Zu hemen zaude: Hasiera Albisteak Martxan da jada sopelazabalik.eus, Sopelako negozioen erakusleiho birtuala

Martxan da jada sopelazabalik.eus, Sopelako negozioen erakusleiho birtuala

 

Sopelako Udalak orain dela astebete eskas jakinarazi zuen moduan, martxan da jada sopelazabalik.eus ataria, Sopelako merkataritza eta ostalaritza establezimendu guztientzako erakusleiho birtual bat, non beren produktu eta zerbitzuak erakutsi dezaketen. Egun, web orrialde txiki honetan janaria eramateko edo etxez etxeko zerbitzua eskaintzen duten negozioen zerrenda kontsultatu daiteke. Halaber, direktorioak hainbat atal ditu, argazkiak, produktuak, zerbitzuak, ordutegiak, telefonoak eta erakusleiho birtual honekin bat egin nahi duten negozio guztien helbideak barne. Edozein erakusleiho bezala, web orrialdea etengabe eguneratuko da eta negozio berriak gehitzen joango dira. 

Plataforma honen bitartez, herritarrak sentsibilizatu eta kontzientziatu nahi dira sektore hauek jasaten ari diren egoera zailaz, eta, aldi berean, Sopelako bizilagunak herrian kontsumitzen jarraitzera animatu nahi da. Web orrialdean izena eman eta plataforman egon nahi duten Sopelako taberna, jatetxe edo dendek E-mail hau spam roboten kontra babestuta dago. JavaScript aktibatuta izatea behar duzu hau ikusteko. helbidera idatzi beharko dute.

Oharrak

  • 2018eko azaroaren 21a.
    Bilera Olentzero eta Mari Domingiren harrera

    Azaroaren 26an  Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.

     

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia