Zu hemen zaude: Hasiera Albisteak Udalak Ingesta inguruaren berreskuratze-ekologikoa bultzatuko du

Udalak Ingesta inguruaren berreskuratze-ekologikoa bultzatuko du

Hurrengo hilabeteetan Sopelako Udalak ekologia aplikatuaren bigarren proiektua bultzatuko du udalerrian. Urko paduraren berreskuratze ekologikoa izan da lehenengoa, eta orain hurrengo proiektua Ingesta inguruan egingo da, hots, Atxabiribil hondartzaren goikaldean. Bertako hainbat inguru egoera kaskarrean daude, gizakien esku-hartzearen eraginez: aspaldi aparkaleku bezala erabilia izan zen, motorrak eta bestelako ibilgailuak pasatzen dira bertatik, eta abar. Proiektu honegaz, beraz, asmoa da Ingesta inguruari dagokion itxura naturala bueltatzea da, naturak berez ematen dituen urratsak errepikatuz eta azkartuz.

Proiektuaren helburu orokorrak honakoak dira:

- Kostaldeko txilardia berreskuratu, gizakiaren esku-hartzearen eraginez hondatu egin delako.

- Habitat horren zatiketari aurre egin, inguru horren erabilera publikoa antolatuz.

- Egoera kaskarrean dauden zonalde guztien berreskurapena sustatu.

- Kontzientziazioa bultzatu, herritarrei azalduz inguru honen ingurumen-garrantziaz, eta abar.

Proiektuak, beraz, hiru ezaugarri nagusi ditu: gaur egun dauden habitat guztiak berreskuratu nahi dituelako, erabilera publikoa antolatu eta ingurumen-sentsibilizazioa bultzatu.

Interbentzioa honako partzeletan egingo da: 193, 220 eta 221. Partzela horien jabetza Udalarena da, eta zonaldearen zabalera 2,3 hektareakoa da.

Ikuspuntu ekologiko, paisajistiko eta sozialetik garrantzi handiko ingurua da. Sopeloztar eta bisitarientzat balio handiko ingurua da, bertatik oinez eta bizikletaz herritar ugari ibiltzen direlako. Bertatik igarotzen diren ibilbideak GR123 "Bizkaiko Bira"-ren parte dira.

Horrek antolatu gabeko pasabideak sortu ditu eta azkenean inguruean kalteak sortu ditu, bertako habitatak kaltetuz, eta landare inbaditzaileak areagotuz.

Partzela hauetan, haizearen eta kresalaren eragina oso handia da eta horrek izaki bizidunak sortzea guztiz baldintzatzen du. Hori dela eta, bizitoki honetako animalia eta landareak oso ezaugarri bereziak dituzte, eta euren zabalera Europan oso murritza da, mehatxupean daudelako.

Gainera, landare inbaditzaile ugari dago inguruan: Pittosporum tobira zuhaixka oso ohikoa da inguruko txaletetan eta lorategietan, eta inguruan zabaldu da. Cortadela selloana landarea ere zabaldu da.

Proiektua hiru zonaldetan gauzatuko da:

1.- Sarbide nagusia. Zonaldearen mendabaldea eta batez ere 193 partzela hartzen du. Bere garaian aparkaleku legez erabiltzen zen, eta 1027 metroko luzera du. Ez du inolako landarerik eta zati batzuetan haitza ikusten da. Egoera kaskarrenean dagoen ingurua da.

2.- Trantsizio gunea. Batez ere 221 partzela hartzen du eta 945 metroko luzera du. Pertsonen, bizikleten eta motorren joan-etorrien eraginez higatutako ingurua da. Higadura horrek ez dio uzten inguruari bere burua berreskuratzen.

3.- Sasien gunea. Interbentzio-gunearen ekialdean dagoen gunea, batez ere 220 partzelan.

Era berean, proiektua egiterako orduan apo lasterkariaren (Epidalea calamita) berreskurapenerako proiektua kontuan hartu du. Aranzadi Zientzia Elkarteak burutu du, Udalak eskatuta, eta bere helburua apo lasterkariarentzat egokiak diren guneak sortzea da, bere berreskurapenean laguntzeko.

Proiektua gauzatzearen kostua 105.000 eurokoa izango da, baina Udalak 50.000 euroko diru-laguntza jaso du Eusko Jaurlaritzaren aldetik proiektua egiteko. Proiektuaren egilea La Suma Paisajistas da.

Iraunkortasuneko azken albisteak

article thumbnailMartxoan herritarrei eskatu zitzaien altzaririk eta bolumen handiko hondakinik ez botatzeko, zabor-bilketako langileak eskaintzen ari ziren  zerbitzu bereziengatik, hala nola, desinfektazio zerbitzuak koronabirusaren hedatzea geldiarazteko. Hala, Udalak hurrengoa jakinarazten du: Astelehen goizetan, altzarien eta tamaina handiko hondakinen bilketa berriro aktibatuko da. Maiatzaren 10etik...
article thumbnailKoronabirusaren hedatzearen ondorioz bizitzen ari garen egoera berezia dela eta, Sopelak Udalak bidegorriak eraikitzeko martxan jarritako txapelketan jasotako ideiak jasotzeko epea zarratu du, eta hauen ebaluazioa eta publikazioa ere atzeratu egin behar izan du. Txapelketa, bizikleta garraio jasangarri gisa sustatzeko helburuarekin antolatu zen.  Zentzu honetan, Udalak proposamenak aurkeztu...
article thumbnail Gris koloreko edukiontziak udaletxearen aurrean, Larrabasterran, Arrietaran eta Atxabiribil inguruan jarri dira.  Tapoien bilketarekin lortzen den dirua egoera ahulean dauden pertsonei eta kolektiboei edo proiektu solidarioetara bideratuko da. Lehen bilketa honetan jasotzen den diru guztia Sanfilippo Sindromea duten haurren familia eta lagunez osaturiko Euskadiko Sanfilippo Elkarteari emango...
article thumbnailSopelako Udalak martxan jarri du bere Udal Energia Plana 2019-2030 aldirako. Dokumentua Udalaren webgunean dago kontsultagai. Hurrengo esteka honetan klik eginez deskargatu dezakezu: http://sopelaudala.org/index.php/es/documentos/cat_view/10-iraunkortasuna-sostenibilidad Ekimen honen bitartez, Udalak egungo egoeraren diagnostiko bat egin nahi du, ondoren hainbat neurri zuzentzaile proposatu,...
Berri gehiago: Iraurkontasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia