Zu hemen zaude: Hasiera Albisteak Sopelako Udalak tokiko komertzioa sustatuko du Gabonetan zehar

Sopelako Udalak tokiko komertzioa sustatuko du Gabonetan zehar

Tokiko merkataritza dinamizatzeko xedez, Sopelako Udalak izar formako ia 200 figura eskuratu ditu Gabonetan zehar erakusleihoa kalean duten komertzioek euren erakustokiak dekoratu ditzaten. Izarrek led argi zuriak dituzte eta modu estatiko edota dinamikoan (mugimenduan) argitu daitezke.

Iaz, Udalak Sopelako kaleak apaindu eta argitu zituzten hamarnaka zuhaitz banatu zituen udalerriko komertzioetan. Dendari zein bizilagunen artean izandako arrakastari esker, aurten ere jarraipena emango zaio ekimenari tokiko dendetan kontsumoa sustatu eta bultzatzen jarraitzeko helburuarekin.

Dendariek euren aleak bihartik aurrera, azaroak 13, jaso ahal izango dituzte Sopelako Udaletxean, saltokiaren izena adieraziz.

Aipatzekoa, gainera, abenduaren hasieran, Gabonetako argien piztea egingo dela.

Oharrak

  • 2018eko azaroaren 21a.
    Bilera Olentzero eta Mari Domingiren harrera

    Azaroaren 26an  Olentzero eta Mari Domingiren harrera antolatzeko batzordearen lehen bilera egingo da, 18:00etan, Kurtzio kultur etxean.

     

  • 2017eko abenduaren 05a.
    Trafiko desbideraketak Sopelan bidegorriko lanak direla eta

     

    Abenduaren 11an hasiko eta urtarrilaren 12ra arte luzatuko diren bidegorriko lanak direla eta, Enrike Urrutikoetxea eta Olabide kaleen arteko bidegurutzean trafiko desbideraketa batzuk izango dira.

    Halaber, abenduaren 11n Olabide kaleko aslfaltoaren konponketa lanei hasiera emango zaie, oinezkoentzako pasabideak ere igoko direlarik. Lan hauen iraupena, 2 aste ingurukoa izango da eta kasu honetan, lan gunea kontuan hartuta, seinale edota semaforo bidezko ordezko pasabideak jarriko dira.

  • 2017eko ekainaren 14a.
    Urez hornitzeko sarearen konponketa lanak

    Noiz: ekaina, uztaila eta abuztua

    Lekua: Akilino Arriola kalea

    Eragina trafikoan: Loiola Ander Deuna-Iberre bide-zatia eta Iberre eta  Goiene arteko espaloia.

    Zergatia: Ur edangarriko hodiaren ubideratzearen aldaketa

    Semaforo bidezko ordezko pasabidea instalatuko da

    Sopelako Udalak Akilino Arriola kaleko ur-hornidurako sarearen ordezpen lanak hasi ditu. Lanen iraupena 2 hilabete ingurukoa izango da, hortaz Akilino kaleko trafikoari eragingo die Iberre kaletik Ander Deuna kalerarte semaforoz erregulatuko den bide bakar batekin. Ur edangarriko hodiaren ubideratze osoa aldatzean datza.

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia