Sopela. Bizkaia. 2019ekoabenduaren06a

Sopelako Udala

Skip to content

Zu hemen zaude: Hasiera

Albisteak

Sopelak bidegorriak eraikitzeko ideien lehiaketa bat abiarazi du

Skip to content

Sopelak bidegorriak eraikitzeko ideien lehiaketa bat abiarazi du

: Bisitak: 469

Sopelak, udalerriko zenbait gune garrantzitsu lotzen dituen bidegorri‑sarea du. Horrez gain, alokairuzko bizikleten puntuak ere badaude, non betiko bizikletez gain, elektrikoak ere eskura daitezkeen. Hala ere, Uribe Kostako bizikleta‑bideen oinarrizko sarean ikusten denez, bidegorri‑tarteak, orain arte, isolatuta egin dira, eta, Sopelako Udalaren ustez, garaia da zerbitzua hobetzeko, hau da, unea da garraio jasangarri gisa sustatzeko, eta ez bakarrik jolas edo kirol moduan erabiltzeko.

“Nahiko genuke, bada, sopeloztarrek prozesu honetan parte hartzea, eta, horregatik, Sopelako Udalak, Hirigintza, Obra eta Zerbitzu eta Ingurumen Arloen bidez, abian jarriko dugu Sopelako bidegorri‑sarea eta instalazio osagarriak garatu eta hobetzeko ideien lehiaketa” azaldu du Josu Lanzaluze alkateak.

Aurkezten diren ideiek zerikusia izan beharko dute bidegorriekin, alokairu‑puntuekin edo horiei loturiko instalazioekin. Lehiaketa behar bezala ezagutaraziko da Udalaren web‑orrian, eta, horrekin batera, argitara emango dira nahitaez bete beharreko oinarriak ere. Irabazten duen ideiak, Udalaren web‑orrian argitaratzeaz gain, 150€ko saria jasoko du; bigarrenak, 100€; eta hirugarrenak, 50€. Sari guztiak Sopelako saltokietan erabili beharko dira

Oharrak

2018eko azaroaren 21a.
Bilera Olentzero eta Mari Domingiren harrera

Azaroaren 26an Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.
2017eko abenduaren 05a.
Trafiko desbideraketak Sopelan bidegorriko lanak direla eta

Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.
2017eko ekainaren 14a.
Urez hornitzeko sarearen konponketa lanak

Noiz: ekaina, uztaila eta abuztua

Lekua: Akilino Arriola kalea

Eragina trafikoan: Loiola Ander Deuna-Iberre bide-zatia eta Iberre eta Goiene arteko espaloia.

Zergatia: Ur edangarriko hodiaren ubideratzearen aldaketa

Semaforo bidezko ordezko pasabidea instalatuko da

Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.