Zu hemen zaude: Hasiera Albisteak Sopelako Udalak 26.000 euro inbertitu ditu zailtasunak dituzten familiei zuzendutako 2 diru-laguntzetara

Sopelako Udalak 26.000 euro inbertitu ditu zailtasunak dituzten familiei zuzendutako 2 diru-laguntzetara

 

Aurten, nobedade gisa,

  • 16.000 euro eskainiko dira COVID-19aren ondorioak arintzeko elikatzeko diru-laguntzetara. Beste 10.000 euro inbertituko dira testu-liburuak eta eskola-materiala erosteko diru-laguntzetara.
  • Interesdunek urriaren 27ra arte izango dute eskaerak aurkezteko epea Sopelako Udaletxean bertan.
  • Pobrezia energetikoan dauden familiei zuzendutako  beste laguntza baten oinarriak publikatuko dira gutxi barru. Kasu honetan 15.000 euro inbertituko dira.

Sopeloztarren bizi kalitatea hobetu eta sustatzeko helburu nagusiarekin, Sopelako Udalak 26.000 euro inbertitu ditu zailtasunak dituzten familiei zuzendutako bi diru-laguntzetara.

Alde batetik eta nobedade gisa, Udalak 16.000 euro bideratuko ditu COVID-19aren ondorioak arintzeko elikatzeko diru-laguntzetara. Hauen helburua, Covid-19ak eragindako osasun-krisialdia kudeatzeko alarma-egoera deklaratzen duen martxoaren 14ko 463/2020 Errege Dekretuagatik eskola-jantokiak ixtearen ondorioz eta adingabeen beharrezko gastuei aurre egiteko baliabide nahikorik ez duten familiei laguntzea da. Kasu honetan, onuradunak gutxienez hiru hilabete lehenago Sopelan erroldatuta eta DSBE diru-sarrerak bermatzeko errenta jasotzen duten pertsonak izango dira, beraien ardurapean eskolatutako 3 eta 16 urte bitarteko adingabeak dituztenean. Horrela, aparteko diru-laguntza hauek hilean jasotzeko dira, familia-unitate bakoitzeko, eskola-jantokiak itxita egon diren bitartean. Ordainketa egiteko, itxiera hori martxoaren 15ean hasi eta ekainaren 15era doan epera arte izango da; gauzak horrela, honako kopuruak hirugatik bidertuko dira: 3-16 urteko eskolatutako adingabe baten kargu dauden eskatzaileak (100 euro hilero), adingabe biren kargu dauden eskatzaileak (150 euro hilero), hiruren kargu dauden eskatzaileak (175 euro hilero) eta lau edo gehiagoren kargu dauden eskatzaileak (200 euro hilero).

Bestalde, Udalak, 10.000 euro bideratuko ditu testu-liburuak eta eskola-materiala erosteko diru-laguntzetara. Gauzak horrela, Haur, Lehen eta Bigarren Hezkuntzako eta Batxilergoko ikasleen 2020-2021 ikasturteko eskola-material didaktikoa eta testu-liburuak erosteko gastuak ordaindu nahi dira. Edozein kasutan, ikaslea, diru laguntza eskatzen den unean, gutxienez, 12 hilabete lehenagotik Sopelan erroldatuta egon beharko du, banaketa edo dibortzio kasuetan izan ezik; azken hauetan, erroldatze baldintza hau gurasoetako batek bete beharko du. Laguntza, ikasle bakoitzeko emango da, horrela, familia unitatean ikasle bat baino gehiago baldin badago, horrenbeste eskaera egin ahal izango dira. Haur hezkuntzako ikasleek gehienez 150 euro jasoko dituzte testu-liburuak ordaintzeko eta 30 euro eskola-materiala ordaintzeko. Beste zikloko ikasleek aldiz, 250 euro jasoko dituzte gehienez testu-liburuentzako eta 40 euro eskola-materiala ordaintzeko.

Bi kasuetan, interesdunek urriaren 27ra arte izango dute eskaerak Sopelako Udaletxean bertan aurkezteko. Inprimakia eta deialdiaren oinarriak interesdunen eskura daude bai www.sopela.eus webgunean bai udal bulegoetan ere.

Halaber, aipatzekoa da, pobrezia energetikoan dauden familiei zuzendutako  beste laguntza baten oinarriak publikatuko direla gutxi barru (15.000 euro). Izan ere, Teresa Fernández Enplegu eta Ekonomi Sustapen zinegotziak azaldu duenez, “Udaletik pertsona guztiei bizitza duin eta egokia izateko eskubidea bermatzeko lanean jarraitzen dugu, hortaz, diru-laguntza hauetara 26.000 euro bideratzeaz gain, pobrezia energetikoan dauden familiei zuzendutako beste laguntza batzuk onartu ditugu. Hauen xedea ohiko etxebizitzaren hornidura energetikoaren 2020. urtean egindako gastua estaltzea da”. Laguntzok “onartuta daude jada eta laster publikatuko dira”.

 
 

 

 

 

 

Gizarte ekintza eta berdintasunaren azken albisteak

article thumbnail  Sopelako bizilagunek erakutsitako elkartasunari esker, 233,70 euro bildu dira. Zenbateko hori dagoeneko Sanfilippo Sindromea duten haurren familia eta lagunez osaturiko Euskadiko Sanfilippo Elkarteari eman zaio. Sopelako Udalak, guztira 1.558 kg plastikozko tapoi bildu ditu aurtengo otsailean udalerriko hainbat lekutan jarri ziren lau edukiontzi solidarioetatik. Lehen esperientzia honetan, eta...
article thumbnailBizkaiko Foru Aldundiak  90/2020 Foru Dekretua publikatu du, urriaren 13koa, zeinaren bidez konkurrentzia libreko dirulaguntzen programaren deialdi publikoa eta oinarri arautzaileak onesten diren, COVID-19aren krisiak ukitu dituen turismo-sektoreko enpresa txiki eta ertain eta autonomoentzat. Onuradunak Laguntzen onuradun izan ahalko dira COVID-19aren krisi ekonomikoak jotako langile autonomoak,...
article thumbnail 250 bonuek (466.250 bonu ostalaritzan eta turismoan, eta 500.000 merkataritzan) 8,7 milioi euro txertatuko dituzte merkatuan, eta, horren ondorioz, gutxienez 26 milioi mobilizatuko dira erosketetan. Horietatik guztietatik, Turismo, Merkataritza eta Kontsumo Sailak 620.000 bonu jarriko ditu zirkulazioan, eta 5,7 milioi euroko ekarpena egingo du. Zenbateko horri gainerako erakundeen ekarpena...
article thumbnail  Diru-laguntza berri hau atzo publikatutako COVID-19aren ondorioak arintzera (16.000 euro) eta testu-liburuak eta eskola-materiala erostera (10.000 euro) zuzendutako laguntzei gehitzen zaie. Eskariak aurkezteko epea urriaren 15etik 28ra egongo da zabalik. Eskari-orria eta deialdiaren oinarriak interesdunen eskura daude www.sopela.eus webgunean, baita udal bulegoetan ere. Sopelako Udalak atzo bi...

- Sopelako Udala - Sabino Arana, 1 Sopela 48600 Bizkaia (94) 406 55 00 -

Euskal Herria

Bizkaia