Zu hemen zaude: Hasiera HIRIGINTZA Urko padura, zabalik! Berdegune berri bat Larrabasterran

hiringitza banner

Urko padura, zabalik! Berdegune berri bat Larrabasterran

Bihartik aurrera, apirilak 1, Larrabasterrak berdegune berri bat izango du Urkon. Gaur padura inguratu eta babesteko hesiak kantzen hasiko dira, eta beraz, auzokideek berreskuratua izan den zonalde honetaz gozatzeko aukera izango dute.

Sopelako Udalak bultzatutako lan honen helburua egoera kaskarrean zegoen eremu hori berreskuratzea izan da, naturak berez ematen dituen urratsak jarraituz (ekologia aplikatutako kasu bat).

Herri-lanak urrian hasi ziren, eta bere helburua honakoa izan da:

-       Urkoko berezko ekosistemak birsortzea, paduraren eta bere inguruan biodibertsitatea handituz.

-       Larrabasterran eremu berde berri bat sortzea, auzokideek berau gozatzeko aukera izan dezaten.

Laburbilduz, inguru horretako landaredia berreskuratzen hasi da, habitat berriak ezartzea bultzatuz eta ingurumen-berreskuratzea erabilera publikoarekin uztartuz. Proiektua berritzailea da (ekologia aplikatuaren adibidea), naturak berez emango lituzkeen urratsak antzeratu direlako.

Bizibarritutako eremua horrela geratu da: Gobela eta Lemotza ibaien artean bertako espezieen baso bat sortu da (oraindino zuhaixkak dira), ibai bien artean babestutako putzu bi sortu dira eta hori guztia lotuz ibilbide basati bat sortu da auzokideek bertatik pasatzeko aukera izan dezaten.

Herri-lanak, beraz, Urko paduraren iparraldean egin dira. Eremu honek uholdeak jasotzeko arriskua du, eta hori dela eta, kirol-azpiegitura gehiago eraikitzeko asmoak bertan behera utzi dira.

Urkoko biodibertsitatea handitzeko asmoz, honako ekintzak burutu dira:

-       Bertako espezieen baso bat birsortzea: Gobela eta Lemotza ibaien alboan bertako espezieen zuhaitzak landatu dira. Barruko aldean haritzak landatu dira.

-       Putzu bi sortu: erdiko gunean putzu bi sortu dira, eta gune hezeak izango dira, biodibertsitatea handituz.

-       Landare inbaditzaileak agertzea ekidituko da. Birsortzea da modurik onena horrelako espezieak agertzea eragozteko.

Ekimen hauek eremu honetako habitatak hobetzea ekarriko dute, eta honek lagunduko du mehatxupean dauden espezieak eremu horretan agertzea (anfibioak, hegaztiak e.a.).

Gainera, auzokideek proiektuan parte hartzeko aukera izan dute, Sopelako Udalak auzolana antolatu baitzuen abenduaren 28an.

Momentuz, belarra irten da paduraren zabaleraren %80an. Zonalde batzuk moztu barik utziko dira, eta horrela, landa garatu egingo da ziklo oso bat osatuz eta loreek euren haziak zonalde osoan zehar sakabanatuko dituzte, espezieen mugikortasuna bultzatuz.

Apurka-apurka zuhaixkak loratzen hasi dira eta gero eta ohikoagoa da ahateak eta bestelako animaliak putzuetatik gertu ikustea.

Baina biriberritzea bere osotasunean ikusteko, oraindik orain beharrezkoa izango da urteak pasatzea; landare, zuhaixka eta zuhaitzak guztiz hazi arte, basoak sortu arte, animaliak gunean guztiz egonkortu arte e.a.

Proiektu hau Sopelako Udalak bultzatu du eta La Suma Paisajistas taldeak egin du. Bere kostua 191.021 euro + BEZ izango da, eta Eusko Jaurlaritzak zein Bizkaiko Foru Aldundiak %80 ordainduko dute, Udalak dirulaguntza eskatu zuelako.

HEMEN KLIK EGINEZ URKO PADURAN EGINDAKO AUZOLANAREN BIDEOA IKUS DAITEKE

 

Hirigintzaren azken albisteak

article thumbnailMetroaren bideetatik hurbil dauden Sugurdialde kaleko etxebizitza blokeak akustikoki babesteko helburuarekin, Bizkaiko Garraio Partzuergoak Sopelako Udalari jakinarazi dio datorren otsailaren 1ean hasiko dituela “Bilboko Metropoli-Trenbidearen 1. Lineako Larrabasterra-Sopela zatian pantaila akustikoak instalatzeko proeiktua” egiteko lanak.  Urtarrileko azken asteetan inguruko perimetroa itxi eta...
article thumbnail  Kontratu berria datozen asteetan esleituko da, eremu hauek herritarren erabilerarako eta gozamenerako egoera ezin hobean egotea lortzeko xedez. Horretarako 1,5 milioi euroko partida bat erreserbatu da. Baliabide materialetan egindako inbertsioetan hobekuntzak aurreikusten dira, bai eta plantilla handitzea ere, laneko une jakin batzuetan 11 langilek indartuko dutelarik. Besteak beste, kontratuak...
article thumbnailBehin-behineko jarduera da, kalea behin betiko berrantolatzeko partaidetza-prozesua gauzatu arte. Jarduketa honen bidez aisialdirako eta atsedenerako gune irisgarri eta seguruagoa lortu nahi da, inguruko merkataritza eta ostalaritza erabilerak indartuz. Oinezkoen segurtasuna areagotzeko eta inguruko bizilagunen eskarietako bat errealitate bihurtzeko, Sopelako Udalak Eleizalde kalea (Landa...
article thumbnailSopelako Udalak gaur, abenduak 17, hasi ditu Osteiko bidea eta Olabideko bidegurutze berria eraikitzeko lanak. Udalak 375.000 euro (BEZ barne) inguru inbertitu ditu lanak egitera. Urbanizazio proiektuak loturak egitea barne hartzen du Osteiko sektoreko bidearekin, Urdulizen, bai eta Larragoiti industrialdearen ondoan dagoenarekin ere, hiri-azpiegitura bat sortuz, bi udalerriak lotuko dituen...
Berri gehiago: Hirigintza  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia