Zu hemen zaude: Hasiera Albisteak Sopelako Udaltzaingoak gizonezko bat harrapatu du alkoholaren eraginpean gidatzen

Sopelako Udaltzaingoak gizonezko bat harrapatu du alkoholaren eraginpean gidatzen

cochepolicia
Sopelako Udaltzaingoak, deskuidu edo distrazioek eragindako arau-hausteak identifikatzeko helburuarekin Erkidegoko Bide-Segurtasunerako Plan Estrategikoaren barnean, ekainaren 21ean Atxabiribil Etorbidean prebentziozko kontrol bat egiten ari zirela, baimendutako alkohol-tasa hirukoizten zuen 46 urteko gizonezko bat harrapatu zuten gidatzen.

Gertaera arratsaldeko 19:45ak aldera izan zen. Sopelako Udaltzaingoko agenteek gidaria segurtasun uhal gabe gidatzen ari zen ibilgailua ikusi zuten. Behin ibilgailua geldiarazi zutenean, gidariak alkohol usain handia botatzen zuela baieztatu zuten.

Alkoholemia probak eginda, baimendutako alkohol-tasa 3,5 aldiz biderkatu zuen. Hortaz gidaria epailearen esku geratu da trafiko-segurtasunaren aurkako ustezko delitu bat egin izana egotzita eta gutxi barru epailearen aurrean agertu beharko da epaiketa azkar bat egiteko.

Legeak baimendutakoak baino alkohol-tasa handiagoarekin edo drogen eraginpean gidatzeagatiko isunak 1.000 eurokoak ere izan daitezke (alkoholemia-tasa bikoiztuz gero edo ondorengo urtean berriz araua hausteagatik), eta gidabaimenaren 4 eta 6 puntu artean galduko ditu. Gainera, bide segurtasunaren aurkako delitua eginez gero, 3 eta 6 hilabete arteko espetxe-zigorrak aplikatzen dira edo 6 eta 12 hilabete arteko isuna edo gizartearen mesederako 31 eta 90 lanegun artean. Edozein kasutan, zigortuak ez du gidatzeko baimenik edukiko 1 eta 4 urte artean.

Hiritar segurtasunen azken albisteak

article thumbnailGaur, apirilak 25, Sopelako Udaltzainek Bilboko Auzitegi batek 2 urtetarako gidabaimena kenduta zuen 28 urteko Sopelako bizilagun bat harrapatu dute, berriro ere. 9:45etan polizia patruila batek bizilagun hau ikusi dute Mendieta kalean zehar gidatzen. Agenteek momentuan bertan ezagutu dute gizona, apirilaren 16an gidaria prebentziozko alkohol-kontrol batean gidabaimenik gabe gidatzen harrapatu...
article thumbnailSopelako Udaltzainek Portugaleteko 48 urteko gizon bat ikertzen ari dira, edari alkoholdunen eraginpean gidatzen zuen bitartean trafiko istripu batean inplikatuta egoteagatik. Udaltzaingoak dei bat jaso zuen asteartean, apirilak 9, 18:26ak aldera. Deia egindako pertsonak, turismo batek lorategi baten kontra talka egin zuela baieztatu zuen eta gidaria ibilgailutik ateratzen saiatzen ari zela,...
article thumbnailSopelako Udaltzainek Sopelako 66 urteko gizon bat ikertzen ari dira, ustez Bide Segurtasunaren Aurkako Delitu bat egiteagatik, ustekabean edari alkoholdunen eraginpean gidatzen harrapatua izan ondoren. Gertaerak apirilaren 2an izan ziren Sopelan eguerdiko 14:30ak inguruan herritarren laguntzari esker. Gidari batek Udaltzainei bere laguntza eskatu zien normala ez zen eran, sigi-sagak egiten eta...
article thumbnailGuztira 624 ibilgailu kontrolatu dituzte, 286 alkohol proba eta 80 droga-test egin dira, udalerriko bide segurtasuna bermatzeko beste jardunen artean. Prebentzioko kontrol hauez gain, udaltzainek eskolak bezalako hainbat gune babesteko prebentziozko jarduerak gauzatu dituzte. 2018ko trafiko istripuei dagokionez, 9 pertsonek zauri arinak izan zituzten eta hildakorik gabeko 60 istriputan arreta...
Berri gehiago: Hiritarren Segurtasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia