Sopelako Udala - Sopelako Udalak aparkaleku mugatua eta txandakakoa ezarri du Bidebieta kalean
Zu hemen zaude: Hasiera Albisteak Sopelako Udalak aparkaleku mugatua eta txandakakoa ezarri du Bidebieta kalean

hiringitza banner

Sopelako Udalak aparkaleku mugatua eta txandakakoa ezarri du Bidebieta kalean

•    Ekimen honen bidez, Udalak oreka handiagoa lortu nahi du udalerriko erdiguneko zonalde honetan aparkatzeko eskaintzaren eta eskariaren artean. Aparkalekua erraztea eta inguruko denda eta establezimenduetan erosketak sustatzea da helburua.

•    Ordenantza hau apirilaren 26tik aurrera jarriko da indarrean.

•    Agindua behar bezala seinaleztatutako 21 aparkalekutan aplikatuko da, bertikalki zein horizontalki.


Sopela, 2021eko apirilaren 26an. Ekimen honen bidez, Udalak oreka handiagoa lortu nahi du udalerriko erdiguneko zonalde honetan aparkatzeko eskaintzaren eta eskariaren artean. Aparkalekua erraztea eta inguruko denda eta establezimenduetan erosketak sustatzea da helburua.

Horretarako, Udalak duela hilabete batzuk Bidebieta kalean, Sabino Arana eta Laubide kaleen arteko tartean, Gernika plazarainoko ibilgailuen aparkaleku mugatua arautzen duen ordenantza onartu zuen. Ordenantza hau apirilaren 26tik aurrera jarriko da indarrean.

Neurriak zonaldeko trafikoa antolatu eta hobetu nahi du aparkalekuaren espazio- eta denbora-mugari esker. Agindua behar bezala seinaleztatutako 21 aparkalekutan aplikatuko da, bertikalki zein horizontalki. Horietan, aparkatzeko gehieneko aldia ordubete eta hogeita hamar minutukoa izango da. Epe hori igarotakoan, ezingo da berriro aparkatu, harik eta bi ordu igaro arte.

Josu Landaluze Sopelako alkateak azaldu duenez, ordenantza honekin Udalak "inguruko merkatariek gehien eskatzen duten neurrietako bati erantzuna ematen dio. Sistema berri hori aktibatzeak mugikortasuna eta bezeroen joan-etorria hobetuko ditu establezimenduetan. Beraz, aparkalekua errazten dugu, herritarrek erosketak erosoago egin ditzaten, tokiko ekonomia suspertzen lagunduz".

Aparkatzeko, nahitaezkoa izango da ibilgailua aparkatu ondoren tiket bat ateratzea makina saltzailetik, eta haizetakoaren barruan jartzea, kanpotik ikusteko moduan.

Aparkaldi mugatuaren ordutegia honako hau izango da: astelehenetik larunbatera, 09:00etatik 13:30era, eta astelehenetik ostiralera, 16:00etatik 20:00etara.

Ordenantzan jasotako arauren bat ez betetzeagatiko zigorrak 30 eta 90 euro artekoak izango dira. Hurrengo hiru orduetan laster ordainduz gero, 30 euroko zehapena erdira murriztu ahal izango da. Ez, ordea, 90 eurokoa: arau-haustearen erantzule den gidaria ez identifikatzeagatik eta/edo manipulatutako, faltsututako, baliogabetutako, iraungitako edo desegokia den tiket bat erabiltzeagatik ezarriko da.

Hirigintzaren azken albisteak

article thumbnailJoan den maiatzean, 1.216.511,05 €-ko zenbatekoan esleitu zen Sopelako kaleen garbiketa jasangarriko zerbitzua datozen 3 urteetarako, zerbitzuaren kalitate hobea lortzeko hobekuntza batzuk barne. Kontratu honek 9 pertsona ditu egunero lanean, bai eta baliabide material, elektriko eta jasangarriagoak ere, kontratu horri atxikitako langileentzako lan-baldintza hobeak zainduz, gure kaleetan...
article thumbnail  Beharrak eta lehentasunak zehazteko eta inguruko herritarren kezkak ezagutzeko, Larrabasterrako mugikortasunari buruzko prozesua abiaraziko da uztailean.Prozesua gaur, uztailaren 5ean, hasiko da eta 25era arte iraungo du. Kartelak jarriko dira Larrabasterrako hainbat puntutan dauden paneletan, hasierako proposamenari buruzko informazio zehatzarekin.Parte hartu nahi duten guztiek beren iritziak...
article thumbnail  Sopelako Udalak iturri bat jarri du Skate Park-ean, erabiltzaileek freskatzeko aukera izan dezaten eta, aldi berean, plastikozko botilen erabilera saihesteko.Horretarako, 340 metroko zanga egin da egungo galtzadaren edo bidearen ertzetik, ingurumenean ahalik eta inpaktu txikiena eragiteko, ura eraman ahal izateko.Era berean, bi paperontzi gehitu dira, leku horretako erabiltzaileek beren...
article thumbnail  Sopelako Udaleko Obra eta Zerbitzu Sailak Akilino Arriola kaleko trafiko-eskema berrantolatzea proposatzen du.Horrela, kaleari oinezkoentzako izaera emateko, zirkulazioaren noranzkoetako bat kendu eta oinezkoentzako eta bizikletentzako aisialdi-guneak zabaldu nahi dira. Gaur egun, kaleak bi noranzkoko galtzada du, bai eta 2.00 eta 2.50 metro arteko zabalera duten espaloiak ere, eta horrek...
Berri gehiago: Hirigintza  

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia