Zu hemen zaude: Hasiera GIZ. EKINTZA ETA BERDINTASUNA Sopelako Udalak pobrezia energetikorako diru-laguntzak eskatzeko epea zabalduko du bihar

Sopelako Udalak pobrezia energetikorako diru-laguntzak eskatzeko epea zabalduko du bihar

  • Udalak deitutako diru-laguntzen zenbatekoa 40.000 eurokoa izango da energi pobrezian dauden Sopelako familien beharrizanei erantzuteko. Eskariak azaroaren 8tik 21era arte aurkeztu ahal izango dituzte.
  • Era berean, Udalak beste 70.000 euro bideratuko ditu OHZ eta zaramabilketa nahiz estoldagatiko tasak ordaintzeko laguntzetara. Kasu honetan, interesdunek azaroaren 15etik 30era egin beharko dituzte eskariak.

Energiaren prezioak nabarmenki garestitu dira azken aldian eta horregatik, Sopelako zenbait etxebizitzetan etxeko beharrak asebetetzeko beharrezko energiaren kostu altuari aurre egiteko zailtasunak daude eta beraietako askok bere dirusarreretako zati handiegia bere etxebizitzako energia-faktura ordaintzera zuzendu beharrean aurkitzen dira eta horrek bere bizi-baldintzetan zuzenki eragiten du.

Errealitate honen jakitun izanda eta baliabide gutxien dituzten familiengan energiaren prezioaren garestitzeak dakartzan eraginak arintzeko xedez, Sopelako Udalak 40.000 euroko berariazko partida jarri du sopeloztarren eskura.

Dirulaguntza hauen helburua ohiko etxebizitzaren hornidura energetikoaren 2019. urtean egindako gastua estaltzea da. Familia-unitatea etxebizitzan bizi diren pertsona guztiek osatuko dute eta aipatutako egoera hau biztanleen erroldaren bitartez ziurtatu behar izango da. Halaber, bestelako baldintza atzuen artean, eskaera egiten duten pertsonak Sopelan erroldatuta egon beharko dira, gutxienez urtebeteko antzinatasunarekin eta etenik gabe.

Laguntza hauek jasotzeko gehienezko diru-sarrerei dagokionez, pertsona bakar batek edo bik osatutako bizikidetza-unitateen diru-sarrerak ezin izango dira urtean 12.600 euro baino gehiagokoak izan. Hiru pertsonek osatutako bizikidetza-unitateen diru-sarrerak ezin izango dira 15.750 eurotik gorakoak izan; lau pertsonako familien kasuan, ezin izango dira 18.900 euro baino gehiagokoak izan eta bost pertsonek edo gehiagok osatutako bizikidetza-unitateen diru-sarrerek ezin izango dute 22.050 euro gainditu.

Laguntza familia unitatearen ohiko etxebizitzan 2019an gastatutako elektrizitatea, gasa edo erabiltzen den beste edozein erregai ordaintzeko izango da. Emanaldi bakarrean emango da eta eskatzaile bakoitzak eta elkarbizitza unitate bakoitzak gehienezko zenbatekoa izango dute, 400 eurokoa.

Eskariak aurkezteko epea azaroaren 8tik 21era arte egongo da zabalik. Eskari orria eta deialdiaren oinarriak jada Bizkaiko Aldizkari Ofizialean argitaratuta daude eta interesdunen eskura daude www.sopela.eus webgunean, baita udal bulegoetan ere.

Beste 70.000 euro OHZ eta zaramabilketa nahiz estoldagatiko tasak ordaintzeko laguntzetara

Honez gain, gogoratu beharra dago Sopelako Udalak errenta-maila txikia duten familientzako, beste 70.000 euro bideratuko dituela Hiri Ondasun Higiezinen gaineko Zerga (OHZ) eta zaramabilketa nahiz estoldagatiko Tasak ordaintzeko laguntzetara. Kasu honetan, eskariak aurkezteko epea azaroaren 15etik 30era izango da.

Bete beharreko baldintzen artean, eskaria egiten duten pertsonak hurrengo egoera baten aurkitu beharko dira:

  • Langabezian.
  • Pentsioduna izan Gizarte Segurantzako edozein erregimenetan.
  • Aktibo egon Lanbidearteko Gutxieneko Soldataren baliokidea den errenta batekin: hilean 900 euro; urtean 12.600 euro.
  • Diru-sarrerak Bermatzeko Errentaren hartzailea izan.
  • Oro har, baliabide ekonomiko nahikorik ez izatea.

Baldintza eta aurkeztu beharreko dokumentazioaren inguruko informazio gehiagorako: 

http://sopelaudala.org/index.php/es/documentos/cat_view/23-dirulaguntzak-subvenciones/41-doan-lehia-libre-concurrencia

 

Gizarte ekintza eta berdintasunaren azken albisteak

article thumbnailEmakumearen Astearen barruan, martxoaren 7an, Sopelako Udaleko Gizarte Ekintza, Berdintasun eta Lankidetza Sailak, Rolli it Girl Sopelaren eta Leire Garmendia Glassy dokumentalaren zuzendariaren lankidetzari esker, irristatze-kiroletan emakumeak duen egoerari buruzko Sentsibilizazio Topaketa bat antolatu zuen. Horrela, Glassy dokumentalaren proiekzioaren ondoren, solasaldi interesgarria izan...
article thumbnailAtzo, martxoaren 12an, proiekzio bat egin zen Sopelako Udaletxeko fatxada aurrekaldean, Bideo-maping formatuan, Emakumeen Nazioarteko Eguna dela eta. Irudian, egindako proiekzioetako bat ikus dezakegu. Bertan omenaldia egin zitzaien munduko emakumeei, eta benetako berdintasuna aldarrikatu zen formatu berri horren bidez. Atzoko egunean ere, Uribe Kostako Emakumeen Kontseiluak, martxoaren 11n Abanto-Zierbenan gertatu...
article thumbnail  Martxoaren 8an Emakumearen Nazioarteko Eguna ospatzen da, emakumezkoen etagizonezkoen arteko berdintasuna sustatzea eta horren aldeko borroka babestea helburu duen eguna, hain zuzen ere. Ekimenarekin bat egiteko asmoz, beste urte batez, ekintza desberdinak antolatu dira Sopelan eta Uribe Kostako zenbait herritan. Sopelako Udalak, Itzartu Emakume Elkartearekin elkarlanean, jarduera ugariz...
article thumbnailANDRAZKOENGANAKO INDARKERIAREN AURKAKO NAZIOARTEKO EGUNA” dela eta, herritar guztiei dei egiten diegu parte har dezaten ekitaldi honetan: ELKARRETARATZE-EKITALDIA: Udaletxeko plazan egingo da, azaroaren 25ean, astelehenean, 19:30etik aurrera, eta hauxe izango da EGITARAUA: Udaletxeko fatxadan mundu osoko andrazkoek jasaten duten indarkeria-egoerari buruzko argi eta musika-ikuskizun alegorikoa...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia