Zu hemen zaude: Hasiera Albisteak Irailaren 14an Inkestas Rock Festibal ospatuko da Sopelan

Irailaren 14an Inkestas Rock Festibal ospatuko da Sopelan

Sopelan dena prest dago jada irailaren 14an Inkestas Rock Festibal jaialdiaren edizio berri bat ospatzeko. Ekimena gero eta errotuago dago udalerrian eta aurten berritasun eta doako ekintzaz beterik dator.

Alde musikalari dagokionez, Monarch!, Syberia, Santo Rostro, Bones Of Minerva, Melmak, Kabbalah, Chivo, Keziah, Ballard eta Crucifucked taldeek jardungo dute aurtengo Inkestas Rock Festibalean. Ekimenaren antolatzaileek adierazi dutenez Inkestas Rock Festibalak helburu bikoitza du: alde batetik, Sopelako zein inguruko herritarrei doako musika “minoritarioa” eskaintzea eta beste alde batetik, tokiko bandei ezagutzera emateko aukera sustatzea. Horretarako, eta jaialdiari garrantzia eta ikusgaitasuna emateko edizio honetan underground munduan ezagunak eta kalitatezkoak diren banda nazional eta nazioarteko bandak izango dira.

Baina kontzertuez gain, bestelako ekintza ugari ere antolatu dira: erakustaldiak, skate eta surf tailerrak, surf eta musika erakusketak, pintxo lehiaketak…

Alde batetik, irailaren 14an, txikienek skateborad erakustaldi batez gozatzeko aukera izango dute UK Skateparken eskutik, baita Aloka Surf & Sup eta Jean Fernandes surf tailerrez ere. Halaber, "Music & Surf” izeneko erakusketa bat ere egingo da, Iker Basterretxea eta Alberto Díazek egindako argazkiez osaturikoa. Artista hauen lana irailaren 18ra arte egongo da ikusgai Kurtzio Kultur Etxean eta sarrera doakoa izango da. Pintxo lehiaketa izango da aurtengo beste nobedade bat. Irailean zehar gauzatuko da eta  Bar Frontón Sopela, Kafe Taberna Lurren Lurren, Cherokee Cherokee, LaKala Sopela, Volker Paulaner Sopela, Etxekhi eta Uyarrak hartuko dute parte.

Oharrak

  • 2018eko azaroaren 21a.
    Bilera Olentzero eta Mari Domingiren harrera

    Azaroaren 26an  Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.

     

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia