Zu hemen zaude: Hasiera Albisteak Sopelako Udaltzaingoak hiru pertsona ikertu ditu furgoneta baten matrikula faltsuak erabiltzeagatik

Sopelako Udaltzaingoak hiru pertsona ikertu ditu furgoneta baten matrikula faltsuak erabiltzeagatik

Policia Municipal
Ikerketa pasa den irailaren 1ean hasi zen, arratsaldeko 17:30ak aldera, patruila-auto bat Olabideko industria gunean herritarren segurtasunerako lanetan zebilela bertako enpresetan lapurretak prebenitzeko.

Agenteek, bigarren ilaran eta txarto aparkatutako kamioi bat ikusi zuten eta honen alboan, aurreko egunean ere bertan zegoen furgoneta bat, fluidoen zikingune baten ondoan.

Furgonetaren dokumentazioa begiratzean, matrikula ez zetorren bat dokumentazioarekin. Bastidore zenbakia egiaztatzean aldiz, hau bazetorren bat dokumentazioarekin.

Agenteak egiaztapen edo froga hauek egiten ari ziren bitartean, enpresa berdineko beste kamioi batek intentzio berberarekin aparkatu zuen: furgonetak zeraman kaxa batean instalatutako 2m3ko depositua gasolioz betetzea.

Gidariek adierazi zutenez, hilabete bat zeramaten Menako Bailaran (Burgos) kokatutako enpresan lanean eta kamioiak furgonetako kaxan zegoen erregaiarekin betetzea agindu zieten.

Beste alde batetik, antza, ez zekiten matrikula ez zetorrela dokumentazioarekin bat. Udaltzainek furgoneta gerarazi eta Sopelako udal auto biltegira eraman zuten.

Erregaia ikuskatzean, gordailuak 1500 litro zituela egiaztatu zuten eta kolore gorriz tindatu zen. Hortaz, esklusiboki nekazal erabilerara zuzendutako gasolioa zela egiaztatu zen.

Aurrerago egindako ikerketa fasean furgonetaren legezko jabea 2013. urtean hartzekodunen konkurtso boluntario batean sarturik zegoela eta konkurtso-administratzaile izendatua izan zela jakin zen. Hortik aurrera furgonetak hainbat jabetasun aldaketa izan zituen.

Plaken aldakiei buruzko ikerketak egin eta gero bi pertsonei jakinarazi zaie ikertuak izaten ari direla, ustez, dokumentu ofizialak faltsifikatzeagatik. Delitu mota hau 6 hilabete eta 3 urte arteko kartzelarekin eta 6 eta 12 hilabete bitarteko isunarekin zigortua dago.

Garraio-enpresako kudeatzailea egoera berean dago, baina honek, gainera, hidrokarburoa modu desegokian garraiatzeagatik eta kamioietan nekazal erregaia modu desegokian erabiltzeagatik salaketa administratiboa jaso du. Lehenengo urratzeak 4.000€ baino gehiagoko isuna suposatzen du, bigarrenak aldiz 12.000€, nekazal erregaia garraiatzen zuen kamioi bakoitzeko.

Hiritar segurtasunen azken albisteak

article thumbnailEgoera epidemiologikoaren eboluzioa ikusita, ostalaritzako establezimenduek (tabernak, jatetxeak, txokoak edo diskotekak) ezin izango dute irekita egon 01.30 ordutik aurrera, asteko egun guztietan. COVIDek eragindako krisi sanitarioari aurre egiteko Osasun Sailak lantzen jardundako azken Aginduan biltzen diren neurri nagusietako bat da, eta aste honetan sartuko da indarrean. Agindu berriak...
article thumbnail25 eta 22 urteko Leioako bi bizilagun atxilotu zituzten atzo Sopelako udaltzainek, osasun publikoaren aurkako delitu baten ustezko egile gisa. Ekainaren 15ean, 19:30 aldera, Loiola Ander Deuna kalean herritarren segurtasuneko prebentzio-lanak egiten ari ziren Sopelako udaltzainek bi gazte zihoazen BMW auto baten matrikulari buruzko kontsulta bat egin zuten. Udaltzainei jakinarazi zitzaien...
article thumbnail  Sopelako udaltzainek aurtengo urtarrilean bi egunez udalerrian aparkatutako ibilgailuetan egindako lapurreten ustezko egileak identifikatu dituzte. Era berean, agenteek Uribe Kostako eta Bizkaiko beste eskualde batzuetako udalerrietan antzeko delituetan parte hartu izanaren zantzuak dituzte. 18 eta 19 urte dituzten eta Bilboko udalerrian kalean lo egiten duten etxerik gabeko bi gizon dira....
article thumbnail  Sopelako udaltzaingoa bi pertsona ikertzen ari da, osasun publikoaren aurkako delitu bat egotzita. Gertakaria lonja batean egindako miaketa batekin lotuta dago; bertan kilo erdi marihuana kukulu, prestatutako zigarroak eta haxixa konfiskatu zituzten. Udaltzainek ikerketak 2019ko uztailean hasi zituzten. Larrabasterrako lonja baten barruan jarduera bat hasi zela jakin zuten, eta inguruko...
Berri gehiago: Hiritarren Segurtasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia