Zu hemen zaude: Hasiera HIRIGINTZA Kable-lapurketak eragozteko neurriak apurka-apurka ezartzeko konpromisoa hartu du Udalak

hiringitza banner

Kable-lapurketak eragozteko neurriak apurka-apurka ezartzeko konpromisoa hartu du Udalak

Aurrerantzean burutzen diren urbanizazio berrietan ere Udalak beharrezkoak diren neurriak hartzeko konpromisoa hartu du, lehiakortasun energetikoa bermatzeko eta kable-lapurketak saihesteko.

Azken urteetan, argiteria publikoaren kable-lapurketak gertatzen ari dira udalerri askotan, tartean Sopelan. Normalean dentsitate baxuko eremuetan izaten da, eta zerbitzu falta eragiteaz gain, Udalarentzat kostu ikaragarri handia sortzen du. Orain arte, Sopelan honako eremuetan eman dira lapurketak: Asu, Bareño eta Zaldu (Balearen parkean), eta kostua 20.128 eurokoa izan da.

Lapurketak saihesteko hainbat sistema proban jarri dira, baina konponbidea ez da erreza. Haatik, Udaleko zebitzu teknikoak sistema jakin bat proposatu du. Horren bidez, lapurketak saihestuko liratezke eta energia aurreztuko litzateke.

Zerbitzu teknikoek egindako txosten horretan, sistema hori abiatzeko aholkua emateaz gain, dentsitate baxuko sektoreetan ere ezartzen joatea gomendatzen dute.

Azkenik, txostenak azpimarratzen du martxan jartzen diren urbanizazio berrietan, Loiola sektorea kasu (oraindik ez dute lan elektrikoa egin), oso onuragarria izango litzatekeela sistema berria ezartzea hasiera-hasieratik.

Loiola sektoreko urbanizazio obren instalazioa, jabeen Hitzarmen-batzarraren esku dago. Baina instalazio horiek amaitzen direnean, Udalak euren jabetza izango du eta bere esku geratuko da euren mantenimendua.

Udalarentzat onuragarria izango litzateke Udalarenak izango diren instalazio elektrikoetan aldez aurretik lapurketen kontrako sistema ezartzea. Haatik, sistema hau ez da aurreikusita urbanizazio-proiektuan, eta bere ezarpenak proiektua garestituko luke, oso kopuru handia ez bada ere.

Hori dela eta, Sopelako Udalak honako akordioa hartu du:

1.- Sopelako Udalak, txosten teknikoa kontuan hartuz, apurka-apurka kable-lapurketen kontrako sistema ezartzen joango da.

2.- Aurrerantzean burutzen diren urbanizazio berrietan ere Udalak beharrezkoak diren neurriak hartzeko konpromisoa hartu du, lehiakortasun energetikoa bermatzeko eta kable-lapurketak saihesteko. 

3.- Udalak konpromisoa hartzen du onartutako urbanizazio obretan aipatu neurriak ezartzeko, ezarpen horren kostua Udalaren gain hartuz.

4.- Sopelako Udalak negozioazioa zabalduko du Loiolako Hitzarmen-batzarrarekin aipatu neurriak obran ezartzeko (beharrezkoa den hitzarmena sinatu ostean), eta Udalak kostua bere gain hartuko du.

Konpromiso hauek Sopelako udalbatzak adostu zituen abenduaren 17ko udal bilkuran. Alkatetzak (Bildu) aurkeztu zuen proposamena, eta EAJ-PNV-ko zazpi zinegotzien eta PPko zinegotziaren babesa jaso zuen. PSE-EEko zinegotzi biak abstenitu egin ziren.

Hirigintzaren azken albisteak

article thumbnailUdalak martxoko osoko bilkuran 410.000 euroko kreditu aldaketa onartu zen Sopela, Olabide industrialdearekin eta Urdulizko Ospitalearekin lotuko duen bidea eraikitzeko.   Gaur egun, alarma egoera dela eta, sektore publikoko erakundeen prozedurak izapidetzeko epeak etenda daude. Alarma egoera amaitu eta Errege Dekretuak indarra galtzen duenean, dagozkion prozedurei berrekin ahal izango zaie. ...
article thumbnailSopelak, udalerriko zenbait gune garrantzitsu lotzen dituen bidegorri‑sarea du. Horrez gain, alokairuzko bizikleten puntuak ere badaude, non betiko bizikletez gain, elektrikoak ere eskura daitezkeen. Hala ere, Uribe Kostako bizikleta‑bideen oinarrizko sarean ikusten denez, bidegorri‑tarteak, orain arte, isolatuta egin dira, eta, Sopelako Udalaren ustez, garaia da zerbitzua hobetzeko, hau da,...
article thumbnail Sopelak, udalerriko zenbait gune garrantzitsu lotzen dituen bidegorri‑sarea du. Horrez gain, alokairuzko bizikleten puntuak ere badaude, non betiko bizikletez gain, elektrikoak ere eskura daitezkeen. Hala ere, Uribe Kostako bizikleta‑bideen oinarrizko sarean ikusten denez, bidegorri‑tarteak, orain arte, isolatuta egin dira, eta, Sopelako Udalaren ustez, garaia da zerbitzua hobetzeko, hau da, unea da...
article thumbnailUdal sopeloztarrak 650.000 euro baino gehiago bideratuko ditu datozen hiru urteetan, segurtasuna, argiteriaren kalitatea eta instalazio elektrikoen funtzionamendu egokia bermatzeko xedez. Udalerriko argiteria publikoa eta semaforo-instalazioak mantentzeko eta egokitzeko zerbitzuaren kontratua amaitu denez, eta instalazio horiek baldintza onenetan kontserbatzen jarraitzeko helburuarekin,...
Berri gehiago: Hirigintza  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia