Zu hemen zaude: Hasiera Albisteak Sopelako Udaltzaingoak hiru pertsona identifikatu ditu iruzur saiakerak direla eta

Sopelako Udaltzaingoak hiru pertsona identifikatu ditu iruzur saiakerak direla eta

 

Sopelako Udaltzaingoak iruzur eta lapurretan ibiltzen diren Europako ekialdeko hiru pertsona identifikatu ditu ostegun honetan Enrique Urrutikoetxea kalean. Identifikatuak 21 eta 38 urteko bi emakume eta 27 urteko gizonezko bat dira. Emakume nagusienak gainera, aurrekariak ditu jada estatu osoan zehar antzeko delituak egin izanagatik. Identifikatutako emakumeek zenbait karpeta eta dokumentu zeramatzaten eta existitzen ez den gor-mutu elkarte batentzako sinadurak eskatzen zizkieten oinezkoei.

Pertsona hauen jarduteko modua, orokorrean, antzekoa izaten da beti: banku eta ostalaritza guneetan kokatzen dira eta pertsona adinduak aukeratzen dituzte. Sinaduraz gain, NAN-a ere eskatzen diete oinezkoei, zenbakia apuntatzeko eta, une hori aprobetxatzen dute, abilezia handiz, dirua euren zorroetatik osteko. Bitartean, gizonezkoak kotxean itxaroten ditu, segituan, udalerritik alde egiteko.

Identifikazioak Udaltzaingoak, oinez, zein kotxez, abiarazi duen prebentzio-kanpainaren barruan daude. Kanpainak, nagusien artean ohikoenak diren delitu-motak saihestea du helburu, besteak beste: besarkada solidarioa, lapurretak eta iruzurrak.

Sopelako Udalak herritarrei aditzera ematen die, kasu hauetan, herritarren arteko lankidetza nahitaezkoa dela mota honetako eta bestelako delituak ekiditeko, eta halaber, polizia-zerbitzuak edozein momentutan honako telefonoetan daudela erabilgarri: Udaltzaingoa (94 406 55 11), Ertzaintza (94 406 34 20) eta SOS-DEIAK (112).

Hiritar segurtasunen azken albisteak

article thumbnailMartxan jarritako prebentzio jarduera eta salatutako arau-hausteen artean Udaltzaingoak 10 salaketa erregistratu ditu. Bihurritu, zauri, kontusio, intoxikazio, eta abar direla eta, hogei bat jarduera polizial izan dira. Batzuetan osasun-langileen parte hartzea izan da edota inplikatuak ospitalera eraman behar izan dira. Gaueko edukieren estimazio bat eginez (20:00-09:00), Sopela eta...
article thumbnail  Sopelako Udaltzaingoak pertsona baten atxiloketa eta beste biren ikerketari ekin dio delitu desberdinengatik. Agenteek, 42 urteko eta aurrekari ugari dituen sopeloztar bat, Doctor Landa kalean atxilotu zuten ekainaren 19an, Bilboko epaitegiak hedatutako atxilotze-agindua jakin bezain laster. Ekainaren 20an, goizeko lehenengo orduan, Iñaki Deuna eta Zubigane kaleen artean bere txakurren...
article thumbnailSua egin aurretik - Edozein eraikin, ibilgailu, argindarraren lineetatik edo landaredi altutatik urrun kokatu sua. Gutxienez, sutarako egur-piloaren altuera baino 5 aldiz urrunago.  - Sua hedatu ez dadin, garbi eduki pilaketaren ingurua. - Haizeak indarrez jotzen badu, baliteke sua bertan behera utzi beharra izatea. Gozatu gauaz arriskurik gabe.   Sua piztuta dagoen bitartean - Sua pizteko ez...
article thumbnailMuturreko tenperatura maximoei dagokien alerta Sopelan. Gomendioak Tenperatura handiei dagokienez, Larrialdiei Aurre Egiteko eta Meteorologiako Zuzendaritzak honako prebentzio-neurri hauek hartzea gomendatzen die herritarrei: Likido ugari edatea, batez ere ura, deshidratazio-arriskua saihesteko. Bero handieneko orduetan kalera ez irtetea. Ariketa fisikoa eginez gero, bero txikieneko orduetan...
Berri gehiago: Hiritarren Segurtasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia