Sopelako Udala - Sopelako Udalak soldadura elektriko bidez fabrikatzeko eta muntatzeko ikastaroa abiarazi du
Zu hemen zaude: Hasiera ENPLEGU ETA SUSTAPEN EKONOMIKOA Sopelako Udalak soldadura elektriko bidez fabrikatzeko eta muntatzeko ikastaroa abiarazi du

cabecera empleo y promocioneconomica

Sopelako Udalak soldadura elektriko bidez fabrikatzeko eta muntatzeko ikastaroa abiarazi du

 

  • Martxoaren 15etik maiatzaren 20ra gauzatuko da, astelehenetik ostiralera (9:00-13:00) Leioako Teknika Profesional Berrien zentroan (Nuevas Técnicas Profesionales).
  • Leku kopurua mugatua izango da, beraz, ezinbestekoa da aldez aurretik, otsailaren 23tik martxoaren 9ra izena ematea Sopelako Udaleko web orrialdeko (www.sopela.eus) Kanpaina atarian edota udal bulegoetan.

Gizarteratze eta laneratze eta birziklatze profesionalerako enplegagarritasuna sustatu eta hobetzeko helburu nagusiarekin, Sopelako Udalak, Enplegu eta Sustapen Ekonomiko Sailaren bitartez, “Soldadura elektriko bidez fabrikatzeko eta muntatzeko ikastaroa eta homologazio-proba” izeneko ikastaroa jarri du abian. Espezialitate horrek garrantzi handia du sektorean bertan.

Udaletik “egunez egun lanean jarraitzen dugu enplegua sortzeko, sopeloztarren enplegagarritasuna hobetzeko eta udalerriko ekonomia garatu eta sustatzeko. Hain zuzen, horiek izan dira garatzen ditugun politiken ardatz eta helburu nagusiak” baieztatu du Teresa Fernández Enplegu eta Sustapen Ekonomikoko zinegotziak. “Garai eta eskaera berrietara egokitu gara. Badakigu gaur egun enpresek homologazio-ziurtagiria duten langile kualifikatuak behar dituztela, hori dela eta, abiarazi dugun ikastaro honen bidez, parte-hartzaileei trebakuntza emango zaie proba bat egiteko eta ATISAE ingeniaritzaren ziurtagiria lortzeko”, gaineratu du.

180 orduz osaturiko ikastaroa, martxoaren 15etik maiatzaren 20ra gauzatuko da, astelehenetik ostiralera (9:00-13:00) Leioako Teknika Profesional Berrien zentroan (Nuevas Técnicas Profesionales) eta hiru moduluz osaturik egongo da. Edukia teorikoa eta praktikoa izango da eta ikuskapen bisualak eta erradiografikoak gainditzen dituzten ikasleei ATISAE ingeniaritzak homologazio-ziurtagiria emango die soldadura elektrikoaren espezialitatean.

Parte hartu ahal izateko, eskatzaileek, besteak beste, Sopelan erroldaturik egon beharko dute, enplegu-eskatzaile izan beharko dute, 18 urte beteak izan beharko dituzte.

Leku kopurua mugatua izango da, beraz, ezinbestekoa da aldez aurretik, otsailaren 23tik martxoaren 9ra izena ematea Sopelako Udaleko web orrialdeko (www.sopela.eus) Kanpaina atarian edota udal bulegoetan. Hautatutako pertsonen zerrenda Udaleko iragarki-taulan publikatuko da eta martxoaren 12tik aurrera sartuko da indarrean.

Ikastaroaren oinarriak: http://sopelaudala.org/index.php/es/documentos/cat_view/44-enplegu-eta-sustapen-ekonomikoa-empleo-y-promocion-economica

 

Enplegu eta Sustapen Ekonomikoaren Azken Albisteak

article thumbnail  2019. urtearen amaieran, Sopela eta Getxoko Udalek jarduketa protokoloa sinatu zuten udalerri bietan surfaren eta beste irristatze-kirol batzuen industriaren sektorearen garapena eta hazkundea sustatu eta bultzatzeko. Getxok eta Sopelak Bizkaiko surfaren jarduera ekonomikoaren erdia, gutxi gorabehera, hartzen dute; gainera, puntako nazioarteko ekimenak, askotariko olatuak eta itsas hautsiak...
article thumbnail  Martxoaren 15etik maiatzaren 20ra gauzatuko da, astelehenetik ostiralera (9:00-13:00) Leioako Teknika Profesional Berrien zentroan (Nuevas Técnicas Profesionales). Leku kopurua mugatua izango da, beraz, ezinbestekoa da aldez aurretik, otsailaren 23tik martxoaren 9ra izena ematea Sopelako Udaleko web orrialdeko (www.sopela.eus) Kanpaina atarian edota udal bulegoetan. Gizarteratze eta laneratze...
article thumbnailJoan den larunbatean, otsailak 13, Sopelako Udaleko Enplegu eta Sustapen Ekonomikoaren Sailak antolatutako "Googaz 3.0” gazteentzako ekimenaren lehenengo fasea ospatu zen Sopelan. Programa horrek beren pentsaera ekintzailea sustatzen du, scape-joko baten bidez gure saltoki eta negozioen  dituzten tokiko erronketan murgilduz. Sopelak hirugarren urtez jarraian hartu du parte ekimenean eta ohikoa den...
article thumbnail EAEko turismo-sektorea, norberaren konturako langileak edo autonomoak, mikroenpresak eta enpresa txiki eta ertainak babesteko eta zuzenean laguntza ekonomikoa emateko, guztia ere COVID-19aren hedapena geldiaraztera bideratuta hartutako neurrien inpaktua minimizatzeko eta jarduerari ahalik eta azkarrena berrekitea ahalbidetzeko laguntzen oinarriak ezarri dira. Laguntzak honakoei zuzenduta daude:...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia