Sopelako Udala - Udaltzainek identifikazio zenbakia eramango dute uniformeetan
Zu hemen zaude: Hasiera HIRITARREN SEGURTASUNA Udaltzainek identifikazio zenbakia eramango dute uniformeetan

Udaltzainek identifikazio zenbakia eramango dute uniformeetan

Herritarrek Sopelako udaltzainak identifikatzeko erraztasun gehiago izango dituzte aurrerantzean. Izan ere, udaltzainek euren profesional-zenbakia soinean eramaten hasi dira.

Sopelako Udala - Udaltzaingoa

Uniforme guztietan eramango dute.
Aipatutako neurria abuztu hasieran hasi zen martxan, eta dagoeneko Sopelako udaltzain guztiek euren identifikazio-zenbakia eramaten dute uniformeetan.

Identifikazio zenbakia uniformearen goiko aldean dago, ezkerreko aldean, Sopelako Udalaren harmarriaren azpian, eta guztiz agerikoa da. Udaltzainek euren uniforme guztietan eraman beharko dute identifikazio zenbakia.

Udalak sustatutako ekimen honen bidez, herritarrek udaltzainen identikazio-zenbakia ezagutzeko erraztasunak izango dituzte; zenbakia begi bistan egongo denez, herritarrek ez diote udaltzainari euren identifikazio-zenbakia erakusteko zertan eskatu, zuzenean ikusiko dutelako.

Gainera, Sopelako udaltzainek euren identifikazio-zenbakia eta argazkia duen txartela eraman beharko dute soinean, eta edozein herritarrek eskubidea izango du txartel hori udaltzainari eskatzeko eta txartela ikusteko.

Sopelako Udalak hainbat ekimen jarri ditu abian Udaltzaingoa herritarrengana hurbiltzeko asmoz; azken erabaki hau, esaterako, norabide horretan doa. Sopelako kaleetan udaltzainen presentzia ere indartu nahi izan du Udalak, eta ez bakarrik Sopelako erdigunean, auzoetan ere euren presentzia areagotuko da. Autoz egiteaz gain, udaltzainek oinez ere zeharkatuko dituzte kaleak.

 

Hiritar segurtasunen azken albisteak

article thumbnailSopelako udaltzainek 27 urteko Sopelako bizilagun bat aurkeztu dute epaitegian, ikertu gisa, otsailaren 6an, igande arratsaldean, aizto handi baten bidez larderiaz egindako lapurreta-delitu baten ustezko egile gisa. Gertakariak 17:45 aldera jazo ziren. Gizon bat Sopelako lokal batean sartu zen eta laban handi bat eskuan zuela, establezimenduko jabeari mehatxu egin zion, bildutako dirua emateko...
article thumbnail  Sopelako Udaltzaingoko agenteak herriko bizilagun bat bortxazko lapurreta-delitu jarraituaren ustezko egile gisa ikertzen ari dira, 10.000 € inguruko balioa duen makina-erreminta lapurtzeagatik. Ertzaintzak eta Udaltzaingoak Sopelako udalerrirako sinatutako lankidetza- eta informazio-protokoloa betez, Getxoko ertzain-etxetik polizia-kidego horretako kideek 2021eko apirilaren 25ean Sopelan...
article thumbnail  Baimendu gabeko joan-etorriak edota maskararen erabilera desegokia antzemateko ohiko prebentzio-kontrolez gain, asteburu honetan, Sopelako Udaltzaingoak beste prebentzio-jarduera batzuk egin ditu, eguraldi ona dela eta, askoz bisita gehiago egiten baitira udalerriko hareatzetara. Udaltzainek hondartzatik oinez egiten diren joan-etorrietan maskara erabiltzea derrigorrezkoa dela gogorarazi behar izan...
article thumbnailSopelako Udaltzaingoa udalerriko 37 urteko bizilagun bat ikertzen ari da, ustez osasun publikoaren aurkako delitu bat egotzita. Gertaera martxoaren 6an izan zen, arratsaldeko 16:07 inguruan, herritarren segurtasunerako prebentzio-lanak egiten ari ziren Sopelako udaltzainek Sertutxa kalean ikusi zuten bi gizonek okupatutako auto batek arreta deitu zienean. Gizonetako bat,  antzeko...
Berri gehiago: Hiritarren Segurtasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia