Zu hemen zaude: Hasiera Albisteak 40 auzokide baino gehiago elkartu dira skate-park berriaren inguruko erabakiak hartzen hasteko

hiringitza banner

40 auzokide baino gehiago elkartu dira skate-park berriaren inguruko erabakiak hartzen hasteko

Skate-park berria non eraikiko den eta nolakoa izango den auzokideekin batera erabakitzeko asmoz, bilera antolatu zuen Sopelako Udalak martxoaren 14an. Bilerara skate-parkeen erabiltzaileak diren 40 lagun baino gehiago elkartu ziren, gehienak gazteak, eta interes handia erakutsi zuten denon artean skate-park berriaren nondik norakoak erabakitzeko.

Lehenik eta behin, Saioa Villanueva Sopelako alkateak proiektua zein egoeretan dagoen azaldu zuen. Gogoratu zuenez, hasiera batean Udalak azpiegitura hau Urko paduran eraiki nahi zuen, baina uholdeak sortzeko arriskua dagoenez eta leku oso hezea denez, aukera hau baztertu zuten, eta beraz, beste leku bat bilatu beharko da. Halaber, Udalak proiektu hau gauzatzeko 250.000 euroko diru-saila duela argitu zuen. Bestalde, Joseba Kortazar EHUko Parte Hartuz taldeko ikertzaileak talde dinamizatzaile honen metodologia partehartzailea zein izango den azaldu zuen. 

Hurrengo asteetan, beraz, talde hau lanean jarriko da skate-parkaren inguruko erabakiak hartzeko. Eskerrik asko parte hartu zenuten guztioi!

Hirigintzaren azken albisteak

article thumbnailMetroaren bideetatik hurbil dauden Sugurdialde kaleko etxebizitza blokeak akustikoki babesteko helburuarekin, Bizkaiko Garraio Partzuergoak Sopelako Udalari jakinarazi dio datorren otsailaren 1ean hasiko dituela “Bilboko Metropoli-Trenbidearen 1. Lineako Larrabasterra-Sopela zatian pantaila akustikoak instalatzeko proeiktua” egiteko lanak.  Urtarrileko azken asteetan inguruko perimetroa itxi eta...
article thumbnail  Kontratu berria datozen asteetan esleituko da, eremu hauek herritarren erabilerarako eta gozamenerako egoera ezin hobean egotea lortzeko xedez. Horretarako 1,5 milioi euroko partida bat erreserbatu da. Baliabide materialetan egindako inbertsioetan hobekuntzak aurreikusten dira, bai eta plantilla handitzea ere, laneko une jakin batzuetan 11 langilek indartuko dutelarik. Besteak beste, kontratuak...
article thumbnailBehin-behineko jarduera da, kalea behin betiko berrantolatzeko partaidetza-prozesua gauzatu arte. Jarduketa honen bidez aisialdirako eta atsedenerako gune irisgarri eta seguruagoa lortu nahi da, inguruko merkataritza eta ostalaritza erabilerak indartuz. Oinezkoen segurtasuna areagotzeko eta inguruko bizilagunen eskarietako bat errealitate bihurtzeko, Sopelako Udalak Eleizalde kalea (Landa...
article thumbnailSopelako Udalak gaur, abenduak 17, hasi ditu Osteiko bidea eta Olabideko bidegurutze berria eraikitzeko lanak. Udalak 375.000 euro (BEZ barne) inguru inbertitu ditu lanak egitera. Urbanizazio proiektuak loturak egitea barne hartzen du Osteiko sektoreko bidearekin, Urdulizen, bai eta Larragoiti industrialdearen ondoan dagoenarekin ere, hiri-azpiegitura bat sortuz, bi udalerriak lotuko dituen...
Berri gehiago: Hirigintza  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia