Sopelako Udala - Sopelak kirolaren baloreak sustatzeko online eskola bat bultzatuko du
Zu hemen zaude: Hasiera Albisteak Sopelak kirolaren baloreak sustatzeko online eskola bat bultzatuko du

Sopelak kirolaren baloreak sustatzeko online eskola bat bultzatuko du

 

 

  • Ugeraga Kirol Elkarteak, FIT Learning Systems S.L enpresarekin batera eta Sopelako Udalarekin lankidetzan, "Ugeraga Futbol Eskola" ekimena abiarazi du. Online eskola bat da, eta berdintasunean, indarkeriaren prebentzioan, lehen laguntzetan, teknologien erabileran, kirola eta desgaitasunean… oinarritutako baloreei eta gaitasunei buruzko prestakuntza-bideoetarako doako sarbidea eskainiko du.

Kirolak sentimendu eta emozio asko sortzen ditu, eta eragin zuzena du pertsonen jarrera eta portaeretan, transmititzen dituen baloreen bidez: gainditzea, sakrifizioa, berdintasuna, errespetua, kiroltasuna, elkartasuna eta adiskidetasuna, besteak beste.

Zentzu honetan, Ugeraga Kirol Elkarteak kirol baloreetan trebatzeko erreferentziazko kluba izan nahi du Bizkaian, eta horretarako, online prestakuntzan espezializatutako FIT Learning Systems S.L enpresari esker, eta Sopelako Udalarekin lankidetzan, "Ugeraga Futbol Eskola" ekimena jarri du abian. Online eskola bat da, kirolaren baloreak sustatzea duena helburu.

FIT Learning Systems S.L enpresa arduratuko da mugikorretik edo ordenagailutik ikusi ahal izango diren bideo bilduma bat sortu eta zabaltzeaz, gero partidetara joatean eskuratutako ezagutzak praktikan jartzeko. Eduki horiek jaso nahi dituzten pertsonek bere posta elektronikoa eman besterik ez dute egin behar, plataforma birtualean sartzeko.

Ikus-entzunezko eduki horiek Ugeraga Kirol Elkartea inguratzen duen masa sozial osoari zuzenduta daude: Zuzendaritza Batzordea, teknikarien kidegoa, jokalariak, gurasoak, bazkideak, sopeloztarrak gehienak. "Bizkaiko eskola kirolean erreferente izan nahi dugu, ez bakarrik klub bezala, baita herri bezala ere. Kirolariez gain, pertsonak ere prestatu nahi ditugu", adierazi dute kirol elkartetik.

Bestalde, Josu Landaluze Sopelako alkateak azpimarratu duenez, "Kirolak gizarte mailan duen presentzia garrantzitsuaz jabetu behar gara, baita baloreak transmititzeko eragile gisa izan dezakeen eraginaz ere. Horregatik, uste dugu ekimen hau oso egokiadela, kirolaren eta hezkuntzaren arteko harremana sustatzen baitu. Beharrezkoa da kirol-garapena ez ezik, garapen pertsonala eta hezitzailea ere lantzea, ingurune inklusiboak eta errespetuzkoak sortzeko, gizarte gisa aurrera egin ahal izateko".

Eskola honek, online edukien bidez, berdintasunean, indarkeriaren prebentzioan, lehen laguntzetan, teknologien erabileran, kirola eta desgaitasunean… oinarritutako baloreei eta gaitasunei buruzko prestakuntzetarako doako sarbidea eskainiko du.

Lehen hiruhileko honetan landuko den lehenengo gaia "Indarkeriaren prebentzioa kirolean" izango da. Inaugurazio ikastaro honekin, kirol elkarteak bere ekarpena egin nahi du, kirolaren munduan hainbesteko eragina duen indarkeriaren gaitza desagerrarazteko. Bereziki kirol hezitzaileei zuzenduta, kirolean indarkeria prebenitzeko oinarriei, jarduteko jarraibideei eta tresnei buruzko informazioa emango da.

 

 

 

 

Kirolaren azken albisteak

article thumbnail Parte hartzeko, ezinbestekoa izango da aldez aurretik izena ematea www.triatloi.org edo www.rockthesport.com webguneen bidez. Epea otsailaren 14an edo 250 plaza betetzean amaituko da. Azken bi urteetako nahitaezko etenaldiaren ondoren, Sopelako Udalak eta Hirubi Triatloi Sopela Klubak, Euskadiko Triatloi Federazioaren laguntzarekin, Sprint Duatloiaren XV. edizioa antolatu dute otsailaren...
article thumbnailKiroldegia kudeatzeko kontratuaren pleguetan ageri da % 20ko igoera hori. Sopelako Udalak % 20ko tarifen igoera horren % 50a diruz lagunduko du, “sopeloztarrek kirola egiten jarrai dezaten”. "Diru-laguntza honen bidez, kirolaren praktika eta instalazioak erabiltzea sustatu nahi da". Sopelako Udalak udal kirol instalazioak erabiltzeagatiko tarifen igoeraren %50 diruz lagunduko du. Kiroldegia...
article thumbnailArlo honetan diru-laguntza jaso dezaketen ohiko jardueren artean banatu beharreko gehieneko kopurua 10.000 euro da. Hamar egun balioduneko epea dago eskabideak aurkezteko, honako deialdi hau «BIzkaiko Aldizkari Ofizialean» argitaratu eta biharamunetik zenbatzen hasita, hau da, irailaren 14tik 27ra arte. Laguntza hauen xedea Sopelako udalerrian 2021eko urtarrilaren 1etik abenduaren 31ra...
article thumbnail Surflari bizkaitarrak Europako titulua lortu du Abanca Pantín Classic Galicia Pro txapelketako final-laurdenetarako txartela eskuratuta. Itsasoaren egoera zela eta hiru egunez zain egon ostean, Leticia Canales surflari sopeloztarrak World Surf Leagueko Women's Qualifying Series txapelketan parte hartzeko aukera izan zuen. Ederki jardun zen Abanca Pantin Classic Galicia Proen Valdoviño...
Berri gehiago: Kirolak  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia