Sopelako Udala - Sopelako Udalak 2022ko Aurrekontu Parte-hartzaileen lehen faseari ekingo dio
Zu hemen zaude: Hasiera Albisteak Sopelako Udalak 2022ko Aurrekontu Parte-hartzaileen lehen faseari ekingo dio

Sopelako Udalak 2022ko Aurrekontu Parte-hartzaileen lehen faseari ekingo dio

  • Prozesuaren lehen fasea maiatzaren 16tik 29ra bitartean egingo da eta bertan, herritarrek proposamenak formulatu ahal izango dituzte.
  • Proposamenak modu telematikoan eta aurrez aurre formalizatu ahal izango dira.

Sopelako 2022ko aurrekontu parte-hartzaileak abian dira. Udalerrian erroldatuta dauden 16 urtetik gorako pertsonek eta Sopelan egoitza soziala duten elkarte, fundazio edo erakundeek erabakiko dute zertan inbertitzen den 2022ko ekitaldiko kontu orokorretako 100.000 euroko aurrekontu-partida.

Prozesuaren lehen fasea maiatzaren 16tik 29ra bitartean egingo da eta bertan, herritarrek proposamenak aurkeztu ahal izango dituzte. Bigarren fasean, lehentasuna emango zaie aurrekontu parte-hartzaileak bozkatzeko fasera igaroko diren proposamenei.

Prozesu honetarako, Udalak 100.000 € bideratu ditu aurrekontuko partida gisa. Proposamenek udalaren eskumenekoak, interes orokorrekoak eta teknikoki eta ekonomikoki bideragarriak izan beharko dira, etorkizuneko gastuak arriskuan jarri gabe. Gainera, gehienez 40.000 euroko kostua izan beharko dute (BEZik gabe) obretarako eta 15.000 eurokoa (BEZik gabe) gainerako proiektuetarako.

Parte hartzeko bideak

Herritarrek online aurkeztu ahal izango dituzte proposamenak, maiatzaren 16tik aurrera udalaren webgunean gaituko den galdetegi baten bidez eta udalerriko etxeetan postontzietan jarriko diren informazio-liburuxken QR kodeen bidez.

Era berean, aurrez aurre parte hartu ahal izango da, udaletxean gaitutako hautestontzi baten bidez. Gainera, maiatzaren 20an, ostirala, Udaletxeko plazan eta maiatzaren 21ean, larunbata, Urgitxieta plazan, karpa informatibo bat jarriko da, eta bertan parte hartu ahal izango da 11: 00etatik 14: 00etara eta 17: 00etatik 20: 00etara.

Herritarrengan sor litekeen edozein zalantza argitzeko eta prozesu parte-hartzailearen faseen berri emateko, maiatzaren 19an Jubilatuen Etxeak informazio-saio bat hartuko du 19:00etan.

Sopelako alkate Josu Landaluzek azpimarratu duenez “aurrekontu parte-hartzaileak herritarren partaidetzarako eta udalerriaren kudeaketarako tresnak dira eta haien helburua eragile guztiak batzea da, baliabide publikoak hobeto kudeatzeko eta herritarren eta administrazioaren arteko harremana hobetzeko”. Hori dela eta, tokiko gobernuak modu aktiboan parte hartzera animatu ditu herritarrak, “udalerriaren beharrei buruzko ideiak eta proposamenak eginez”.

INPRIMAKIA

 

Oharrak

  • 2018eko azaroaren 21a.
    Bilera Olentzero eta Mari Domingiren harrera

    Azaroaren 26an  Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.

     

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia