Zu hemen zaude: Hasiera Albisteak Ekainaren 25ean, Urdulizko ospitaleko sarbideen inguruko auzo-bilera

hiringitza banner

Ekainaren 25ean, Urdulizko ospitaleko sarbideen inguruko auzo-bilera

Sopelako Udalak auzo-bilera antolatu du ekainaren 25erako, Urdulizeko Ospitaleko sarbideen inguruan informatzeko. Hitzordua 19:00etan Kurtzio Kultur Etxean izango da, eta bilera guztiz irekia izango da, hots, edozein auzokidek izango du aukera bertara joan eta parte hartzeko.

Bileran Sopelako Udal Gobernuko kideek parte hartuko dute, eta gai honi buruz Udalak duen informazio guztia eskainiko diete herritarrei. Modu honetan, lehenik eta behin maiatzaren 5ean ospatutako bileraren inguruko informazioa emango da. Egun horretan, Sopelako Udalak deituta, ospitalarekin lotura duten erakundeen arteko bilera ospatu zen Sopelako udaletxean: Eusko Jaurlaritza, Osakidetza, Foru Aldundia, Urdulizeko Udala, Garraio Patzuergoa e.a.).

Gainera, bileran Urak Bide enpresako kideak ere egongo dira. Sopelako Udalak kontratatuta, enpresa hori ospitaleak Sopelan izango duen eragina aztertzen ibili da azken asteotan, eta bileran ondorioetako batzuk aurkeztuko dituzte.

Era berean, sopeloztarrek galderak egin, zalantzak argitu eta ekarpenak egiteko aukera izango dute bilera horretan. Gai honekin lotutako bigarren auzo-bilera izango da ekainaren 25ekoa. Lehenengoa otsailaren 12an ospatu zen, eta 70 auzokide baino gehiago elkartu ziren, gehienak Gatzarriñe, Enrike Urrutikoetxea eta Olabide kalekoak. Bileran argi eta garbi adierazi zen legez, auzokideek kezka handia dute kotxeen joan-etorriak euren kaleetan izan dezakeen eragina dela eta. 

Hirigintzaren azken albisteak

article thumbnailUdalak martxoko osoko bilkuran 410.000 euroko kreditu aldaketa onartu zen Sopela, Olabide industrialdearekin eta Urdulizko Ospitalearekin lotuko duen bidea eraikitzeko.   Gaur egun, alarma egoera dela eta, sektore publikoko erakundeen prozedurak izapidetzeko epeak etenda daude. Alarma egoera amaitu eta Errege Dekretuak indarra galtzen duenean, dagozkion prozedurei berrekin ahal izango zaie. ...
article thumbnailSopelak, udalerriko zenbait gune garrantzitsu lotzen dituen bidegorri‑sarea du. Horrez gain, alokairuzko bizikleten puntuak ere badaude, non betiko bizikletez gain, elektrikoak ere eskura daitezkeen. Hala ere, Uribe Kostako bizikleta‑bideen oinarrizko sarean ikusten denez, bidegorri‑tarteak, orain arte, isolatuta egin dira, eta, Sopelako Udalaren ustez, garaia da zerbitzua hobetzeko, hau da,...
article thumbnail Sopelak, udalerriko zenbait gune garrantzitsu lotzen dituen bidegorri‑sarea du. Horrez gain, alokairuzko bizikleten puntuak ere badaude, non betiko bizikletez gain, elektrikoak ere eskura daitezkeen. Hala ere, Uribe Kostako bizikleta‑bideen oinarrizko sarean ikusten denez, bidegorri‑tarteak, orain arte, isolatuta egin dira, eta, Sopelako Udalaren ustez, garaia da zerbitzua hobetzeko, hau da, unea da...
article thumbnailUdal sopeloztarrak 650.000 euro baino gehiago bideratuko ditu datozen hiru urteetan, segurtasuna, argiteriaren kalitatea eta instalazio elektrikoen funtzionamendu egokia bermatzeko xedez. Udalerriko argiteria publikoa eta semaforo-instalazioak mantentzeko eta egokitzeko zerbitzuaren kontratua amaitu denez, eta instalazio horiek baldintza onenetan kontserbatzen jarraitzeko helburuarekin,...
Berri gehiago: Hirigintza  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia