Zu hemen zaude: Hasiera ENPLEGU ETA SUSTAPEN EKONOMIKOA Sopelako Udalak Gizarte eta Osasun Arretarako Prestakuntza Modulu berri bat abiaraziko du

cabecera empleo y promocioneconomica

Sopelako Udalak Gizarte eta Osasun Arretarako Prestakuntza Modulu berri bat abiaraziko du

Alde batetik udalerrian enplegua sortu, hobetu eta ekonomia sustatzeko eta bestetik, sopeloztarron bizi-kalitatea eta ongizatea hobetzeko helburuarekin, Sopelako Udalak, Enplegua eta Ekonomia Sustatzeko Sailaren bitartez, mendeko pertsonei gizarte erakundeetan gizarte eta osasun arreta emateko formazio modulu berri bat jarri du martxan.

Parte hartu nahi dutenek, aldez aurretik eman beharko dute izena, www.sopela.eus webgunean edota udal bulegoetan dagoen inprimakia betez. Epea, bihar irekiko da, irailak 5.  Modulua egiteko baldintzei dagokionez, beste batzuen artean, ikasleek Udaleko erroldan erroldatuta egon eta gutxienez Derrigorrezko Bigarren Hezkuntzako (DBH) graduatuaren edo Lanbide Heziketako graduatuaren titulua izan beharko dute.

Ikastaroak, guztira, 350 orduko iraupena izango du, horietatik 270 ordu teorikoak izango dira eta beste 80ak, praktikoak. Prestakuntza prozesua gainditzen dutenek Mendeko pertsonei gizarte-erakundeetan gizarte- eta osasun-arreta emateko profesionaltasun ziurtagiria jasoko dute.

Prestakuntza berri hau, Udalak langabezian edota enplegua hobetzeko egoeran dauden sopeloztarrak lan-merkatuan sartzeko helburuarekin abiarazten dituen ekintzen barruan dago. Teresa Fernández Enplegua eta Ekonomia Sustatzeko zinegotziak adierazi duenez,  “oso lehiakorra eta aldakorra den lan-merkatu baten esparruan prestakuntza funtsezko elementua da, are gehiago, beren burua birziklatu eta eskaera berrietara egokitu behar duten langabeen kasuan”.

Gaur egun, laguntza behar duten pertsonentzako giza eta osasun arlokoetako arreta profesional asko eskatzen ari den sektorea da, “beraz, gero eta beharrezkoagoa da arlo horretako prestakuntza, lan-merkatuaren beharrizanak betetzeko. Hori dela eta, Sopelako Udalak, beste behin, aurrekontu eta kudeaketaren aldetik ahalegin handia egin du herritar guztiei eta, bereziki, Sopelako pertsona behartsuenei laguntzeko” adierazi du Gontzal Hermosilla alkateak.

Moduluaren edukia:

Ikasleek eduki teorikoen bidez, higiene- eta elikadura-arretan esku hartzea (70 ordu), gizarte- eta osasun-arretan esku hartzea  (70 ordu) eta laguntza psikosoziala eta harreman- eta komunikazio-arreta (130 ordu) landuko dute. Formazio fasea gaindituta, 80 orduz lanekoak ez diren jardunbideak egingo dituzte enpresetan.

Hau izango da ikastaroaren edukia:

Erakundeetako higiene- eta elikadura-arretan esku hartzea  ( 70 ordu)
Erakundeetako gizarte- eta osasun-arretan esku hartzea  (70 ordu)
Laguntza psikosoziala eta harreman- eta komunikazio-arreta erakundeetan (130 ordu)

  • Mendekotasundun pertsonen giza suspertzea erakundeetan (30 ordu) 
  • Mendekotasundun pertsonen eguneroko jarduerak mantentzea eta hobetzea erakundeetan (50 ordu) 
  • Erakundeetan mendekotasundun pertsonekin komunikatzeko teknikak  (50 ordu)

Mendekotasundun pertsonentzako gizarte erakundeetan gizarte-osasun arloetako arreta emateko lanekoak ez diren jardunbideak (80 ordu). Profesionaltasun-ziurtagiriko modulu guztiak gainditu izana egiaztatu ahal duenak  bakarrik. 

 

Enplegu eta Sustapen Ekonomikoaren Azken Albisteak

article thumbnailSopelako Udaleko Enplegua eta Ekonomia Sustatzeko Arloak Secot Bizkaiarekin elkarlanean “Enpresa bat sortu eta sendotzeko hamar gako” izeneko tailer praktikoa antolatu du maiatzaren 15erako. Proiektu berri bati ekin nahi dioten pertsonei zuzenduta dago eta hurrengo asteazkenean egingo da, maiatzak 15, 10:00ak eta 12:00ak artean Landabe 12n.Tailerraren helburu nagusia proiektu baten...
article thumbnailLangabe edo enplegua hobetu nahi dutenei zuzenduta dago. Maiatzaren 27an hasiko da eta 12 eguneko (60 ordu) iraupena izango du. Interesa dutenek maiatzaren 6tik 22ra eman beharko dute izena. Oinarriak eta izena emateko orria udal‑bulegoetan eta www.sopela.eus web gunean daude eskuragarri. Langabeziaren aurka borrokatu eta Sopelako langabeak edo lan hobea bilatzen dutenak lan‑merkatura errazago sar...
article thumbnailSopelako Udaleko Enplegua eta ekonomia sustatzeko sailak apirilaren 27rako Rollit Girl Sopela Jardunaldia antolatu du adin guztietako emakumeentzat. Helburua kirol industriaren garapen ekonomikoari laguntzea, eta emakumeen ahalduntze profesionala sustatzea da. Landaluze kalean izango da 11:00ak eta 20:00ak artean. Egun osoan zehar emakumeentzako skate‑lehiaketak, probak, tailerrak, kontzertuak eta...
article thumbnail Garapen Jasangarriaren Helburuetan oinarrituta, ekimenak Kopa Bizkaian eta Mexikoko Bootcamp IATAn parte-hartzeko aukera eskainiko du. Lehenengo fasea Sopelan ospatuko da apirilaren 13an, 11:00ak eta 20:00ak artean. Parte hartu nahi dutenek honako helbidean eman beharko dute izena: www.googazbizkaia.com/ebentuak/sopela  Sopelako Udala, Enplegua eta ekonomia sustatzeko sailaren bitartez, Googaz...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia