Zu hemen zaude: Hasiera Albisteak Urkoko autokarabanentzako aparkalekua irekita abenduaren 6tik 9ra

Urkoko autokarabanentzako aparkalekua irekita abenduaren 6tik 9ra

Sopelako Udalak Urko kiroldegiko autokarabanentzako aparkalekua irekiko du abenduko zubian zehar: abenduak 6, 7, 8 eta 9.

Urko kiroldegiaren ondoan egokitutako aparkalekuan, 24 autokarabanentzako lekua dago, korronte harguneekin eta ur edangarria duen iturriarekin. Gainera eremuak zaborra botatzeko ontziak, piknika egiteko gune bat eta ur gris eta beltzak botatzeko lekua dauzka, besteak beste. Ur eta elektrizitate horniketako makinak erabili ahal izateko jeton txanponak sortu dira. Txanpon hauek berariazkoak dira makina hauek martxan jarri ahal izateko:

  • 1 jeton: 1 €
  • 1 jeton: 120 litro ur
  • 1 jeton: 12 argi ordu

Jeton hauek Larrabasterrako Turismo Bulegoan (Loiola Ander Deuna, 28) eskuratu ahal izango dira. Zubian zehar honakoa izango da bulegoaren ordutegia:

  • Abenduak 6, 7 eta 8: 10:00-15:00 / 16:00-19:00
  • Abenduak 9: 10:00-15:00

Oharrak

  • 2018eko azaroaren 21a.
    Bilera Olentzero eta Mari Domingiren harrera

    Azaroaren 26an  Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.

     

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia