Zu hemen zaude: Hasiera Albisteak Ikertuak kobrezko kableak lapurtzeko ahaleginetan harrapatu ostean

Ikertuak kobrezko kableak lapurtzeko ahaleginetan harrapatu ostean

Herramientas incautadas
Sopelako Udaltzaingoak, Sestaoko 28 urteko bizilagun bat eta Barakaldoko 44 urteko beste gizon bat, epaileen esku utzi ditu, ikertu gisa, ustez argiteria publikoko kobrezko kableak lapurtzeko ahaleginetan harrapatu ostean. GIzonezko biek, antzeko delituengatik hainbat aurrekari dituzte.

Gertaera abenduaren 5ean izan zen, astelehena, arratsaldeko 16:30ak aldera. Sopelako Udaltzaingoak alarma dei bat jaso zuen bere telefonogunean. Udalerriko argiteria publikoan zenbait sentsore daude instalatuta eta norbait kablea lapurtzeko ahaleginetan dabilenean alarma aktibatu egiten da. Kasu honetan, alarma Ingestabaso kaletik zetorren.

Berehala, Sopelako Udaltzaingoko patruila batzuk bertaratu egin ziren eta alarma aktibatutako arketaren inguruan ikertuak izaten ari diren pertsonekin aurkitu ziren. Agenteek arketaren ingurura begiratu ostean, kableak moztuta zeudela ikusi zuten. Ikertuen autoak erregistratzerakoan, agenteek hainbat tresna berezirekin egin zuten topo: arketak zabaltzeko palakantxoak, bihurkinak, giltz fijoak, etab.

Azkenaldian, pare bat aldiz izan dira kable mozketak inguru horretan. Ondorioz, honek eragina izan du espaloi eta bidegorrietako argiterian. Udal zerbitzuek mozketa hauek konpondu egin behar izan dituzte, kableak ostuak izan aurretik.

Modus operandi-a, mota honetako delituen kasuetan erabiltzen den berdina izan da: oso azkar mozten dituzte kableak, ihes egiten dute eta gutxira bueltatu egiten dira ten egiteko. Ondoren, kobrea estaltzen duen plastikozko azala kendu eta pisura saltzen dute merkatu beltzean.

Hiritar segurtasunen azken albisteak

article thumbnail  Bi emakume sanitarioaren laguntzarekin agenteek BBB bizkortzeari ekin zioten, eta desfibriladore batekin, emakumeak pultsua berreskuratzea eta ospitalera bizirik eramatea lortu zuten. Sopela gune kardiobabestua da, eta hamabi desfibriladore ditu udal-eraikin desberdinetan, Metroko geltokietan, beste ekipamendu pribatu batzuetan, hondartzetan eta abarretan jarritakoez gain. 2016an, Udalak 15.000...
article thumbnailJoan den irailaren 7an, 14:30ak inguruan, Sopelako udaltzainek Urkobide kalean ohiko trafiko-kontrola egiten zuten bitartean, ibilgailu bat biribilgunera sartu zen, barruan zihoazen ibilgailuei pasatzen utzi gabe. Horren ondorioz, beste auto batek ere gogorki galgatu behar izan zuen talka egin ez zezaten. Gidariari (24 urteko getxotarra) dokumentazioa eskatu ostean udaltzainek konprobatu izan...
article thumbnailSopelako Udaltzaingoko agenteak Sopelan bizi diren hiru gizonezko eta emakume bat ikertzen ari dira, Loiola Ander Deuna kaleko etxebizitza batean marihuana landareak legez kanpo landatzeagatik eta, era berean, Herritarren Segurtasunari buruzko Legearen arau-hauste administratibo batengatik. Lege horrek, 36.18 artikuluan, arau-hauste larritzat jotzen du droga toxikoak, estupefazienteak edo...
article thumbnailEgoera epidemiologikoaren eboluzioa ikusita, ostalaritzako establezimenduek (tabernak, jatetxeak, txokoak edo diskotekak) ezin izango dute irekita egon 01.30 ordutik aurrera, asteko egun guztietan. COVIDek eragindako krisi sanitarioari aurre egiteko Osasun Sailak lantzen jardundako azken Aginduan biltzen diren neurri nagusietako bat da, eta aste honetan sartuko da indarrean. Agindu berriak...
Berri gehiago: Hiritarren Segurtasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia