Zu hemen zaude: Hasiera Albisteak Biolentzia matxistaren kontra, urteko 365 egunetan!

Biolentzia matxistaren kontra, urteko 365 egunetan!

365 egunetan, biolentzia matxistaren kontra!

Urtero legez, azaroaren 25ª helduko da hilabete honetan, eta Euskal Herriko plazak herritarrez beteko dira, emakumeenganako indarkeria argi eta garbi arbuiatzeko. Sopela ez da salbuespena izango, eta azaroaren 25agaz lotuta hainbat jarduera antolatuko dira. 

Esaterako, azaroaren 22an, ostirala, 20:00ak aldera kale-ekintza bat izango dugu udaletxe plaza inguruan. Urrian tailer bat hasi zen Kurtzio Kultur Etxean kale-ekintza hau prestatzeko, herritarren artean kontzientziazioa zabaltzeko asmoz. Tailerrean hainbat lagun aritu dira gogotsu lanean, adin eta eremu ezberdinetakoak: Medicusmundi Bizkaia, Itzartu, Sopelako Asanblada Feminista, Mujeres Imperfectas (dinamizatzailea), Uribe Kostako Mankomunitatea, Sopelako Udala eta norbanakoak. Tailerraren azken saioan parte hartu gura baduzu, oraindino badaukazu horretarako aukera! Azaroaren 15ean izango da, 17:00etan Kurtzio Kultur Etxean. 

Egun horretan bertan, azaroak 15, Olaia Aretxabaletaren kontzertua izango dugu udaletxe plazan, kale ekintza amaitzerakoan. Aretxabaletak Beldu Barik I. lehiaketaren irabazlea izan zen, ez galdu! Bideo honetan bere abesti bat entzun dezakezu: OLAIA ARETXABALETAREN BIDEOA.

Azaroaren 23an Itzartuk autodefentsa feminista lantzeko tailerra antolatu du Kurtzio Kultur Etxean, egun osoan zehar. Izena emateko beharrezkoa da Itzartuko egoitzatik pasatzea.

Honetaz gain, azaroaren 25ean, 19:00etan udaletxe plazan, kontzentrazioa eta adierazpenaren irakurketa izango da udaletxe plazan.

Azkenik, azaroaren 24an 13:00etan Uribe Kostako Mankomunitateko ekintza nagusia izango da Plentziako Astillero Plazan. Kontzentrazioa eta adierazpenaren irakurketa izango da.

Baina egun hauetan hainbat jarduera antolatzen diren arren, biolentzia matxista salatzeko ekimenak ezin dira aste batera mugatu: urte osoan landu beharreko gaia da. Hori dela eta, urtean zehar antolatzen diren ekimenetan parte hartzera gonbidatu nahi zaituztegu: salaketa-kontzentrazioak Larrabasterran, tailerrak, herriko eragile feministetan parte hartzen e.a.

Gizarte ekintza eta berdintasunaren azken albisteak

article thumbnailANDRAZKOENGANAKO INDARKERIAREN AURKAKO NAZIOARTEKO EGUNA” dela eta, herritar guztiei dei egiten diegu parte har dezaten ekitaldi honetan: ELKARRETARATZE-EKITALDIA: Udaletxeko plazan egingo da, azaroaren 25ean, astelehenean, 19:30etik aurrera, eta hauxe izango da EGITARAUA: Udaletxeko fatxadan mundu osoko andrazkoek jasaten duten indarkeria-egoerari buruzko argi eta musika-ikuskizun alegorikoa...
article thumbnailUribe Kostako Emakumeen Kontseiluak, Andra Barriak, gonbidatu nahi ditu herritarrei Uribe Kostako Emakumeen XI. Topaketaren aurkezpenera. Topaketa hau Emakundek sustatutako 2019ko ‘Erabakitzen dudana izango naiz’ goiburua duen Berdintasunerako Gunearen barne kokatzen da. 2019ko azaroaren 23an, larunbata, ospatuko da Inolaren Emakumeen Etxean (Urdulizen) goizeko 10.00etatik aurrera ‘Norantz goaz...
article thumbnailEmakunderen “2019 Berdintasunerako gunea” ekimenaren barruan Uribe Kostako Mankomunitateak “Emakumea eta kirola: gaur egungo egoera eta erronkak” izeneko jardunaldia antolatu du. Ekimena Urdulizko Kultur Etxean ospatuko da urriaren 10ean 16:00etatik 20:30era. Sarrera librea izango da Egitaraua: 16:00/16:15: Aurkezpena: Mankomunitateko presidentea eta Urdulizko alkatea. 16:30/17:30: Zientzia...
article thumbnailUribe Kostako Mankomunitateak “aUKera ON” bigarren eskuko merkatua antolatu du ekainaren 8rako Urdulizen. 38 postuk osatuko dute merkatua, eta jendearentzako ordutegia goizeko hamaiketatik arratsaldeko hirurak bitartekoa izango da. Hemen, bigarren eskuko edozein objektu‑mota aurkitu ahal izango duzu, eguneroko bizimoduan laguntza emango dizuna. Merkatu honekin lortu nahi dena da, batetik,...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia