Enplegu eta Ekonomi Sustapen Sailaren prestakuntza-gelan, Lehen topaketa hau 07:30etik 09:30etara egingo da eta B2B (Business to Business) marketinera hurbilketa bat proposatuko du. Izena eman duten pertsonek marketin-mota horren...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia