Sopelako Udala - ‘Kosta Trail’ elkarteak 'Virtual Trail’ lasterketa solidarioa abiarazi du GaituzSport Fundazioaren alde
Zu hemen zaude: Hasiera Albisteak ‘Kosta Trail’ elkarteak 'Virtual Trail’ lasterketa solidarioa abiarazi du GaituzSport Fundazioaren alde

‘Kosta Trail’ elkarteak 'Virtual Trail’ lasterketa solidarioa abiarazi du GaituzSport Fundazioaren alde


  • Sopelatik igarotzen den probaren antolakuntzak pilaketak saihestu eta parte-hartzaile guztien segurtasuna bermatuko duen formatu birtualaren alde egiten du, probaren espiritu solidarioa mantenduz.


Kosta Trail, Sopelako hainbat tokitatik igarotzen den lasterketa beteranoa. aurten itzuliko da 'Virtual Trail' izenarekin, Covid-19k eragindako osasun egoera dela eta.

Hamalau edizio igaro eta pandemiagatik iazko proba bertan behera gelditu ondoren, aurten formatu birtualean egingo da lasterketa, jende pilaketa saihesteko eta parte-hartzaile guztien segurtasuna bermatzeko.

Ez da aldatzen, ordea, izaera solidarioa, Kosta Trailen sinbolo argia baita eta orain 'Virtual Trail' ekimenera helburu berarekin iristen dena: kirola egitea arrazoi on batengatik eta dirua biltzea, GaituzSport Fundazioaren lanari esker, berriz ere, pertsonen inklusioa sustatzeko.

GaituzSport-ek aniztasunarekiko errespetuzko gizarte inklusiboa eraikitzeko lan egiten du eta jarduera fisikoaren eta kirolaren praktika bultzatzen du desgaitasunen bat duten eta ez duten pertsonen artean, baldintza berberetan, haien bizi-kalitatea hobetuz. Bere jarduerari buruzko informazio guztia https://www.gaituzsport.eus webgunean aurkitu daiteke.

Lasterketaren lehen ediziotik (2006) gaur arte, 154.000 euro eman dira helburu solidarioetarako, hainbat gizarte-erakunderen bitartez.

Parte-hartze handia

Aurten partaidetza handia eta diru-bilketa handia lortzea da helburua. Hori dela eta, proba inoiz baino eskuragarriagoa izango da eta parte-hartzaileek erabakiko dute noiz, nola eta nondik egin nahi duten.

'Virtual Trail 'saioak ohiko hiru modalitate izango ditu: mendi Maratoi Erdia (21 km), Mendi Martxa (20 km) eta Familia Martxa (10 km), baina, berrikuntza gisa, guztiak korrika edo oinez egin ahal izango dira eta pertsona bakoitzak nahi duen egunean egin ahal izango du proba, 2021eko ekainaren 13tik uztailaren 13ra bitartean.

Gainera, ibilbideak osatu ahal izango dira Kosta Traileko hondartza eta itsaslabarren ohiko trazadura ikusgarriari jarraituz edo distantzia bereko ibilbide libre batean zehar.

Horrela, Uribe Kostara joan beharrik gabe parte hartu nahi duten pertsonei alternatibak eskaintzen zaizkie. Parte-hartzaile bakoitzak 'Virtual Trail'-a egin nahi duen eguna, ordua eta ibilbidea aukeratu ahal izango dituenez, modalitate guztiak autosufizientzian izango dira.

Izena ematea

Parte-hartzea sustatze aldera, inskripzioek 3 euroko kostu sinbolikoa dute edozein distantziatarako.

Izena emateko azken eguna uztailaren 13a izango da, www.kostatrail.com webgunearen bidez soilik, paperezko inskripzioak ezabatu eta ekitaldiaren iraunkortasun-konpromisoarekin jarraitzeko.

Gogorarazten dizugu hilabeteko epea duzula (ekainaren 13tik uztailaren 13ra) egin daitezkeen sei ibilbideetako bat osatzeko (Uribe Kostatik Kosta Trailaren ohiko ibilbidea jarraituz edo zure udalerritik irten gabe), korrika edo oinez. Zuk aukeratzen duzun bezala!

 

Kirolaren azken albisteak

article thumbnail Parte hartzeko, ezinbestekoa izango da aldez aurretik izena ematea www.triatloi.org edo www.rockthesport.com webguneen bidez. Epea otsailaren 14an edo 250 plaza betetzean amaituko da. Azken bi urteetako nahitaezko etenaldiaren ondoren, Sopelako Udalak eta Hirubi Triatloi Sopela Klubak, Euskadiko Triatloi Federazioaren laguntzarekin, Sprint Duatloiaren XV. edizioa antolatu dute otsailaren...
article thumbnailKiroldegia kudeatzeko kontratuaren pleguetan ageri da % 20ko igoera hori. Sopelako Udalak % 20ko tarifen igoera horren % 50a diruz lagunduko du, “sopeloztarrek kirola egiten jarrai dezaten”. "Diru-laguntza honen bidez, kirolaren praktika eta instalazioak erabiltzea sustatu nahi da". Sopelako Udalak udal kirol instalazioak erabiltzeagatiko tarifen igoeraren %50 diruz lagunduko du. Kiroldegia...
article thumbnailArlo honetan diru-laguntza jaso dezaketen ohiko jardueren artean banatu beharreko gehieneko kopurua 10.000 euro da. Hamar egun balioduneko epea dago eskabideak aurkezteko, honako deialdi hau «BIzkaiko Aldizkari Ofizialean» argitaratu eta biharamunetik zenbatzen hasita, hau da, irailaren 14tik 27ra arte. Laguntza hauen xedea Sopelako udalerrian 2021eko urtarrilaren 1etik abenduaren 31ra...
article thumbnail Surflari bizkaitarrak Europako titulua lortu du Abanca Pantín Classic Galicia Pro txapelketako final-laurdenetarako txartela eskuratuta. Itsasoaren egoera zela eta hiru egunez zain egon ostean, Leticia Canales surflari sopeloztarrak World Surf Leagueko Women's Qualifying Series txapelketan parte hartzeko aukera izan zuen. Ederki jardun zen Abanca Pantin Classic Galicia Proen Valdoviño...
Berri gehiago: Kirolak  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia