Zu hemen zaude: Hasiera Albisteak Sopelak semaforo bat kenduko du Akilino Arriolan

Sopelak semaforo bat kenduko du Akilino Arriolan

Sopelako Udala Akilino Arriola kaleko bi noranzkoetan, Enrike Urrutikoetxea kaleko bidegurutzearen parean dauden bi semaforo kentzeko aukera ebaluatzen ari da.  

Hala, Udalak bi semaforo hauek itzali egingo ditu datorren astean eta zerbitzuz kanpo egongo dira gutxienez hilabete batez. Epe honetan zehar, hartutako neurriak trafikoa bizkortzen laguntzen duen aztertuko da eta oinezko zein ibilgailuentzako bide segurtasuna mantentzen den baloratu ahal izango du.  

Gobernu taldearen esanetan "semaforo hau aldi baterako kentzeko neurri hau proba pilotu bat baino ez da, gune horretako zirkulazioa benetan hobetzen den ala ez jakiteko balioko diguna".
Erabakiak berehalako ondorioak izango ditu udalerriko erdiguneko trafikoan, kotxeak gutxiago geldituko baitira eta kutsadura nabarmenki murriztuko baita. Halaber, Udalak Akilino Arriolakoa bezalako "beharrezkoak ez diren semaforoak" kentzeak, aurrezte ekonomikoa ekarriko duela uste du, mantentze lanen kostua murriztuko baita. 

Azpimarratzekoa da neurria Akilino Arriola, Sopelako erdiguneko kale nagusienetarikoa erdi-oinezkoentzako bihurtzeko etorkizuneko proiektuaren testuinguruan kokatzen dela. Garrantzi handiko proiektu honen bitartez, oinezkoei ibilgailuekiko lehentasuna eman nahi zaie; eta bestetik, udalerriko erdiguneko komertzioa suspertu. Udalak ez du batzertzen datozen hilabeteetan, eta kalearen semipeatonalizazio proiektua abiarazi baino lehen, mugikortasun eta bide segurtasun arloetan bere aurretiko funtzionamendua aztertzeko neurri gehiago hartzea.

Oharrak

  • 2018eko azaroaren 21a.
    Bilera Olentzero eta Mari Domingiren harrera

    Azaroaren 26an  Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.

     

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia