Sopelako Udala - Sopelako Udalak Bidebitarteko adingabeen harrera-etxea Arrietara ingurura eramango dela argitu du
Zu hemen zaude: Hasiera Albisteak Sopelako Udalak Bidebitarteko adingabeen harrera-etxea Arrietara ingurura eramango dela argitu du

Sopelako Udalak Bidebitarteko adingabeen harrera-etxea Arrietara ingurura eramango dela argitu du

  • Sopelako Udalak erabateko gaitzespena eta haserrea adierazi nahi du “Sopelako Bizilagunak” izeneko taldeak Arrietara auzoan adingabeen harrera-etxe berri bat egokitzearen aurkako bultzatutako kanpainaren eta  gezurre aurrean.
  • Sopelako udalak, Josu Landaluze zinegotziaren bidez, baieztapen horiek ukatu nahi ditu eta argitu nahi du “ez dela inola ere zentro berri bat, baizik eta egungo harrera-etxearen kokapen-aldaketa bat.


Sopelako Udalak erabateko gaitzespena eta haserrea adierazi nahi du “Sopelako Bizilagunak” izeneko taldeak Arrietara auzoan adingabeen harrera-etxe berri bat egokitzearen aurkako bultzatutako kanpainaren eta  gezurre aurrean.

Sare sozialetan argitaratutako eta Arriatera inguruan banatutako komunikatu anonimoaren arabera, "segurtasunik ezaren, beldurraren eta lasaitasunik ezaren sentimendua sortuko da bizilagunentzat, haien etxeentzat eta negozioentzat". Gainera komunikatuak, leku berria "bizilagunak egunero joaten diren haurren parke bati itsatsita" egongo dela eta "hondartzatik egun osoan bakarrik ateratzen direla, gaua barne, eta horrek Arriatera eta Larrabasterra segurtasunik gabeko eremu bihurtuko dituela" adierazi du.

Sopelako udalak, Josu Landaluze alkatearen bidez, baieztapen horiek ukatu nahi ditu eta argitu nahi du “ez dela inola ere zentro berri bat, baizik eta egungo harrera-etxearen kokapen-aldaketa bat”, duela hamarkada batetik Bidebitarte kalean dagoena, eta laster hondartzen ingurura eramango dena, “Arriatera etorbideko pisu batera, hain zuzen ere”. Egungo jabeak pisua saldu izanak ekarri du bizileku-aldaketa.

Bizgarri

Sopelako babesgabetasun-egoeran dauden adingabeen harrera-etxea Bizgarri elkarteak kudeatzen du gaur egun, eta babesgabetasun-egoeran dauden haur eta nerabeei laguntzeko zerbitzuak ematen ditu, Bizkaiko Foru Aldundiaren haur-zerbitzuaren bidez.

Josu Landaluzek nabarmendu du harrera-etxe horrek “familia desegituratuetako hamar bat adingaberi ematen diela babesa”, eta azpimarratu du adingabe horiek “ez dutela inoiz arazorik eman" eta "Sopelan erabat integratuta" daudela. "Zipiriñeko eta Iberreko ikastetxeetan eskolatutako haurrak dira, eta, askotan, udal-instalazioetara joaten dira, tokiko elkarte eta klubetako kide direlako", adierazi du.

Alkateak nabarmendu duenez, horrelako diskurtsoek “gorrotoa pizten dute, arrazistak dira eta Sopelako herriaren baldintzarik gabeko babesa behar duten haur eta nerabeak kriminalizatzen dituzte”.

“Sopelako Udalak gaitzetsi egiten du harrera-etxe honetako edozein adingaberenganako gorroto eta intolerantzia adierazpen oro. Ezin dugu onartu adierazpen-askatasunak oinarrizko eskubideak urratzea. Diskurtso horiek ez dute lekurik izan behar komunikabideetan, ezta sare sozialetan ere, kalte konponezina egin baitezakete", azpimarratu du azkenik Landaluzek.

 

Oharrak

  • 2018eko azaroaren 21a.
    Bilera Olentzero eta Mari Domingiren harrera

    Azaroaren 26an  Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.

     

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia