Zu hemen zaude: Hasiera Albisteak Sopelako Udaltzaingoak hiru pertsona ikertu ditu hondartzan lapurreta egiteagatik

Sopelako Udaltzaingoak hiru pertsona ikertu ditu hondartzan lapurreta egiteagatik

 

  • Agenteek salaketa egin zuen pertsonaren telefono mugikorra, diru-zorroa dokumentazioarekin eta dirua berreskuratu zituzten.
  • Sopelako Udaltzaingoak udan zehar lapurretak ekiditeko norbere gauzak ondo zaintzeko beharrizana azpimarratzen du.

22 eta 26 urte bitarteko gizonezko bi eta emakume bat ikertu ditu Sopelako Udaltzaingoak joan den 2017ko maiatzaren 24an Arrietara hondartzan bainulari batzuei lapurreta egiteagatik.

Gertaerak lagun talde bat hondartzara joan eta paseo bat emateko bere gauzak utzi zituztenean izan ziren. Pertsona batek ondoren hiru gizabanako beren gauzen ondoan eseri zirela esan zien eta telefono mugikor bat eta diru-zorro bat falta zitzaiela ohartu ziren.

Biktimetako baten deia jaso eta minutu gutxi pasa ondoren bertaratu ziren Udaltzaingoko Agenteek, ustezko egileak aurkitu zituzten ondoko kale batean. Susmagarriak identifikatu ondoren, agenteek salaketa egin zuen pertsonaren telefono mugikorra, diru-zorroa dokumentazioarekin eta dirua berreskuratu zituzten.

Gainera ondarearen aurkako delituengatik aurrekari ugari dituzten hiru gazteak, epaiketa azkar bat egiteko deitu zituzten, ikertu gisa, lapurreta delitu arin bategatik.

Sopelako Udaltzaingoak udan zehar lapurretak ekiditeko norbere gauzak ondo zaintzeko beharrizana azpimarratzen du eta herritarrei aditzera eman die, kasu hauetan, herritarren arteko lankidetza nahitaezkoa dela mota honetako eta bestelako delituak ekiditeko. Halaber, polizia-zerbitzuak edozein momentutan honako telefonoetan daudela erabilgarri gogorarazten du: Udaltzaingoa (94 406 55 11), Ertzaintza (94 406 34 20) eta SOS-DEIAK (112).

 

Hiritar segurtasunen azken albisteak

article thumbnailSopelako Udaltzaingoko agente batek, Ertzaintzako beste batekin batera, hitzaldi bat eskaini zuten Jubilatuen Etxean pasa den irailaren 21ean, arratsaldez. Etxeko aretoa beteta zela, Agenteek adinekoei, bere etxebizitzetan zein kalean, lapurreten biktima izatea ekiditeko zenbait aholku eman zizkieten. Agenteek bereziki azpimarra jarri zuten eskualdeko pertsona nagusiak gehiagotan inplikatuta...
article thumbnailBilboko Zigor-arloko 2. zenbakiko epaitegiak, bi urte eta hiru hilabeteko espetxe-zigorra ezarri dio, 2016ko azken hiruhilekoan eta 2017.urtearen hasieran Sopelako zenbait edukiontzi erre eta inguruko autoetan kalteak eragin zituen 49 urteko gizonari. Gizona, pasa den urtarrilaren 10ean atxilotua, kalte delitu jarraituak egiteagatik salatua izan zen eta bi urte eta hiru hilabeteko...
article thumbnailDatorren igandean, irailaren 17an, 10:30etatik 12:30etara bitartean, Sopelan Txirrindularitza Eskolen arteko batzarra ospatuko da. Txirrindulari lasterketa dela eta Kurtzio aldean zirkulazio aldaketak egongo dira. Udaltzaingoak honako ekintzak aurreikusi ditu proba aurretik eta ondoren: Osteguna 14tik Larunbata 16ra:  Aparkaleku aldaketak: baterian aparkatu beharrean lerroan aparkatu beharko da...
article thumbnailSopelako VI. Duatloi Txikiaren VI. edizioaren ospakizunaren ondorioz, irailaren 16an, 10:00etatik aurrera, zenbait kaletako trafikoa moztuko da. Udaltzaingoak honako ekintzak aurreikusi ditu proba aurretik eta ondoren: Osteguna  14, ostirala 15 ea larunbata 16: Sabino Arana kalearen hustuketa hesi eta balizamendu zinta bidez, Denver eta Sertutxa artean. Larunbata 16 (10:00-12:45) • Trafiko...
Berri gehiago: Hiritarren Segurtasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia