Zu hemen zaude: Hasiera GIZ. EKINTZA ETA BERDINTASUNA Emakume gazteen inguruko diagnostikoa egingo du Udalak

Emakume gazteen inguruko diagnostikoa egingo du Udalak

DIAGNOSTIKOA IRAKURTZEKO DOKUMENTUETARA JO DEZAKEZU: http://sopelaudala.org/index.php/eu/akziosoziala-dokumentu-erlatzionatuak

Sopelako Udalak emakume gazteek pairatzen dituzten desberdintasunei buruzko diagnostiko partehartzailea egingo du irailera arte. Lehenik eta behin, 12 elkarrizketa sakon egingo dira (herriko emakume gazteei) eta horren ostean, gai honetan sakontzeko eztabaida-taldeak sortuko dira.

Ekimen honen helburua feminismoaren inguruko hausnarketa eta formakuntza gune bat sortzea da, eta eztabaidatzeko topaleku bat eraikitzea, genero estereotipoak apurtzeko bidean urratsak emanez.

Proiektua Sopelako Udalak eta Emakundek finantzatuko dute, eta esan bezala, emakume sopeloztar gazteen iritziak, proposamenak, eskaerak eta beharrizanak jasoko dira.

Parte-hartzeko deia

Horretarako, hainbat lan-talde sortuko dira. Lehenengo bilera martxoaren 18an izango da, eta hurrengoak apirilaren 8an eta maiatzaren 6an. Bilera guztiak 19:00etan izango dira Kurtzio Kultur Etxean, eta guztiz irekiak dira.

Sopelako Udalak deia egin gura die herriko emakume gazteei bertan parte har dezaten:

Emakumea bazara, heldua, gaztea, Sopelan bizi bazara eta zure ahotsa entzunarazia izatea gura baduzu...

Emakume eta gizonen arteko desberdintasunak badaudela uste baduzu...

Balioak aldatu ahal direla uste baduzu, eta bereziki, emakumeak eta gizonak baldintzatzen eta mugatzen dituzten estereotipoak...

Berezko autonomia eta autonomia sozial eta afektiboaren prozesuan murgilduta bazaude...

PARTE HARTU!

Informazio gehiago:

www.facebook.com/sopelakoemakume.gazteenahotsa

E-mail hau spam roboten kontra babestuta dago. JavaScript aktibatuta izatea behar duzu hau ikusteko. E-mail hau spam roboten kontra babestuta dago. JavaScript aktibatuta izatea behar duzu hau ikusteko.

680 66 12 32

Gizarte ekintza eta berdintasunaren azken albisteak

article thumbnailMaiatzaren 24an, ostirala, Bikarte elkartearen hitzaldia ospatuko da Kurtzio Kultur Etxean. Ekimena 18:30ean hasiko da eta helburua Bikarteren proiektua azaltzea da. Izan ere, elkarte honek, Errusia eta Bielorrusiako erradiazio zonaldeetako adinez txikikoen aldi baterako egonaldiak antolatzen ditu Euskadin eta harrera familiak behar dituzte. Egun 250 bazkide baino gehiagok osatzen dute, modu...
article thumbnailMartxoaren 28an, osteguna, Euskadiko Familia Ugarien elkartea, Hirukide, Sopelako Kutzio Kultur Etxean egongo da kafe-tertulia bat egiteko. Bertan, udalerriko familia ugariekin egongo da eta bere zerbitzuak eta ekintzak aurkeztuko ditu. Honekin batera, kide ugariko familiek dituzten eskubideen gaineko informazioa helaraziko die parte hartzaileei, bai eta azken berriak ere. Parte-hartzaileen...
article thumbnailEmakumearen Nazioarteko Eguna dela eta, beste behin Sopelako Udalak, Itzartu Emakume Elkartearekin elkarlanean, ekintza ugari antolatu ditu emakumezkoen eta gizonezkoen arteko berdintasuna sustatzea helburu duen Emakumearen Astea izenekoaren barruan. Egitarauak martxoaren 4 eta 10 bitartean Kurtzio Kultur Etxean ospatuko diren adin guztiei zuzendutako ekintza ugari jasotzen ditu: hitzaldiak,...
Martxoak 8 erakunde-adierazpena
2019eko otsailaren 26a
article thumbnail  Martxoaren 8an ospatzen den Nazioarteko Emakumearen Eguna dela eta, aurreko ostiralean, otsailak 22, Sopelako Udaleko Bozeramaileen Batzordeak aho batez onartu zuen  honako adierazpen instituzionala: BIZITZAK ERDIGUNERA! Gizarteak mezu argia jaso zuen 2018an, Mugimendu feministak Martxoaren 8rako egindako emakumeen lan-etenaldi deialdiari eman zitzaion erantzunaren aurrean: kaleak bete ziren eta...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia