Sopelako Udala - Sopelako Udalak lan-talde bat sortu du Sugurdialdeko bizilagunekin, beraien eskaerei erantzuteko
Zu hemen zaude: Hasiera Albisteak Sopelako Udalak lan-talde bat sortu du Sugurdialdeko bizilagunekin, beraien eskaerei erantzuteko

Sopelako Udalak lan-talde bat sortu du Sugurdialdeko bizilagunekin, beraien eskaerei erantzuteko

  • Atzo, otsailak 3 asteazkena, Udaleko  eta Bizkaiko Garraio Partzuergoko ordezkariek bilera egin zuten Sugurdialdeko auzolagunekin Udalbatza Aretoan. Bilera horretan, BGP, metroko bideetatik hurbil dauden etxebizitzak akustikoki babestuko dituzten pantailak jartzeko egiten ari den obra izan zuten mintzagai.
  • Udalak eta BGPk auzokideei entzuten jarraitzeko konpromisoa hartu zuten. Era berean, jarraipen bilera berriak egingo dira, eta horietan soluzio desberdinak aztertuko dira, inpaktu estetikoa gutxitzeko.

Sugurdialde kalean pantaila akustikoak jartzeko lanak hasi direla eta, eta inguruko bizilagunen eskaerei erantzunez, Sopelako Udalak lan-talde bat sortu da, auzotarren ordezkariekin, Udaleko eta Bizkaiko Garraio Partzuergoko teknikariekin eta Gobernu Taldeko ordezkariekin osatua. Talde honek lanen garapena aztertzeko, hobetu daitezkeen gaiak aztertzeko eta auzotarren ekarpenak egiteko balioko du.

Duela zenbait astez geroztik, udal sopeloztarra gune horretako bizilagunen artean sortutako zalantzak jasotzen ari da. Josu Landaluze alkateak konpromisoa hartu zuen sortutako kezka guztiak BGPri (obren erakunde eskuduna) helarazteko eta bilera-dinamika bat sortzeko. Modu honetan,  auzolagunek lanaren xehetasun guztiak bertatik bertara ezagutu ahal izango dituzte eta martxan jarri nahi diren hobekuntzak edo irtenbideak adosteko.elkarlanean aritzeko espazio bat sortu.

Lehen bilera atzo, otsailaren 3an, asteazkena, egin zen udaletxeko Osoko Bilkuren Aretoan. Bertan egon ziren Josu Landaluze alkatea bera, bi udal-teknikari, BGPko beste bi teknikari eta Sugurdialdeko hiru bizilagun, auzokideak ordezkatuz. 

Bizilagunak kezkatuta agertu ziren, metroko errailetatik hurbil dauden etxebizitza blokeak akustikoki babesteko ipiniko diren 50 bat pantailen altueragatik. Pantaila hauek 182 metroko tartean jarriko dira, Sugurdialde kalearekiko paralelo dagoen bihurgunean.

Bestalde, Udaleko eta BGPko teknikariek egin asmo diren jarduketen eta obraren zergatiaren berri eman zuten, neurri handi batean nahitaez bete beharreko Europako arau-agindu bati erantzuten baitio. Bai Udalak, bai Partzuergoak, herritarren nahiekin bat datozen irtenbideak bilatzen jarraitzeko konpromisoa hartu zuten. Hala, hurrengo jarraipen-bileretan, pantailen eragin estetikoa minimizatzeko alternatibak aztertuko dira, bisualki hain gogorrak izan ez daitezen.

 
 

 

 

Oharrak

  • 2018eko azaroaren 21a.
    Bilera Olentzero eta Mari Domingiren harrera

    Azaroaren 26an  Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.

     

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia