Zu hemen zaude: Hasiera Albisteak Sopelako Udalak subsidiarioki jokatuko du Barinatxeko luizian eta 240.000 euro bideratuko ditu eremua egonkortzeko

Sopelako Udalak subsidiarioki jokatuko du Barinatxeko luizian eta 240.000 euro bideratuko ditu eremua egonkortzeko

Joan den ekainaren 6an Barinatxeko hondartzara doan pasealekuko hegal batean izandako erorketa baten ondorioz, Sopelako Udalak, prebentzio-neurri gisa, sarbidea zintaz eta hesiz moztu behar izan zuen, oinezkoen segurtasuna bermatzeko.


Udaltzaingoak kaltetutako eremua prezintatu ostean, Sopela eta Getxoko udalteknikariak eta Hondartzen Kontroleko eta Gurutze Gorriko arduradunak, besteak beste, lekura hurbildu ziren kalteak ebaluatzeko. Tamaina handiko elementuak askatu dira, zorionez alanbre-sarean sartuta geratu direnak, eta horri esker ez zen inor zauritu.


Zati bat erori zela eta luizi gehiago izateko arriskua zegoela ikusita, Udala berehala jarri zen lanean zein sendotze-neurri har zitezkeen aztertzeko, eta, hartara, ahalik eta lasterren ekiteko soluzioari. Alde horretatik, inguruaren azterketa geoteknikoa egin ondoren, oinezkoen segurtasuna bermatzeko eta hareatza babesteko konpromisotik abiatuta, Sopelako Udalak 240.000 euro bideratuko ditu hegala eusteko egin beharreko lanetara. Egonkortze obra hauek modu subsidiarioan egingo ditu Udalak.


Lanek hiru hilabete inguru iraungo dute. Bitartean, Sopelako bizilagunei hareatzara eskaileretatik sartzeko eskatzen zaie. Obrek ez dute eraginik izango surf-eskoletan, normaltasun osoz jardun baitezakete.

Oharrak

  • 2018eko azaroaren 21a.
    Bilera Olentzero eta Mari Domingiren harrera

    Azaroaren 26an  Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.

     

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia