Sopelako Udala - Sopelak “Ez zaitez hondoratu” kanpaina jarri du abian gazteen artean ludopatia prebenitzeko
Zu hemen zaude: Hasiera Albisteak Sopelak “Ez zaitez hondoratu” kanpaina jarri du abian gazteen artean ludopatia prebenitzeko

Sopelak “Ez zaitez hondoratu” kanpaina jarri du abian gazteen artean ludopatia prebenitzeko

  • Ekimenaren helburua fenomeno kezkagarri horren inguruan gogoeta egitea eta gazteen artean jokabide arriskutsuak prebenitzea da.


Sopelako Udaleko Gizarte Ekintza, Emakumea eta Berdintasuna eta Lankidetza Sailak, azaro eta abenduan zehar, bereziki gazte sopeloztarrei zuzenduta doan zorizko jokoei buruzko sentsibilizazio- eta prebentzio-kanpaina bat jarri du abian. “Ez zaitez hondoratu” izenpean,  kanpainaren honen helburua ludopatiaren inguruan gogoeta egitea eta gazteen artean jokabide arriskutsuak prebenitzea da, izan ere, ludopatia-tasa handienak 14 eta 21 urte bitarteko pertsonengan ematen baitira.

“Teknologia berriek adin guztietako pertsonentzako jokoa eskuragarriago egin dute. Jokalarien kopuruak gora egiten du egunetik egunera eta jokalarien adina gero eta goiztiarragoa da. Adituak aspalditik ari dira ludopatiaren hazkundeaz ohartarazten, batez ere gazteen artean”. Hala dio Mª Teresa Fernández Gizarte Ekintza, Emakumea eta Berdintasuna eta Lankidetza Saileko zinegotziak, “Interneten erabilera konpultsiboa eta on line apustuak gazteei eta nerabeei gero eta eragin handiagoa ematen ari zaizkien mendekotasun berriak bihurtzen ari direla” azpimarratuz.



Guzti horregatik, azaroan eta abenduan prestakuntza-tailerrak egingo dira 4. mailako DBHko ikasleentzat eta Sopelako ikastetxeetako irakasleentzat, bai eta familiei zuzendutako hitzaldiak ere, jolasaren arazoaz kontzientziatzeko eta arazo horri aurre egiteko mekanismoak garatzeko.

“Ikastetxeei zuzendutako informazio- eta sentsibilizazio-kanpaina bat da, gazteei apustuen eta online jokoaren atzean ezkutatzen diren arriskuez ohartarazteko”, nabarmendu du zinegotziak.

“Errealitate berri honi dagokionez, teknologia berriek ematen duten erraztasuna gehitu behar zaio jolasari. Izan ere, bi elementu horiek ludopatia errazten dute, eta gizarte-arazo bat sortzen dute, esparru guztietatik irmotasunez konpondu beharrekoa. Horregatik, Sopelako Udaletik kanpaina hau diseinatu dugu, nerabeen ahultasun berezia kontuan hartuta, haien bulkaden kontrola txikiagoa delako eta esperimentatzeko behar handiagoa dagoelako”, gaineratu du.

Kanpaina honela antolatzen da:

  • Kontzientziatzeko informazio-kartelak erakutsiko dira autobus markesinetan, azaroaren 16tik 23ra bitartean.
  • Familiei eta ikasleei zuzendutako informazio-tailerrak.
  • Irakasleentzako prestakuntza-saioak.

 

Gizarte ekintza eta berdintasunaren azken albisteak

article thumbnail "Anitzak gara, Berdinak gara" lelopean, kanpaina Bizkaibuseko 4 markesinatan (Larrabasterran eta Sopelan) ikusi ahal izango da eta LGTBI kolektiboarekiko edozein diskriminazio edo indarkeria saihestearen beharra ikusarazi nahi du. Kontzientziazio-kanpaina honen barruan, Udalak 200 kartel banatuko ditu udalerriko saltokien bidez eta 500 poltsa eta oroimenezko txapa ere banatuko ditu Turismo...
article thumbnailUribe Kostako Zerbitzuen Mankomunitatea lehenengo urratsak ematen ari da gizarte zibilarekin, emakumeekin eta gizonekin, modu mistoan zein ez mistoan, sentsibilizazio eta kontzientziazio feministan eta indarkeri matxistaren prebentzioan. Mankomunitaeko Berdintasun Sailak, emakumeen hainbat erakunde eta elkarteren laguntzarekin, eskualdeko udalerrietako emakumeentzako (eta beste...
article thumbnail Aurten ere, Sopelako Udalak bat egingo du askatasunaren eta berdintasunaren aldeko borrokarekin, Maiatzaren 17ko Homofobia, Transfobia eta Bifobiaren aurkako Nazioarteko Egunaren aldeko kanpaina berri bat jarri du abian jarriz.1990eko maiatzaren 17tik, OMEk homosexualitatea gaixotasunen zerrendatik kentzen duen egunetik, egun hau ospatzen da eta balio esanguratsua du lesbiana, gay, transexual,...
article thumbnailProiektuak surfa modu jarraitu, egonkor eta profesionalean egiteko aukera ematen die pertsona guztiei, kirolari guztien beharrak beteko dituen diziplina anitzeko talde batekin. Sopelak Surf egokituarren alorreko erreferentziazko puntuetako bat izateko lanean jarraitzen Sopela. Lan ildo horretan, Peñatxuri Surf Eskolak, Haszten elkarteak eta 3dlan elkarteak, Sopelako Udalarekin elkarlanean, Surf...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia