Zu hemen zaude: Hasiera Albisteak Auzokideek "Sopela fracking gabeko udalerria" dela aldarrikatu dute Udalarekin batera

Auzokideek "Sopela fracking gabeko udalerria" dela aldarrikatu dute Udalarekin batera

Azaroan Sopelako Udalak fracking-arekin lotutako lehenengo jakinarazpena jaso zuen Espainiako Gobernuaren aldetik. Horri erantzunez, eta Espainiako Gobernuari Sopela “fracking gabeko herria” dela gogorarazteko asmoz, Udalak jarduera bi antolatu zituen abenduan.

Hilaren 16an Udalak hitzaldi informatibo bat antolatu zuen Kurtzio Kultur Etxean. Helburua: haustura hidraulikoaren nondik norakoak azaltzea, eta zeintzuk diren bere ondorioak jakinaraztea (naturari eta gure osasunari dagokionez). David Cobos “Fracking ez Bizkaia” taldeko kidea izan zen hizlaria, eta oso modu argian, teknika honen berri eman zigun. Hitzordura 80 lagunetik gora agertu ziren, eta Kurtzio Kultur Etxea leporaino izan genuen, gai honen inguruan dagoen informazio falta agerian utziz. Gainera, Aiaraldeatik ere hainbat auzokide gerturatu ziren euren esperientzia kontatzeko asmoz (kasu honetan, kanpaina sismikoen inguruan, Sopelan hurrengo urtean izan dezakeguna, hain zuzen ere).

Abenduaren 20an aldarrikapenerako unea heldu zen. Udalak fracking-aren kontrako kalejira antolatu zuen, eta 300 lagunetik gora gerturatu ziren. Kalerik kale, partehartzaileek argi eta garbi aldarrikatu zuten Sopelan teknika hau ez dela ondo etorria. Amaieran, udal ordezkariek honako irakurketa egin zuten:

“Sopelako Udalaren ustez, fracking edo haustura hidraulikoa bultzatzea akats larria da. Fracking-aren eta bere ondorioei buruzko ikerlan eta azterketek gero eta gehiago jartzen dute zalantzan teknika hau, paisaiari, urari, animali eta pertsonei, hau da, ingurumenari kalte eta arrisku nabariak ekartzen dizkiolako.

Gure ingurunea, gure lurra, gure herria, amalurra, babestu nahi badugu, fracking-a gelditzea beharrezkoa da. Ez dugu eredu honekin bat egiten, nahikoa txikitu digute Sopela orain arte, nahikoa da!

Argi dugu eta honela azaltzen dugu: Ez dugu haustura hidraulikorik nahi, ez hemen ez inon, ez lurrean, ezta itsasoan ere. Ez ustiatze eremurik, ez esplorazio prozesurik ere, ez ditugu nahi.

Pertsona eta erakunde orori eragiten dion arazoa da hau. Honegatik guztiagatik bakoitzak bere eremuan fracking-arekin lotura duen edozein plan gelditzeko beharrezkoak diren neurriak har ditzala aldarrikatu nahi dugu:

•      Gizartea, arazo hontako eragile nagusia, frackingaren ukazioa era ezberdinetan azaleratuz eta aktiboki ustiatze proiektu hau geldiarazteko mobilizazioetan parte hartuz.

•      Elkarte, kolektibo, talde, ezberdinak, beraien aukeren barruan, haustura hidraulikoaren aurkako mugimenduak bultzatuz.

•      Gobernu erakundeak eta, bereziki, proiektu hauen erantzule zuzen diren Eusko Jaurlaritza eta Madrilgo Gobernua, erauzketa eta esplorazioa bultzatzeari utziz. 
Beste herrialde batzuetan argi dute eta, horrela, Fracking-a legez kanpo utzi dute Hungaria eta Frantziar Estatua bezalako estatuek eta norabide berean aurrerapausuak egiten ari dira Kantabria, Nafarroa edo Katalunia.

Guk ere argi daukagu eta gure asmo sendoa adierazten dugu Fracking-ari aurre egiteko, gure lurra, airea, lurra eta osasuna defendatu nahi dugulako, eta horiek guztiak arriskuan ipintzeko etortzen den edozeini aurre egingo diogulako.

Haustura hidraulikorik ez! Ez hemen ezta inon ere ez!”

ESPAINIAR GOBERNUAREN ESKUTITZA:  http://issuu.com/sopelakoudala/docs/solicitud__12_ 

INGURUMEN-ERAGINARI BURUZKO DOKUMENTUA (1):  http://issuu.com/sopelakoudala/docs/g__minis-documento_ambiental/0 

INGURUMEN-ERAGINARI BURUZKO DOKUMENTUA (2):  http://issuu.com/sopelakoudala/docs/adenda_adenda-documento_ambiental__/0

Iraunkortasuneko azken albisteak

article thumbnail3 lote turistiko zozketatzen dituzte: adi Instagramera! Ba al zenekien 2050ean arrain baino plastiko gehiago egongo dela itsasoan? Orain gainera maskarak eta eskularruak gehitu behar ditugu itsasoan topa daitezkeen hondakinei. Produktu hauek 100 urte baino gehiago behar dituzte guztiz desagertzeko! Horren aurrean Turismo eta Ingurumen sailek jakin nahi dute zein den zure jarrera: zer egiten...
article thumbnailMartxoan herritarrei eskatu zitzaien altzaririk eta bolumen handiko hondakinik ez botatzeko, zabor-bilketako langileak eskaintzen ari ziren  zerbitzu bereziengatik, hala nola, desinfektazio zerbitzuak koronabirusaren hedatzea geldiarazteko. Hala, Udalak hurrengoa jakinarazten du: Astelehen goizetan, altzarien eta tamaina handiko hondakinen bilketa berriro aktibatuko da. Maiatzaren 10etik...
article thumbnailKoronabirusaren hedatzearen ondorioz bizitzen ari garen egoera berezia dela eta, Sopelak Udalak bidegorriak eraikitzeko martxan jarritako txapelketan jasotako ideiak jasotzeko epea zarratu du, eta hauen ebaluazioa eta publikazioa ere atzeratu egin behar izan du. Txapelketa, bizikleta garraio jasangarri gisa sustatzeko helburuarekin antolatu zen.  Zentzu honetan, Udalak proposamenak aurkeztu...
article thumbnail Gris koloreko edukiontziak udaletxearen aurrean, Larrabasterran, Arrietaran eta Atxabiribil inguruan jarri dira.  Tapoien bilketarekin lortzen den dirua egoera ahulean dauden pertsonei eta kolektiboei edo proiektu solidarioetara bideratuko da. Lehen bilketa honetan jasotzen den diru guztia Sanfilippo Sindromea duten haurren familia eta lagunez osaturiko Euskadiko Sanfilippo Elkarteari emango...
Berri gehiago: Iraurkontasuna  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia