Zu hemen zaude: Hasiera Albisteak Sopelako Udaltzaingoak prebentzio kanpaina bat abiarazi du ikasturte berriarekin batera

Sopelako Udaltzaingoak prebentzio kanpaina bat abiarazi du ikasturte berriarekin batera

Udaltzaingoa
Ikasturte berria hastearekin batera, Sopelako Udaltzaingoak, trafiko arloan duen eskumena dela eta, irailaren 12tik 18ra bitartean, prebentzio kanpaina bat burutuko du, umeak ibilgailuetan doazenean segurtasun uhala eta bestelako euste sistemak ipinita ote daramatzaten begiratzeko eta kontrolatzeko helburuarekin.

Ikastetxeetako gurasoek kanpaina honen berri izan dezaten, zirkular hau prestatu da halako euste sistemak erabil litzaketen adin txikikoen familiei helarazteko. Zirkularra deskargatzeko: 

http://www.sopelaudala.org/index.php/es/documentos/cat_view/13-udal-zaintza-seguridad-ciudadana 

Trafiko Zuzendaritza Nagusiak (TZN), aste honetan, bere web orrian argitaratu ditu zaintza eta kontrol kanpainaren hainbat datu estatistiko, eta zehaztu du zein diren horren helburuak. Kanpaina autonomia erkidegoko Bide Segurtasuneko Plan Estrategikoaren barruan kokatzen da, eta bertan parte hartzen dute bai Ertzaintzak bai herrietako udaltzaingoek.

Ikastetxeetako sarrerak eta irteerak erregulatzen ari diren sasoi honetan, agenteek arretaz begiratuko dute ibilgailuetako okupatzaileek segurtasun uhala lotuta daramaten ala ez, eta bereziki ikuskatuko dute adin txikikoak ondo lotuta joatea beren aulkietan.

Hiritar segurtasunen azken albisteak

article thumbnailEgoera epidemiologikoaren eboluzioa ikusita, ostalaritzako establezimenduek (tabernak, jatetxeak, txokoak edo diskotekak) ezin izango dute irekita egon 01.30 ordutik aurrera, asteko egun guztietan. COVIDek eragindako krisi sanitarioari aurre egiteko Osasun Sailak lantzen jardundako azken Aginduan biltzen diren neurri nagusietako bat da, eta aste honetan sartuko da indarrean. Agindu berriak...
article thumbnail25 eta 22 urteko Leioako bi bizilagun atxilotu zituzten atzo Sopelako udaltzainek, osasun publikoaren aurkako delitu baten ustezko egile gisa. Ekainaren 15ean, 19:30 aldera, Loiola Ander Deuna kalean herritarren segurtasuneko prebentzio-lanak egiten ari ziren Sopelako udaltzainek bi gazte zihoazen BMW auto baten matrikulari buruzko kontsulta bat egin zuten. Udaltzainei jakinarazi zitzaien...
article thumbnail  Sopelako udaltzainek aurtengo urtarrilean bi egunez udalerrian aparkatutako ibilgailuetan egindako lapurreten ustezko egileak identifikatu dituzte. Era berean, agenteek Uribe Kostako eta Bizkaiko beste eskualde batzuetako udalerrietan antzeko delituetan parte hartu izanaren zantzuak dituzte. 18 eta 19 urte dituzten eta Bilboko udalerrian kalean lo egiten duten etxerik gabeko bi gizon dira....
article thumbnail  Sopelako udaltzaingoa bi pertsona ikertzen ari da, osasun publikoaren aurkako delitu bat egotzita. Gertakaria lonja batean egindako miaketa batekin lotuta dago; bertan kilo erdi marihuana kukulu, prestatutako zigarroak eta haxixa konfiskatu zituzten. Udaltzainek ikerketak 2019ko uztailean hasi zituzten. Larrabasterrako lonja baten barruan jarduera bat hasi zela jakin zuten, eta inguruko...
Berri gehiago: Hiritarren Segurtasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia