Zu hemen zaude: Hasiera Albisteak Sopelako Udalak 80.000 euro baino gehiago inbertituko ditu udalerriko kale eta bide desberdinak hobetzeko

Sopelako Udalak 80.000 euro baino gehiago inbertituko ditu udalerriko kale eta bide desberdinak hobetzeko

Sopelako Udalak, Obra eta Zerbitzuen Sailaren bitartez, Loroño, Larrondobeko, Gatzarriñe eta Olabide kaleetan zolatze eta asfaltatze lan desberdinak burutzeko lizitazio prozesua publikatu du. Konkurtsora irten den jarduera honetarako, Udalak 83.000 euro (BEZa barne) baino gehiagoko aurrekontua erreserbatu du. 

Sopelako alkateak, Josu Landaluzek, lau kale hauetako galtzadak egun kaltetuta aurkitzen direla ziurtatu du denboraren igarotzeagatik. “Jarduketa honekin herritarrek asteazkenetan antolatu ditugun bileretan adierazitako eskarei erantzuten diegu. Hortaz, zirkulazioaren segurtasunari, erabiltzaileen erosotasunari edo zoladuraren iraunkortasunari eragiten dieten gabezia hauek konpontzeko konpromisoa hartzen dugu. Laburbilduz, gune hauetatik mugitzen diren eta bertan bizi diren sopeloztarren segurtasuna hobetuko dugu” adierazi du.

Bide publikoen asfaltatze eta konpontze lanek guztira 3.375 metro karratuko azalerari eragingo diote. Behin lanak esleituta, enpresa arduradunak gehienez 25 egun izango ditu hobekuntzak burutzeko.

Kale hauek taldekatu egin dira lan ekipoen desplazamendua optimizatzeko eta egin beharreko lanen eta errepideetako zein oinezkoen trafikoa edo erdiguneko aktibitatearen beraren arteko interferentziak minimoak izan daitezen.

Oharrak

  • 2018eko azaroaren 21a.
    Bilera Olentzero eta Mari Domingiren harrera

    Azaroaren 26an  Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.

     

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia