Sopelako Udala - Sopelako merkataritza eta ostalaritza establezimenduek euren zerbitzuak sustatzen jarrai dezakete sopelazabalik.eus plataformaren bitartez
Zu hemen zaude: Hasiera Albisteak Sopelako merkataritza eta ostalaritza establezimenduek euren zerbitzuak sustatzen jarrai dezakete sopelazabalik.eus plataformaren bitartez

Sopelako merkataritza eta ostalaritza establezimenduek euren zerbitzuak sustatzen jarrai dezakete sopelazabalik.eus plataformaren bitartez

 

Eusko Jaurlaritzako Osasun sailak ezarritako azken neurriak direla eta, eta ostalaritza- eta jatetxe-establezimenduak eta joko- eta apustu-establezimenduen itxiera berriaren aurrean, Sopelako Udalak gogorarazten du abenduan sopelazabalik web gunea abiarazi zuela Sopelako merkataritza eta ostalaritza establezimenduek euren beren produktu eta zerbitzuak erakutsi dezaten. Espazio birtual hau etengabe eguneratzen da eta negozio berriak gehitzen joango dira; zentzu horretan, beraz, izena-eman eta plataforman egon nahi duten Sopelako taberna, jatetxe edo dendek Turismo Bulegoan ( E-mail hau spam roboten kontra babestuta dago. JavaScript aktibatuta izatea behar duzu hau ikusteko. / 94 406 55 19) edota sopelazabalik.eus web orrian egin dezakete.

Direktorioa bi ataletan banaturik dago: SopelaGourmet (ostalaritza eta jatetxeekin erlazionatutako lokalak) eta SopelaShop (komertzioak). Bietan erakusleihora atxikitutako negozioen argazkiak, produktuak, zerbitzuak, ordutegiak, telefonoak eta helbideak jasotzen dira, beste batzuen artean. Egun 46 establezimenduk eman dute izena (16 SopelaGourmet gunean eta  30 SopelaShopen) eta horietako askok  janaria eramateko edo etxez etxeko zerbitzua eskaintzen dute.

Plataforma honen bitartez, herritarrak sentsibilizatu eta kontzientziatu nahi dira sektore hauek jasaten ari diren egoera zailaz, eta, aldi berean, Sopelako bizilagunak herrian kontsumitzen jarraitzera animatu nahi da.

Oharrak

  • 2018eko azaroaren 21a.
    Bilera Olentzero eta Mari Domingiren harrera

    Azaroaren 26an  Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.

     

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia