Zu hemen zaude: Hasiera Albisteak Kosta Trail probak 4200 partehartzaile izan ditu eta marka guztiak hautsi ditu

Kosta Trail probak 4200 partehartzaile izan ditu eta marka guztiak hautsi ditu

Kosta Trail probaren ediziorik arrakastatsuena izan da aurtengoa. 4200 lagunek baino gehiagok parte hartu dute Sopelan hasi eta amaitu den proban. Bederatzigarren edizioa izan da aurtengoa, eta urtero legez Forum Sport, Salomon eta Laboral Kutxa izan dira antolatzaileak, Sopelako Udalaren lankidetzagaz.

Saioa Villanueva Sopelako alkateak eman zien hasiera probei. Modu mailakatuan hasi dira, probak, baso eta hondartzak zeharkatu eta berriro udaletxe plazan amaitzeko (aurtengo ibilbidea zirkularra izan baita). Lehenengo korrikalariak lasterketakoak izan dira (30 km), 09:00etan. Horren ostean mendi-martxa (09:15) eta martxa familiarra (09:30) hasi dira.

Lasterketa (30 km)

Walter Becerra izan da txapelduna, ibilbidea ordu 2, 18 minutu eta 55 segundotan egin duelako. Hasiera-hasierak izan da lasterketaren burua eta gainontzeko korrikalarien erritmoa markatu du. Irabazlea pozik agertu da, eta harrituta agertu da Kosta Trailaren paisaiagaz, ikusteko tarte askorik izan ez duen arren. 
Minutu batzuen ostean bigarrena eta hirugarrena heldu dira. Bigarrena Joseba Urbano orozkotarra izan da, GrafSestao taldeko kidea, ordu bi, 26 minutu eta 51 segundoko denboragaz. Hirugarrena Joseba Plaza izan da, hiru minutura, ordu 2, 29 minutu eta 53 segundoko denboragaz. Iaz ere podiumera igo zen.

Emakumezkoei dagokienez, Nuria Picas kataluniarra izan da irabazlea, ordu bi, 44 minutu eta 54 segundoko denboragaz. Hasierako kilometroetatik lasterketaren buruan joan da. Minutu batzuk igaro ostean Montse Vazquez heldu da, ordu bi 56 minutu eta 39 segundoko denboragaz, eta hirugarren Amagoia Legarra sopeloztarra 3 ordu, minutu 2 eta 4 segundorekin (herriko irabazlea izan da). Gizonezkoei dagokienez Roberto Garay izan da sopeloztar onena, ordu bi, 35 minutu eta 49 segundorekin (laugarrena sailkapen orokorrean).

Kirolaren azken albisteak

article thumbnail    Ugeraga Kirol Elkarteak, FIT Learning Systems S.L enpresarekin batera eta Sopelako Udalarekin lankidetzan, "Ugeraga Futbol Eskola" ekimena abiarazi du. Online eskola bat da, eta berdintasunean, indarkeriaren prebentzioan, lehen laguntzetan, teknologien erabileran, kirola eta desgaitasunean… oinarritutako baloreei eta gaitasunei buruzko prestakuntza-bideoetarako doako sarbidea eskainiko du. ...
article thumbnailSopelako Udalak Kirol Kontseilu Gorenak edota autonomia-erkidegoak horrela kalifikatutako eta Sopelan erroldatutako kirolari, teknikari edota epaileentzako diru-laguntzak jarri ditu martxan.  Deialdiaren zenbatekoa 12.100 eurokoa da eta goi-mailako edota errendimendu handiko kirolari, teknikari edo eta epaile bezala ebatzitakoak finantzatzea du helburu. Eskariak aurkezteko epea abuztuaren  25era...
article thumbnailSopelako Udalak, Serviocio BeOne taldearekin batera, #NikEtxeanEntrenatzenDut programa jarri du abian. Entrenamendu birtual hau erabat doakoa izango da, etxetik bertatik ariketa fisikoa egiteko, aktibo eta forman jarraitzeko asmoarekin.  Interesdunek, etxean egin ahal izateko 300 klase birtual baino gehiago izango dituzte aukeran (tonifikazioa, dantza, HIIT, meditazioa, yoga, pilateak). Etxean...
article thumbnail  Eusko Jaurlaritzaren gomendioei jarraituz, eta Koronabirusa biztanlerian zabal ez dadin, bertan behera uztea erabaki da, martxoaren 29an egin behar zen XVIII. Herri Lasterketa, besterik jakinarazi arte.  Sopelako Udalarekin lankidetzan, antolatzaileek, lasterketa egiteko aukerak aztertzen ari dira, urtero ehunka pertsona biltzen dituen lasterketa solidario hau egiteko asmoz.  Ospakizunaren datari...
Berri gehiago: Kirolak  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia