Zu hemen zaude: Hasiera Albisteak Sopelako Udalak eta Eusko Jaurlaritzak, Udaltzaingoak gidaritzan burututako listu-laginen analisien inguruko hitzarmena sinatu dute

Sopelako Udalak eta Eusko Jaurlaritzak, Udaltzaingoak gidaritzan burututako listu-laginen analisien inguruko hitzarmena sinatu dute

Gontzal Hermosilla
Sopelako Udalak eta Eusko Jaurlaritzako Herrizaingo Sailak, Sopelako Udaltzaingoak eskuratutako listu-laginen analisiaren inguruko elkarlan hitzarmena sinatu dute. Analisiek ibilgailuen gidaritzan drogen presentzia egiaztatzea dute helburu.

Bi erakundeak jakitun dira drogen eraginpean gidatzea gizarte-arazo bat dela eta beharrezkoak direla horri aurre egiteko gertakari horren aurkako borrokan eskumenak dituzten administrazioen arteko koordinazio eta lankidetzako antolakuntza-moduak.

Trafikoari, ibilgailu motordunen zirkulazioari eta bide-segurtasunari buruzko legeak adierazten du drogak listuan hautemateko gailuen aldeko hautua, egiaztatu baita juridikoki seguruak direla, gidarientzat ez direla intrusiboegiak eta, poliziaren ikuspuntutik, bideragarriak direla. Bide segurtasunerako arazorik larrienetakoa den arazo honi aurre egin nahi zaio. Drogen eraginpean gidatzen den hautemateko probak listuaren bidez egingo dira, baimendutako gailu batekin, eta ondoren listu-kopuru nahikoa duen lagin bat analizatuz.

Sopelako udaltzaingoak ez du baliabide teknikorik drogen eraginpean gidatzen ote den jakiteko, analisiak egiteko beharrezkoak diren polizia zientifikoen lanak eta peritu-lanak gauzatu ahal izateko; Ertzaintzako Polizia Zientifikoaren Unitateak, berriz, horretarako beharrezkoak diren azpiegiturak badituenez gero, bi aldeek egoki iritzi diote azpiegitura horiek erabiltzeari, Motordun Ibilgailuen Zirkulazioari eta Bide-segurtasunari buruzko Legean aurreikusitako listu-proban lortutako laginak analizatzeko eta, horrela, drogen eraginpean gidatu izan den egiaztatu ahal izateko.

Era honetan, itxuraz sustantziapean gertatutako istripu edo trafikoko arau-hauste kasuan edota Sopelako Udalean programatutako prebentzio-kontroletan udaltzainek gidariei drogak listuan hautemateko testa egiteko eskubide osoa dute, eta gidariak, gainera, proba egitera behartuta daude.

Sinatutako hitzarmen berri hau, Sopelako Udalak eta bertako Udaltzaingoak euren titulartasunean dauden bideen Bide Segurtasuneko Zaintze eta Kontrolaren alde egiten duten apustuaren erakusgarri da. Segurtasuna guztien arazoa izanik, 2020rako Euskal Autonomia Erkidegoko Bide Segurtasunerako Plan Estrategikoaren helburu garrantzitsuenetariko bat betetzea du helburu hitzarmenak: bideetan hildakoen eta zauritu larrien kopurua murriztea.

Hiritar segurtasunen azken albisteak

article thumbnail  Bi emakume sanitarioaren laguntzarekin agenteek BBB bizkortzeari ekin zioten, eta desfibriladore batekin, emakumeak pultsua berreskuratzea eta ospitalera bizirik eramatea lortu zuten. Sopela gune kardiobabestua da, eta hamabi desfibriladore ditu udal-eraikin desberdinetan, Metroko geltokietan, beste ekipamendu pribatu batzuetan, hondartzetan eta abarretan jarritakoez gain. 2016an, Udalak 15.000...
article thumbnailJoan den irailaren 7an, 14:30ak inguruan, Sopelako udaltzainek Urkobide kalean ohiko trafiko-kontrola egiten zuten bitartean, ibilgailu bat biribilgunera sartu zen, barruan zihoazen ibilgailuei pasatzen utzi gabe. Horren ondorioz, beste auto batek ere gogorki galgatu behar izan zuen talka egin ez zezaten. Gidariari (24 urteko getxotarra) dokumentazioa eskatu ostean udaltzainek konprobatu izan...
article thumbnailSopelako Udaltzaingoko agenteak Sopelan bizi diren hiru gizonezko eta emakume bat ikertzen ari dira, Loiola Ander Deuna kaleko etxebizitza batean marihuana landareak legez kanpo landatzeagatik eta, era berean, Herritarren Segurtasunari buruzko Legearen arau-hauste administratibo batengatik. Lege horrek, 36.18 artikuluan, arau-hauste larritzat jotzen du droga toxikoak, estupefazienteak edo...
article thumbnailEgoera epidemiologikoaren eboluzioa ikusita, ostalaritzako establezimenduek (tabernak, jatetxeak, txokoak edo diskotekak) ezin izango dute irekita egon 01.30 ordutik aurrera, asteko egun guztietan. COVIDek eragindako krisi sanitarioari aurre egiteko Osasun Sailak lantzen jardundako azken Aginduan biltzen diren neurri nagusietako bat da, eta aste honetan sartuko da indarrean. Agindu berriak...
Berri gehiago: Hiritarren Segurtasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia