Sopela. Bizkaia. 2021ekomartxoaren05a

Sopelako Udala

Skip to content

Zu hemen zaude: Hasiera

Albisteak

Sopela gune gorrian sartu da

Skip to content

Sopela gune gorrian sartu da

: Bisitak: 1179

Konfinamendu perimetrala Euskadiko udalerri guztietara zabaldu eta pertsonak gehienez ere 4ko taldetan biltzeko muga ezarri eta astebetera, Sopela, gune gorrian sartu da gaur. Hala adierazten du Osakidetzak gaur publiko egin duen azken txosten epidemiologikoak.

Sopelak 629,98ko kutsatze-tasa metatua du 100.000 biztanleko.

Hala, bihartik aurrera, Eusko Jaurlaritzako Osasun sailak ezarritako hurrengo neurriak indarrean sartuko dira:

Ostalaritza- eta jatetxe-establezimenduak eta joko- eta apustu-establezimenduak itxi egingo dira.
Taldeko kirol-jarduera eten egingo da.

Era berean, duela aste batzuetatik indarrean dauden murrizketei eutsi behar zaiela gogorarazten da. Horien artean, gaueko mugigarritasuna 22:00etatik 06:00etara mugatuta dago, merkataritza- eta kultura-jarduerak bertan behera uzteko gehieneko ordutegia 21:00etan finkatzen da eta musika- eta ahots-entsaioak eta emanaldiak bertan behera utzi ziren, besteak beste.

Udalak, kontaktu sozialak ahalik eta gehien murrizteko deia luzatzen du, kutsatze kopurua gutxitzen laguntzeko. Honez gain, ohiko prebentzio-neurriak errespetatzen jarraitzearen garrantzia azpimarratzen du: maskara ondo erabiltzea, eskuen garbiketa, pertsonen arteko distantzia mantentzea eta bizikidetza-unitate baten baino gehiagoren bilerarik ez egitea, batez ere barne-espazioetan.

Oharrak

2018eko azaroaren 21a.
Bilera Olentzero eta Mari Domingiren harrera

Azaroaren 26an Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.
2017eko abenduaren 05a.
Trafiko desbideraketak Sopelan bidegorriko lanak direla eta

Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.
2017eko ekainaren 14a.
Urez hornitzeko sarearen konponketa lanak

Noiz: ekaina, uztaila eta abuztua

Lekua: Akilino Arriola kalea

Eragina trafikoan: Loiola Ander Deuna-Iberre bide-zatia eta Iberre eta Goiene arteko espaloia.

Zergatia: Ur edangarriko hodiaren ubideratzearen aldaketa

Semaforo bidezko ordezko pasabidea instalatuko da

Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.