Zu hemen zaude: Hasiera Albisteak Sopelako Udaltzaingoak 2017ko San Pedro Jaien balantzea egin du

Sopelako Udaltzaingoak 2017ko San Pedro Jaien balantzea egin du

Martxan jarritako prebentzio jarduera eta salatutako arau-hausteen artean Udaltzaingoak 10 salaketa erregistratu ditu.

Bihurritu, zauri, kontusio, intoxikazio, eta abar direla eta, hogei bat jarduera polizial izan dira. Batzuetan osasun-langileen parte hartzea izan da edota inplikatuak ospitalera eraman behar izan dira.

Gaueko edukieren estimazio bat eginez (20:00-09:00), Sopela eta Larrabasterrako Metro geltokietan 4.500 eta 5.000 pertsona inguru neurtu ziren ostiralean eta 7.000 baino gehiago larunbatean.

Sopelako Udaltzaingoak, ekainaren 28tik uztailaren 2ra ospatutako Sopelako San Pedro jaietan egindako jardueren balantzea egin du.

Martxan jarritako prebentzio jarduera eta salatutako arau-hausteen artean Udaltzaingoak 10 salaketa erregistratu ditu, 5 Hiritarren Segurtasuna babesten duen Lege Organikoaren arauak urratzeagatik, eta beste 5 baimendutako alkohol tasa gainditzeagatik. Halaber, beste 6 pertsona, ikertuak izan dira delitu desberdinak egotzita: 3 bide-sergurtasunaren kontrako delituengatik, 1 adingabeak bertan behera uzteagatik, 1 lesioengatik eta 1 genero biolentziagatik.

Bihurritu, zauri, kontusio, intoxikazio, eta abar direla eta, hogei bat jarduera polizial izan dira. Batzuetan osasun-langileen parte hartzea izan da edota inplikatuak ospitalera eraman behar izan dira. 20 pertsona horien artean, 8 eraman behar izan dira ospitalera, eta horietatik, 2 adingabeak izan dira. Nabarmentzekoa izan da  10 urteko ume baten kasua, ekainaren 29 eta 30aren arteko gauean erortze baten ondorioz Urdulizeko ospitalera eramana behar izan zutena. Halaber, beste 5 pertsonei eman zaie arreta etilismoak direla eta. 

Objektuen galtzeak ere erregistratu izan dira (mugikorrak, dokumentazioak, autoetako giltzak, beste batzuen artean). Aurkitutako objektu horietatik, asko jabeei bueltatuak izan dira jada. Ebasketa edota lapurretei dagokionez, Ertzaintzak dozena erdi salaketa jaso ditu eta Sopelako, zein Getxoko Udaltzaingoak, aldiz, zazpi eta hiru, hurrenez hurren. Ostiralean eta larunbatean Sopelan izan ziren pertsona  kopurua kontuan hartuta, ez dira kantitate oso esanguratsuak izan. 

Aipagarria da, ostiralean eta larunbatean jendetza handia bildu zela; bereziki larunbatean, garraio publikoaren bidez heldutako bisitari kopurua nabarmen igo baitzen. Gaueko edukieren estimazio bat eginez (20:00-09:00), Sopela eta Larrabasterrako Metro geltokietan 4.500 eta 5.000 pertsona inguru neurtu ziren ostiralean eta 7.000 baino gehiago larunbatean.

Aipatzekoa da ere, Sopelako Udaleko Bozeramaleen Batzordeak izandako erantzun azkarra eta aho-batekoa, ostiraletik larunbaterako gauean emakume batek jasandako erasoaren aurrean. Halaber, Sopelako Udalak, Sopelako bizilagunek erakutsitako jarrera eredugarria goraipatu eta eskertu nahi du, zeintzuek erabateko gaitzespena azaldu nahi izan duten mota guztietako biolentzia adierazpenen aurrean, eta laguntasuna azaldu nahi izan dioten erasoa jasan duen andreari

 
 

Hiritar segurtasunen azken albisteak

article thumbnailUda-garaian, eta batez ere delitu horien biktimen, adineko pertsonen, ezaugarriekin eta eguneroko jardunarekin lotuta, Euskal Autonomia Erkidegoan nabarmen egiten dute gora “besarkada solidarioaren” metodoaren bidez egiten diren lapurreta-kasuek. Biktimei kalean norbait inguratzen zaie, gehienetan emakume gazteak, biktimarekin kontaktu fisikoa izateko asmoz. Horretarako, eta informazioren bat eskatu...
article thumbnail  Sopelako Udaltzainek atzo astelehenean, maiatzak 21, 15:00ak aldera hiru gizonezko atxilotu zituzten, ustez ibilgailuen barrualdean indarrezko lapurreten egile gisa. Lapurrak Sopelan harratu dituzte, baina momentuz, ez dago argi non egin diren lapurretak konkretuki. Udaltzaingoaren egoitzan jasotako dei batek ohartarazi zuen Arriaterako aparkalekuan aparkatuta zegoen auto baten barruan bi...
article thumbnailSopelako Udalak Udaltzaingoaren 3 plaza berri deitu ditu. Lehiaketa-oposizio irekiaren sistemaren bidez beteko dira eta gero prestakuntza ikastaro bat eta praktikaldia bete beharko dira. Bihar, 00:00etan hasiko da eskariak aurkezteko epea, gaur, martitzena, argitaratu baita Estatuko Aldizkari Ofizialean deialdiaren iragarkia. Eskariak aurkezteko prozesua ekainaren 12an bukatuko da, 23:59an....
article thumbnail  2017ko maiatzean udaltzainek eta udal langileek jasotako bihotz-biriketako bizkortze eta desfibriladoreen erabilerari buruzko prestakuntza-ikastaroaren osagarri gisa, atzo, apirilak 19, Udaltzaingoaren agenteek lehenengo sorospenen inguruko eguneratze ikastaroa burutu zuten. Jardunaldi teoriko-praktikoa, DYAko langileek zuzendu zuten eta Kurtzio kultur etxean egin zen. Parte hartzaileek...
Berri gehiago: Hiritarren Segurtasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia