Sopelako Udala - Sopelako Udalak adinekoentzako ariketa kognitiboak eta jarduera fisikoa lantzeko zirkuitua instalatu du Gernika Plazan
Zu hemen zaude: Hasiera Albisteak Sopelako Udalak adinekoentzako ariketa kognitiboak eta jarduera fisikoa lantzeko zirkuitua instalatu du Gernika Plazan

Sopelako Udalak adinekoentzako ariketa kognitiboak eta jarduera fisikoa lantzeko zirkuitua instalatu du Gernika Plazan

 

  • Estimulazio kognitiborako eta psikomotrizitatea hobetzeko hainbat jolasez eta ariketez osaturiko instalazioak dira.
  • Espazioan, gainera, parte-hartzaileen arteko gizarte-harremanak sustatzen dira, bakardadeari aurre eginez eta zahartze aktibo eta osasungarria sustatuz.
  • Zirkuitua haurrentzako jokoen ondoan dago, helduentzat eta txikientzat onuragarriak diren belaunaldien arteko jarduerak sustatzeko.

Adinekoen artean bizimodu aktibo eta osasungarria sustatzeko xedez, Sopelako Udalak Gernikako Plazan zirkuitu bat jarri du, sopeloztarrek gorputza eta adimena trebatu dezaten. Instalazio horiek estimulazio kognitiboaz eta psikomotrizitatea hobetzeaz gain, harreman sozialak sortzea ahalbidetzen dituzten hainbat joko eta ariketa dituzte.

Populazioaren bizi-itxaropena gero eta handiagoa da, hortaz ezinbestekoa da hirugarren adinekoei hiri-espazioak eskaintzea; garai horretan hasten baitira, hain zuzen ere, gabezia kognitiboak eta fisikoak eta oroimenaren eta abileziaren galera, beste batzuen artean. Ariketa arinak eta buru-estimulazioak lagundu dezakete dementziaren hasiera prebenitzen eta sintomak kudeatzen, gaitasun kognitiboak hobetuz, sendotasun fisikoa eraikiz, konfiantza eta independentzia handituz eta isolamendu-sentimendua murriztuz. Zentzu honetan, Sopelako Udalak 12.321 euro (BEZa kanpo) inbertitu ditu estimulazio aktibo eta fisikoko zirkuitu mota hauek abiarazteko. Zirkuitu horiek, alde batetik, memoria, kalkulua, hizkuntza eta arreta entrenatzen laguntzen dute eta bestetik jarduera fisikoa egitea ahalbidetzen dute, muskuluen narriadura prebenituz eta koordinazioa, oreka, mugikortasuna eta indarra sustatuz. Zehazki, adimena sustatzera bideratutako elementuei dagokienez, bikoteak osatzeko panelak, hiruko artzain-jokoa, zifrak eta letra jolasak,  tenkagailua, egutegia (ariketa kognitiboa eta fisikoa egiteko) eta labirintoak jarri dira. Bestalde, ariketa fisikoekin lotutako panelei dagokienez, besoak lantzeko gurpil bat, bi pedal eta hatzentzako eskaileratxo bat jarri dira.

Gizarte-harremanak sustatzen dituzten instalazioak

Oroimenaren galeraz gain, bakardadea da gizartearen beldur handienetako bat. Alde horretatik, garrantzitsua da azpimarratzea, gorputza eta burua lantzen laguntzeaz gain, instalazio mota horiek parte-hartzaileen arteko gizarte-harremanak sustatzen dituztela. Izan ere, ingurune natural batean daudenez, erabiltzaileek helburu bera duten beste pertsona batzuez inguratuta egiten dute ariketa, bakardadeari aurre eginez eta zahartze aktibo eta osasungarria sustatuz.

Sopelaren kasuan, gainera, “instalazioak Gernika Plazako jolas-eremuko haur-parkearen ondoan jarri dira, erabiltzaileek txikienekin, ariketa kognitiboak egiteko aukera izan dezaten, belaunaldien arteko hesiak gaindituz” baieztatu du Josu Landaluze alkateak. Izan ere, frogatuta dago belaunaldien arteko jardueretan parte hartzen duten adineko pertsonak zoriontsuago sentitzen direla. Egunean zehar txikienekin denbora partekatzeak jarduera fisikoa, kognitiboa eta soziala areagotzen du, eta haien oroimena, kontzentrazioa, arreta eta depresio-sintomatologia murrizten ditu. Bestalde, txikienei, elkartruke horrek hobekuntzak eragiten dizkie hezkuntzan eta gizarte-harremanetan.

 

 

 

 

Gizarte ekintza eta berdintasunaren azken albisteak

article thumbnail  Udalerrian erroldatzen diren pertsonei laguntza eskainiko zaie, bizileku- eta lan-baimenei buruzko informazioa emango zaie edo osasun-, gizarte-, etxebizitza-, enplegu-, justizia- eta hezkuntza-zerbitzuak eskuratzeko zailtasunak dituzten kasuak artatuko dira, besteak beste. “Sopelan Pertsona Migratuentzako Harrerarako 2021-2024-SOPELA ANITZA Programa”k barne hartzen duen 5 lan-ildoetako bat da....
LilaGune: 2021eko martxoko ikastaroak
2021eko martxoaren 03a
article thumbnail  LilaGune Uribe Kostako Mankomunitateko Emakumeak ahalduntzeko eskolak honako ikastaroak antolatu ditu martxorako: Pandemia: nola eragiten digun emakumeoi. Begirada feminista Ez gara zoroak ezta menpekoak, Feministak Gara Haien bila doa! (... arrastoa utzi diguten emakume anonimo miresgarri horiengatik) Tailer guztiak doakoak dira. Plazak mugatuak izango dira, izen-emate ordenaren arabera...
article thumbnail  Kanpaina bisuala da eta protagonistak Sopelako adin desberdinetako emakumeak dira, udalerriko emakumeen ordezkari gisa. Sopela eta Larrabasterrako Metro Bilbaoko geltokietan eta Bizkaibuseko markesinetan Sara de Diego argazkilari sopeloztarrak egindako 14 emakumeren argazkiak jarriko dira. Era berean, Beatriz Nieto errealizadore sopeloztarrak sortutako eta 12 emakumeren ikuspuntuak biltzen...
article thumbnail  Udalak proiektu honen garapena bultzatu du, eta diagnostiko kuantitatibo zein kualitatibo bat egin du, indarkeriaren arretan esku hartzen duten erakunde arteko eragileen, udaleko politikari eta teknikarien eta indarkeriaren prebentzioan lan egiten duten elkarte eta erakundeen parte-hartzearekin. Informazio guzti hau oinarri hartuta, hautemandako erronkei aurre egiteko helburuak eta neurriak...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia