Zu hemen zaude: Hasiera Albisteak Sopelak Herritarren Arretarako Bulego berria estreinatu du

Sopelak Herritarren Arretarako Bulego berria estreinatu du

Sopelako Udalak Udal bulego berri bat abiarazi du Loiola Ander Deuna kaleko 28an, Larrabasterrako turismo bulegoaren ondoan. Gauzak horrela, Larrabasterran bizi direnak ez daukate udaletxera zertan igo gestioak egiteko. Bulego berria astelehenetik ostiralera 9:00etatik 13:30era irekiko da eta honako tramiteak egin ahal izango dira:

  • Dokumentuen sarrera-erregistroa
  • Errolda (errolda-agiriak, altak, datuak zein helbidea aldatzea, atzerritarren inskripzioa berritzea)
  • Diru-bilketa (zirkulazio-zerga ordaintzea, isunak ordaintzea, ordainketak helbideratzea, ibilgailu berrien alta, hondartzetarako TAO txartela)
  • Lan txikiak aurretiaz komunikatzea eta dagozkien tasak ordaintzea
  • Kultura (Izen-emateak ikastaroetan, udalekuetan, herriko kultur-ekitaldietarako sarrera salmenta)
  • Era guztietako argibideak

Edozein ordainketa egin behar izatekotan, txartelarekin soilik ordaindu ahal izango da. Informazio gehiago: 94 656 94 94 / E-mail hau spam roboten kontra babestuta dago. JavaScript aktibatuta izatea behar duzu hau ikusteko.

Oharrak

  • 2018eko azaroaren 21a.
    Bilera Olentzero eta Mari Domingiren harrera

    Azaroaren 26an  Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.

     

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia