Sopelako Udala - Udaltzaingoak galdutako adineko gizon frantses bat topatu du
Zu hemen zaude: Hasiera Albisteak Udaltzaingoak galdutako adineko gizon frantses bat topatu du

Udaltzaingoak galdutako adineko gizon frantses bat topatu du

 

Asteazkenean, 81 urteko adineko gizon batek hasitako bidai gorabeheratsuak, bukaera zoriontsua izan zuen, herritarren kolaborazio, Sopelako Udaltzaingoaren jarduna eta herriko akademia bateko frantsesezko irakasle baten laguntzari esker. 

Martxoaren 8an, 19:30ak aldera, Sopelako Udaltzaingoak herriko supermerkatu baten deia jaso zuen. Dirudienez, frantsesa bakarrik hitz egiten zuen eta galduta zirudien adineko gizon batek denbora asko zeraman supermerkatuaren barruan. 

Udaltzaingoa establezimendura gerturatu zen eta gizonarekin komunikatzea ezinezkoa zela ikusirik poliziaren bulegoetara eraman zuten. Bertan, adinekoak identifikazio txartelik ez zeramala konprobatu zuten, bai ordea gudulari izandako agiria. Bere maletak Air Europako etiketa bat ere bazeukan. Hortaz, Udaltzaingoa konpainiarekin kontaktuan jarri zen eta hauek azaldu zutenaren arabera, gizonezkoak bere emakumearekin Loiun hegazkin bat hartu zuen, baina gizonak antsietate krisi bat izan zuen eta hegazkinetik jaitsi behar izan zuten.

Gizonak maleta barruan telefono zenbaki batzuk zituen agenda bat zeraman. Udaltzaingoa, komisaria ondoko hizkuntza akademia bateko irakasle baten laguntzari esker, gizonaren ezagun batzuekin kontaktuan jarri zen eta ezagunek Irunen zegoen emaztearekin hitz egin zuten.

Dirudienez, bikotea Loiuko hegazkinetik jaitsitakoan, Termibusera gerturatu zen eta bertan, Irunera bidaiatzeko txartelak erosi zituzten, hortxe baitzuten kotxea. Baina Termibusen, emakumeak bere senarra bistatik galdu zuen. Ustez, gizonak metroa hartu eta Larrasbasterraraino bidaiatu zuen. Emakumeak, bere senarra aurkitzen ez zuela ikusita, autobusa hartu eta Irunera joan zen, kotxea hartzeko eta Bilbora senarraren bila bueltatzeko asmoarekin.

Azkenean, Udaltzaingoa emakumearekin Loiuko aireportuan elkartu zen eta berraurkitzea gauzatu zenean, bikotea hotel batera eraman zuten, behar bezala deskantsatzeko.

Hiritar segurtasunen azken albisteak

article thumbnailSopelako udaltzainek 27 urteko Sopelako bizilagun bat aurkeztu dute epaitegian, ikertu gisa, otsailaren 6an, igande arratsaldean, aizto handi baten bidez larderiaz egindako lapurreta-delitu baten ustezko egile gisa. Gertakariak 17:45 aldera jazo ziren. Gizon bat Sopelako lokal batean sartu zen eta laban handi bat eskuan zuela, establezimenduko jabeari mehatxu egin zion, bildutako dirua emateko...
article thumbnail  Sopelako Udaltzaingoko agenteak herriko bizilagun bat bortxazko lapurreta-delitu jarraituaren ustezko egile gisa ikertzen ari dira, 10.000 € inguruko balioa duen makina-erreminta lapurtzeagatik. Ertzaintzak eta Udaltzaingoak Sopelako udalerrirako sinatutako lankidetza- eta informazio-protokoloa betez, Getxoko ertzain-etxetik polizia-kidego horretako kideek 2021eko apirilaren 25ean Sopelan...
article thumbnail  Baimendu gabeko joan-etorriak edota maskararen erabilera desegokia antzemateko ohiko prebentzio-kontrolez gain, asteburu honetan, Sopelako Udaltzaingoak beste prebentzio-jarduera batzuk egin ditu, eguraldi ona dela eta, askoz bisita gehiago egiten baitira udalerriko hareatzetara. Udaltzainek hondartzatik oinez egiten diren joan-etorrietan maskara erabiltzea derrigorrezkoa dela gogorarazi behar izan...
article thumbnailSopelako Udaltzaingoa udalerriko 37 urteko bizilagun bat ikertzen ari da, ustez osasun publikoaren aurkako delitu bat egotzita. Gertaera martxoaren 6an izan zen, arratsaldeko 16:07 inguruan, herritarren segurtasunerako prebentzio-lanak egiten ari ziren Sopelako udaltzainek Sertutxa kalean ikusi zuten bi gizonek okupatutako auto batek arreta deitu zienean. Gizonetako bat,  antzeko...
Berri gehiago: Hiritarren Segurtasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia