Zu hemen zaude: Hasiera Albisteak Sopelako Udaltzaingoko agenteak bi gizon ari dira ikertzen bide segurtasunaren kontrako delituak leporatuta

Sopelako Udaltzaingoko agenteak bi gizon ari dira ikertzen bide segurtasunaren kontrako delituak leporatuta

 

Sopelako Udaltzaingoa 45 eta 29 urteko Gasteizko eta Bilboko bi lagun ari da ikertzen bide-segurtasunaren kontrako delituak leporatuta. Bati, baimendutako alkohol-tasa laukoiztea leporatu diote eta besteari punturik gabe, motorraren segururik gabe, IAT-a (ibilgailuen azterketa tekniko) gabe eta kokainan positibo ematea.

Sopelako Udaltzaingoak, apirilaren 19an Gasteizko 45 urteko bizilagun bat atxilotu zuen bide-segurtasunaren kontrako delitua egotzita. 21:25ak aldera, polizia patruila batek Akilino Arriola kaleko banketxe baten ondoan bigarren ilaran aparkatutako eta beste autoen pasabidea oztopatzen zuen autoa ikusi zuten. Gidaria banketxearen barruan zegoen, eta irteterakoan, agenteek edari alkoholdunen eraginpean zegoenaren zeinu nabarmenak zituela ikusi zuten. Ondorioz, kotxea berriro ere gidatzea debekatu zioten. Gidariak agenteen aginduen kontra agertu zen, eta udaltzainei aurre ere egin zien. Azkenik, atxilotua izan zen bide-segurtasunaren kontrako delituak leporatuta. Izan ere, alkohol-proba egiterakoan, baimendutako alkohol-tasa laukoiztu zuen, hori dela eta, jada, epaiketa azkar bat egiteko data zehaztu da.

Halaber, apirilaren 17an, Bilboko 29 urteko bizilagun bat atxilotua izan zen. Kasu honetan, 19:40ak aldera, udaltzaingoko agenteek Loiola Ander Deuna kalean zaintza eta trafiko kontrol lanak egiten ari ziren bitartean, zilindrada handiko motor gidari batek, bat-batean, zentzu aldaketa oso bortitza eta arauz kontrako aurreratzeak egiten zituela ikusi zuten, lekutik, abiadura handiz urrunduz udalerriaren erdigunerako bidean. Bertan, beste polizia talde batek atxilotu zuen. Dokumentazioa aztertzerakoan puntu guztiak galdu izanagatik, gidabaimena erretiratua zuela konprobatu zuten. Beste alde batetik, 1000 zilindradako motorra gidatzeko behar den A motako baimena sekula ez duela eskuratu ere egiaztatu zuten. Aurreko kasuan bezala, bide-segurtasunaren kontrako delituak leporatuta, epaiketa azkar bat egiteko data zehaztu da. Halaber, honakoak egotzita ere salatua izan da: motorraren segururik gabe, IAT-a (ibilgailuen azterketa tekniko) gabe gidatzea eta kokainan positibo ematea, besteak beste.

Hiritar segurtasunen azken albisteak

article thumbnail  2017ko maiatzean udaltzainek eta udal langileek jasotako bihotz-biriketako bizkortze eta desfibriladoreen erabilerari buruzko prestakuntza-ikastaroaren osagarri gisa, atzo, apirilak 19, Udaltzaingoaren agenteek lehenengo sorospenen inguruko eguneratze ikastaroa burutu zuten. Jardunaldi teoriko-praktikoa, DYAko langileek zuzendu zuten eta Kurtzio kultur etxean egin zen. Parte hartzaileek...
article thumbnail  Sopelako Udaltzaingoko agenteak, gizonezko bat ari dira ikertzen gidabaimeneko punturik gabe gidatzeagatik eta drogetan positibo emateagatik eta beste gizonezko bat atxilotu dute metroan eta patruila kotxean kalteak eragiteagatik. Apirilaren 6an Sopelako Udaltzaingoak, 38 urteko gizonezko bat harrapatu zuen, bigarrenez, gidabaimeneko punturik gabe gidatzen. Gidariak 3 urte zeramatzan...
article thumbnailSopelako Udaltzaingoako agenteak Mungiako 32 urteko gizonezko bat ari dira ikertzen gidabaimeneko punturik gabe gidatzeagatik.    Gertaera apirilaren 2an izan zen, arratsaldeko 20:15ak aldera, agenteak trafikoarekin lotutako prebentzio kontrol bat martxan zuten bitartean. Agenteek autoa geratzeko agindua eman arren, gidariak ihes egin zuen.    Gutxira, Sopelako Udaltzaingoak gidaria harrapatu eta...
Nola zirkulatu biribilgunetan
2018eko martxoaren 23a
article thumbnail  Infografia honen bidez, biribilgunetan, modu egokian nola zirkulatu azaltzen dugu.
Berri gehiago: Hiritarren Segurtasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia