Zu hemen zaude: Hasiera Albisteak Pascasia Astobieta 100 urteko auzokideari, omenaldia martxoaren 19an

Pascasia Astobieta 100 urteko auzokideari, omenaldia martxoaren 19an

Gogoa beti da gazte! Esaera zahar horren adibide argia dugu Pascasia Astobieta Zarandona auzokide sopeloztarra. Otsailaren 22an 100 urte bete zituen, eta urtemuga berezi hau ospatzeko, omenaldia antolatu diote Lagun Artea Nagusien Elkarteak eta Sopelako Udalak.

Astobieta 100 urte bete dituen hirugarren sopeloztarra da; iaz Amelia Martin eta Maria Adelia Garaik ere 100 urte bete zituzten.

Energia eta alaitasuna dira Pascasiaren ezaugarririk aipagarrienak. Erandioko Uribene baserrian jaio zen 1914. urtean, eta bizimodu gogorra izan zuen: 12 urtegaz izeko baten baserrira kriade joan zen, Deriora, umeak gobernateko. Halan da be, baserrian denetarik egin behar izan zuen.

Hamar urtez kriada egon ostean, 22 urtegaz Bixente Bolunburu deriotarragaz ezkondu zen. Txominene baserrira bizitzera joan zen orduan, baina haurdun zegoela, gerrea heldu zen. Pascasiak akorduan du, gerratik eskapetan Algortaraino joan zirela idi, gurdi eta behiakaz, oinez. Bueltan, etxea balijata topatu zuten, militarrak bertan zeuden-eta, dan-dana ostu eutsien.

Sopelan 22 urte daroaz, eta bere berbetan, ederto bizi da gurean. Orain gutxira arte, egunero egunero jubilatuen etxera jaitsi da kartetan jolasten. Gainera, kantatzea, dantza egitea, egunkaria irakurtzea e.a. izan du afizio. Eta noski, familiagaz egotea ere gustoko du: “Bederatzi loba eta hamar birbola dut, zelako koadrila, kar-kar!”.Gainera, bere familiak azpimarratzen duen legez, senide guztien urtebetetzeetaz akordaten da.

Bere ehungarren urtebetetzea ospatzeko, martxoaren 19an 18:00etan, omenaldia izango dugu Jubilatuen Etxean. Zorionak eta eskerrik asko, Pascasia!

Gizarte ekintza eta berdintasunaren azken albisteak

article thumbnail  Bi diru-laguntza horietarako eskaerak aurkezteko epea ekainaren 22an (astelehena)   hasi eta 2020ko uztailaren 6an amaituko da. Lehenbiziko laguntza , pertsona fisikoek nahiz entitate juridikoek, kirolaren esparruan 2020an egiten dituzten jarduerak finantzatzeko da. Diru-laguntza honen xedea da , funtzionamendu gastuak eta garatzen diren jarduera programen ondoriozko gastuak ordaintzen laguntzea....
article thumbnailBetirako programa Eusko Jaurlaritzako Enpleguko eta Gizarte Politiketako Sailak sustatzen du; doako zerbitzua da eta psikologiako profesionalek ematen dute arreta 900 908 744 telefonoaren eta &fAwww.betirako.org; webgunearen bidez, 400 familia baino gehiagori lagundu ahal izatea aurreikusten da Betirako Bazterketaren aurkako Funtsaren bidez garatutako hamar bat ekimenen artean dago, eta 303.000...
article thumbnail  Berdintasun Ministerioak genero-indarkeriaren aurkako kontingentzia-Plana zabaldu die sexu-esplotaziorako salerosketaren biktimei eta prostituzio-testuinguruetako emakumeei, COVID19aren krisiaren ondoriozko arreta eta babesa indartzeko.  Zabaltze honek berekin ekarri du emakumeei laguntza eta babesa eskuratzeko irizpideak bateratzeko zenbait dokumentu egitea,  hau da, ondorio...
article thumbnailKoronabirusaren krisia martxoaren erdialdean hasi aurretik, Uribe Kostako Mankomunitateko Berdintasun Sailak tailer feministen agenda bat diseinatu zuen. Tailer horiek Sopelan eskaintzekoak ziren Emakumeen Nazioarteko Eguna ospatzen den martxoaren 8ko programaren baitan, baina osasun larrialdiak jarduera hori bertan behera uztera behartu zuen. Mankomunitateak, ekimenari formatua aldatu zion eta...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia