Sopela. Bizkaia. 2021ekourtarrilaren17a

Sopelako Udala

Skip to content

Zu hemen zaude: Hasiera

Albisteak

Kontrolatuta Sopelako etxebizitza bateko depositu txiki batek eragindako gasoil isurketa

Skip to content

Kontrolatuta Sopelako etxebizitza bateko depositu txiki batek eragindako gasoil isurketa

: Bisitak: 8364

Kontrolatuta eta konponduta dago jada, atzo arratsaldean, Landaluze kaleko etxebizitza bateko depositu baten izandako gasoil isurketa txikia. Jarioa kale horretako etxebizitza bateko depositua apurtu ostean gertatu zen, oraindik zehazteke dauden arrazoiengatik. Produktuaren zati bat, estolderiatik sartu zen eta ur-saretik Arrietara-Atxabiribilko hondartzara iritsiz. Gaur goizean, hondartzaren zati bat mugatuta egon da pare bat orduz segurtasuna bermatzeko.

Ezin da jakin zehazki zenbat litro gasoil isuri diren. Etxeko deposituak, gehienez 200 litroko edukiera zuen. Hala ere, Udaltzaingoaren esanetan, ez da depositu osoa isuri eta litro asko estolderiara ere ez da heldu.

Josu Landaluze alkatearen esanetan, gertaera ezagutu bezain laster, udal-zerbitzuak berehala ekin zioten lanari isurketaren iturria identifikatu eta gertaerari soluzio bat emateko. Sopelako Udaltzaingoa eta Ingurumen tenikariak elkarlanean aritu dira azken orduetan eta gaur goizean aurkitu dute jarioaren iturria.

Gertaera berehala konpondu da eta ez da egon alarmarako arrazoirik, ezta ere osasun publikoarentzako arriskurik.

Oharrak

2018eko azaroaren 21a.
Bilera Olentzero eta Mari Domingiren harrera

Azaroaren 26an Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.
2017eko abenduaren 05a.
Trafiko desbideraketak Sopelan bidegorriko lanak direla eta

Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.
2017eko ekainaren 14a.
Urez hornitzeko sarearen konponketa lanak

Noiz: ekaina, uztaila eta abuztua

Lekua: Akilino Arriola kalea

Eragina trafikoan: Loiola Ander Deuna-Iberre bide-zatia eta Iberre eta Goiene arteko espaloia.

Zergatia: Ur edangarriko hodiaren ubideratzearen aldaketa

Semaforo bidezko ordezko pasabidea instalatuko da

Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.